ليه عاوزين دفع رباعي

**Mzeid** · 09-10-2013 02:35 AM

تقريبا أفضل خيار الرانجلر و لو طبعا تجيبها كسر زيرو و التوكيل بيعمل trade in لعربيات فاكيد هتلاقي عندهم
و العربية من ناحية البنزين نظريا بتعمل 12 ليتر في ال 100 كيلو و العربية واسعة جدا خصوصا في الخلف أنا طويل و ركبت فيها علشان اجربها فوجئت بوسعها و طبعا الشنطة واسعة كمان :)

اما ال x3 هي عربية بصراحة تصميمها إلى حد ما سئ بالإضافة إلى انها هتكون قديمة لو جيت تشتري حاليا و لكن في الاول و الآخر هي bmw

اما الفورتشنر فكان فيه كلام على الإنترنت على ثباتها أنه سئ بس الكلام كان على الشكل السابق

**marlborooo** · 09-10-2013 06:09 AM

[SIZE="5"]مع احتمالية دعم البنزين اللي هيتشال من علي العربيات فوق ال1600سي سي يبقي انسي موضوع العربيات ال4*4 خليك في الsuv لانك مش هتشتري رنجلر 2011 مثلا وتحولها غاز او تشتري الليتر من غير دعم ب4،5

وانت مالكش في المستعمل يبقي فكر في عربية من 2 نيسان قشقاي او جوك (الاتنين نفس الماتور ) أأأو كيا سبورتاج
النيسان اعتمادية اكتر وتقفيل بريطاني
الكيا قطع غيارها بقيت متوافرة خاج التوكيل وديه ميزة مهمة جداااا وكمان اوبشن اكتر

لو مصمم علي الجيب رانجلر كس زيرو ومضمونة التوكيل بيبيع عربيات كسر زيرو بس اغلي من سعر السوق بس طبعااااا مضمونة 100%

تحيااتي

**Maghraby1987** · 09-10-2013 05:12 PM

المشاركة الأصلية كتبت بواسطة Anxs111

إل x3 بتقدم إرتفاع عن الأرض وموتور ٣٠٠٠ سي سي ..
هما دول حاجتين قليلين ....

ممكن أضيف عليهم أعلي اوبشنز في كل الموجود ...وموتور طيارة ...إتزان أحلي واحده فيهم وما تفرقش عن السيدان ...
حاسس كدة إن التعليق علي X3 عامل زي ملقوش في الورد عيب ....

طب إيه اللي ناقص المفروض البي أم تديه كمان ...

مش قصة ورد ولا حاجه انا مش هقلك غير حاجه واحده في برنامج توب جير كان مره جايبين ال x3 الشكل الجديد كمان مش القديمة مع شويه عربيات 4*4 قال انها عاملة زي واحد متخلف في عائلة كلها عباقرة (يقصد عائلة BMW)

**Ahmad Major** · 16-10-2013 11:02 PM

شاكر جدا لكل الاصدقاء اللي شاركوا
تقريبا كده الاختيار عندي بين الرانجلر 2012 و البي ام x3 2008
ان شاء الله هاجربهم بعد العيد
.
.
.
نشوف اخبار الثبات و العزل و الراحة على السرعات العالية
.
.
ان شاء الله اقولكم على رايي و نتناقش تاني
.
.
لو فى اقتراحات باماكن معينة لعمل test drive للعربيتين دول يبقوا كتر خيركم.
.
.
.
وكل سنة و انتم طيبيين و عيد سعيد عليكم و على البلد

**Anxs111** · 17-10-2013 07:21 AM

يا باشا توب جير مش مقياس في كل حاجة ماهو كان في حلقه مطلع فيها مازدا rx8 أحسن من بورش ....يعني الموضوع إن هو بيبص علي العربيات من زاويه مختلفه شوية ....

عموما جرب تسوقها عشان تحكم عليها ....

أنا سقت جيب شروكي ، تويوتا برادو ، فورشنر ، تويوتا رف 4 ، x3 ، جي أم سي أنفوي ، دودج دورانجو ، سوزوكي فيترا ، جي أم سي يوكون ... (دول اللي فاكرهم حاليا ) ....
ممكن بكل بساطة أقول لحضرتك إن x3 من أعلي العربيات دي ...أحسن ثبات علي طرق اسفلتيه ، موتور غريب ، صالون واسع نسبيا عربية حلوة وشيك .....

العربيه مع اتنين من أصحابي ...والاتنين تجار ...لو احكيلك كان بيعملو فيها مش هتصدق ... ولحد دلوقتي بيشكرو فيها ...

**amirz** · 09-11-2013 11:20 PM

المشاركة الأصلية كتبت بواسطة ahmed_eng2001

السلام عليكم

انا متفهم حيرة حضرتك فى الاختيار و التفكير و اتفق معك فى ما ذكرته.... و لو سمحتلى ..... افضفض معاك شوية ...

مشاكل الطرق ... الى حضرتك ذكرتها مش محتاجة عربية دفع رباعى .....

مشاكل الطرق دى محتاجة عربية عالية عن الارض .... علشان تخلى حضرتك تدخل فى مدقات و ممكن كمان تطلع على الرصيف و ميهمكش اغلب الحفر و المطبات

اما بالنسبة للزحمة و الخوف على العربية ..... عن تجربة .... بعد ما تركب عربية كبيرة و قوية .... تخاف على عربيات الناس الى ماشية جانبك اكتر ... و تسيبهم يعدوا اكتر من لما تكون راكب عربية سيدان

و من الممكن حضرتك تجد العربيات دى زى التيريوس و الفيتارا و التيجو الدفع الخلفى فقط على سبيل المثال

عربيات الدفع الرباعى بتتميز بقدرتها على توزيع عزم الموتور على العجلات الاربع بالتساوى ( فى اغلب الحالات )
و ده بيفيد جدا فى بعض الحالات الى عجلة من الاربع عجلات بتفقد الاحتكاك مع الارض .... فتقوم بقية العجلات بسحب العربية

الميزة دى تظهر بشكل واضح جدا فى المشى على الرمال و الطين و المرتفعات غير الممهدة

الحل هو سيارة عالية .... و لو حضرتك بتحب يكون فيها دفع رباعى ... يكون الحل عربية دفع رباعى

عيوب عربيات الدفع الرباعى .....

1- عدم الثبات فى المشى ..... يعنى ... انا جبت بعربيتى 120 كم/ساعة ... و حرمت اجرى بيها تانى .... العربية كانت بتتنطط على الطريق .... و باخد حزرى جدا و انا فى الملفات ..... لازم اهدى قبلها

2- استهلاك البنزين العالى ... عربيات الدفع الرباعى ثقيلة الوزن نوعا عن العربيات السيدان .... ده غير ان لازم يكون فيها موتور قوى علشان يساعده فى المشى ..... يعنى محرك مش اقل من 6 سلندر ... انت كدة مش حتعرف حاجة اسمها اللاقتصادية فى البنزين

3- قطع الغيار .... اغلى نسبيا من قطع غيار السيدان ..... و المصنعية كمان اغلى .... الناس بتبصلك انك راجل غنى و معاك فلوس علشان راكب عربية دفع رباعى

ده غير ان حضرتك بدل ما تغير 4 بوجيهات مثلا ... حتغير 8 او 6 بوجيهات
بدل ما تزود زيت للكارونة الخلفية فقط ... حتزود كمان للكارونة الامامية و هكذا

4- الرفاهية ... اغلب عربيات الدفع الرباعى ... و خاصة القديمة ... غير مريحة .. و لا تتميز بوجود اوبشنز كتير فيها
العربيات الجديدة مريحة اكتر و الرفاهية كويسة الى حد كبير

5- سعر السيارة .... كل عربيات الدفع الرباعى سعرها غالى حبتين

رينج السعر الى حضرتك حاطه .... من 150 الى 250 الف ..... يجيبلك حاجات كويسة ... جديد و مستعمل

الجديد ....

جراند تيريوس ... و الجراند فيتارا
عربيات الناس بتشكر فيهم .... و يتميزو بالحجم المتوسط و النعومة
التيجو ... الناس برضو بتشكر فيها
رينو داستر ... برضو محدش شكا منها اوى
نيسان اكس تريل .... الناس برضو بتشكر فيها

مستعمل

اسطورة الدفع الرباعى ..تويوتا اللاند كروزر .... على اختلاف موديلاتها .... ال 80 و ال 60 سيرز
الحى ام سى يوكن ....

ميتسوبيشى باجيرو

قيه كمان اللاند روفر .... و البى ام دبليو .... بس دول عربيات سعرها عالى شوية

و تقبل مرورى

ايه رأى حضرتك فى الهيونداى جالوبر 1998 أو اللاند روفر 1995 او شيروكى 98 من حيث الجودة والاحتمال وتوافر قطع الغيار واسعارها
وارجو تقبل سؤالى

**ahmed_eng2001** · 10-11-2013 12:02 AM

المشاركة الأصلية كتبت بواسطة amirz

ايه رأى حضرتك فى الهيونداى جالوبر 1998 أو اللاند روفر 1995 او شيروكى 98 من حيث الجودة والاحتمال وتوافر قطع الغيار واسعارها
وارجو تقبل سؤالى

اهلا و سهلا بحضرتك ....

للأسف انا معرفش حاجة عن الجالوبر
معلوماتى عن اللاندروفر 95 مش كتير ..... العربية مش منتشرة ... معلوماتى القليلة عنها انها عربية كويسة .... بس يعيبها غلو قطع الغيار ... و الصاج الخارجى المصنوع من سبايك الالومنيوم ... و دى بتكون صعبة شوية فى السمكرة

انا قرات مواضيع من فترة هنا فى المنتدى .... اصحابها كانوا بيشكروا فيها جدا ... و بيقولوا ان قطع غيارها متوفرة !!!!!

اما الشيروكى ... فمتواجدة فى السوق كتير جدا .... و ده بيخلى ليها قطع غيار متوفرة .... و اسعارها متفاوتة و عندك الاصلى و الهندى و الاستيراد

**amirz** · 10-11-2013 09:18 AM

احمد باشا، متشكر لسرعة الرد و والله ظروف البلد والطرق المصرية هي اللي مخلية الواحد يفكر في العربيات دي والمشكلة ان الامكانيات المادية محدودة. بس هي فعلا الشيروكي انتشارها خلى حاجتها موجودة وان فيه عربيات تانية اسعارها كويسة ويمكن اقل من الشيروكي بس مش معروفة اوى و فيه كمان عربيات مواتيرها ديزل. بس بالنسبة للديزل رأيك ايه فيه

**ahmed_eng2001** · 10-11-2013 10:20 AM

لا شكر على واجب :)

كل حاجة ليها ميزة و ليها عيب .... و مش حينفع تاخد ميزة حاجة و تسيب عيبها ... لازم تاخد الموضوع على بعضه

على سبيل المثال ... الشيروكى ... عربية قوية على الاسفلت و فى المطبات و عالية عن الطريق .... و فى المقابل .... غالية ... و قطع غيارها غالية عن عربيات الركوب العادية ... و ناشفة ... و صالونها ضيق .. و استهلاكها للبنزين عالى .. كمان ضريبتها عالية

الديزل ..... اعتمادى ... قوة تحمل .. اداء عالى ... و فى المقابل .... مزعج جدا ... اعطاله قليلة و لكن دمها تقيل .. قطع غياره غالية .. و الديزل لما بيعمل ازمة ... بتكون مشكلة كبيرة جدا

انا كنت عاوز اغير موتور عربيتى و اخليه ديزل ..... بس وجدت ان مواتير الديزل غالية ... ماتور الجامبو تقريبا ب 15 الف جنيه
ففكرت اركب موتور ديزل كان بينزل على عربيتى .... وجدت ان قطع غياره غالية جدا و نادرة

و لكن .... انا معجب بعربيات زى التويوتا الديزل .. اللاند كروزر ... بسم الله ما شاء الله

لو مينا دخل المنتدى .... حيشرحلك ازاى كان بيحافظ على دورة الديزل و الفلاتر ... و بالتالى بيحافظ على الموتور كويس

المشكلة الاساسية فى سعر العربيات دى ...... سعرها غالى شوية
و على راى المثل ...... اطبخى يا جارية ... هات انبوبة يا سيدى

**amirz** · 12-11-2013 09:37 AM

هو فعلا مفيش عربية فيها كل حاجة، وانا كنت قريت موضوع كاتبه أ/مينا عن محركات الديزل وبصراحة استفدت جدا واندهشت ان التكنولوجيا مختلفة تمامااااا يعني اول مرة اعرف ان الديزل مفيهوش بوجيهات مثلا ودي حاجة مخوفاني من الديزل ان الواحد معندوش فكرة عنه خالص، وكمان خايف من الصنايعية الديزل لانهم ممكن يعملو علية شغل