سرقة العربيات المجهزة بأيموبلايزر !

**TAMERMEGAHED** · 10-10-2013 03:22 PM

يارب يحفظنا جميعا ويحفظ سيارتنا

**Eng_Mostafa_89** · 10-10-2013 08:49 PM

الموضوع دة اتفتى فية كتيييييييييييييييييييير جدا بما فية الكفاية
الايموبوليزر دة عبارة عند مفتاح وفية شريحة صغيرة الشريحة دى عليها كود متسجل
لما المفتاح بيتحط فالكونتاك كنترول الموتور بيقرا الكود دة لو كود المفتاح هو نفس الكود اللى فالكنترول العربية بتدور عادى جدا
طيب لو الكود اختلف اية اللى بيحصل؟
كل عربية هنا وليها نظامها
فى عربيات بتقطع ارضى عن طلمبة البنزين وبكدة العربية مش هتدور
وفى عربيات تانى بتفصل المارش
وفى عربيات تانى بتفصل الاشعال

سهل جدا انك تدور عربية فيها اميبوليزر بس مش كل العربيات ولازم تكون عارف الضفيرة بتاعتها كويس جدا وكل سلكة فيها لزمتها اية
يعنى الكورى سهل انك تطفشة "عن تجربة فى سيراتوا 2005 خليجى" من خلال الwiring diagram بتاعها عرفنا الايمو بيعمل اية وعملناه ودورنا العربية بمفتاح عادى جدا ومش مشفر
العربيات الالمانى صعب جدا انك تدورها من غير مفتحها لان الايموبوليزر بيفصل فيها حاجات كتير جدا صعب انك انت اللى تعملها

وكان ليا تجربةمع عربية سكودا فابيا المفتاح بتاعها كان وقع على الارض وقعة جامدة والشريحة بتاعت الايمو زى متكون اتحركت جينا ندور العربية مرضتش تدور جبنا المفتاح الاسبير برضوا العربية مدارتش اضطرينا نجيب واحد بالجهاز كود المفتاحين وكود العربية من اول وجديد واشتغلت تمام

**عبدالله برعى** · 10-10-2013 09:17 PM

لسرقة السيارة التى تحتوى على ايمبوليزر يلزم الاتى
1-وحدة مفتاح (كونتاكت)جديدة
2-ecu بدون شفرة
3-4 الى 6 ساعات لهذة العملية

**elgabry1977** · 13-10-2013 04:44 PM

طيب كمية السيراتو العجيبه الى كانت و مازالت بتتسرق هل كلها من غير الايموبليزر ولا الموضوع فىه حاجه تانيه؟ و مشكروين مقدما على الرد

**monamize4** · 13-10-2013 06:36 PM

المشاركة الأصلية كتبت بواسطة فادى محمد

الحرامي اللي يقدر يسرق عربيه فيها ايموبلايزر يبقي دماغه حلوه وبيفهم, نروح نصلح عنده
بدل الصنايعيه الفتايين اللي خربوها!!

كومنت جاااااااااااااااااامد
و بجد عندك حق لان اللى يعرف يشغل عربية فيها ايمبوليزر
يستاهل شغلانة احسن بكتيييييييير من انه يبقى مجرد حرامى

**Ahmed Amin** · 15-10-2013 05:44 AM

المشاركة الأصلية كتبت بواسطة abdulkhaleq

والله هو بعد ما الناس شرحتلك ازاي تتسرق
وبغض النظر عن اللغه الركيكه المليئه بالاخطاء الاملائيه
وكونك مارديتش على اي مشاركه
احب اقوللك

صباح الكوكو واوا

مش كدا برضه.؟؟!
أنا قلت نفس الكلام دا في أول الموضوع, وعموماً حتي بعد ما بعض الناس غلطت وشرحت الطريقة اللي ممكن تتسرق بيها عربية فيها أيموبلايزر,
صعب علي أي حرامي متعلم أو غير متعلم أنو يعملها كدا بسهولة ويفتح الكبوت ويوصل للكنترول ويغيرة ويغير كمان الحاجات التانية اللي مش هقول عليها وهوا واقف في الشارع,,

وربنا يدي كل واحد علي قد نيته,,

**abdulkhaleq** · 15-10-2013 04:07 PM

المشاركة الأصلية كتبت بواسطة LeitoSR

مش كدا برضه.؟؟!
أنا قلت نفس الكلام دا في أول الموضوع, وعموماً حتي بعد ما بعض الناس غلطت وشرحت الطريقة اللي ممكن تتسرق بيها عربية فيها أيموبلايزر,
صعب علي أي حرامي متعلم أو غير متعلم أنو يعملها كدا بسهولة ويفتح الكبوت ويوصل للكنترول ويغيرة ويغير كمان الحاجات التانية اللي مش هقول عليها وهوا واقف في الشارع,,

وربنا يدي كل واحد علي قد نيته,,

امين يارب