الموضوع: تتكلف كام سمكرة ودهان؟

المشاركة الأصلية كتبت بواسطة MotorX

والله انا عندي نفس مشكلتك بس انا كنت عايز ادهن العربية بالكامل وفيها شوية سمكرة خفيفة ما تاخدلهاش يوم برضه ، وللأسف مش عارف أقع على صنايعي عنده ذمة سواء بتاع دوكو أو سمكري ، بتلاقي الصنايعي بيقول أسعار عجيبة ولما تيجي تكلمه في التفاصيل تلاقي عجب ، يعني مثلا رحت لواحد بتاع دوكو قالي آخد 2000 جنيه أجرة و مونه ده غير السمكرة ولما سألت عن التفاصيل قالي 800 جنيه أجرة إيده بس و الباقي خامات 2 كيلو بوية و 2 كيلو ورنيش كابسي (مع العلم ان العربية لون عادة مش ميتاليك) ، 6 علب معجون استوك وزن 3 كيلو (يعني 18 كيلو معجون وخد بالك قوي من 18 كيلو معجون دي) ...إلخ ، الخلاصة كل الصنايعية يا إما يسرقك يا إما ما يرضاش يعملك العربية أصلا ، واديني اهه مستني ياريت حد من الاخوة هنا يدلني انا وانت على حد أمين وشغله كويس.

تحياتي

6 علب معجون والعلبة 3 كيلو يعني اجمالي 18 كيلو ! لاتعليق طبعا واصبر لغاية لما تلاقي واحد امين وشغله كويس لانك حترش العربية كلها
علي العموم انا شايف ان شغل السمكرة في الحكة بسيط اوي اوي بس المشكلة في الدهان حيرش الباب ومش عارف التكلفة العادلة اية ؟

معلش اعذرنى لو كنت غلطان عشان انا نظرى ضعيف...انا مش شايف حاجة جامدة فى الباب انا شايف حكة و فى البوية يعنى حتى الصاج مش باين...ممكن يكون صاج الباب ريح لجوة شوية..بس مش قادر احدد بالظبط عشان الصور مش و اضحة..فاعتقد انا الموضوع مايستدعيش سمكرة الباب بالكامل ...انا لو هى زى ما انا شايف فرأيى الشخصى تسيبها و كده كده العربيات ما بتسلمش..لو مضيقاك اوى ...ممكن تترد ع البارد بالراحة و واحد يكون بيفهم و تخلى بتاع دوكو يلقط الحتة ديه...تعبان بقى جامد و خلاص مش قادر...ممكن تعملها ع السخن وتحرقها و ترشها بس انا عن نفسي شايفها مش مستاهلة..بس عموما ان شايف ان الموضوع مش مستدعى ان الباب يترش بالكامل....و طبعا الاسعار اللى انت بتقولها...ديه مبالغ فيها...انا بصراحة معنديش خلفية كويسة عن اسعار السمكرة و الدوكوعشان ماتوهكش بس انا شايف انها كتير اوى حتى لو هترش الباب بالكامل.

المشاركة الأصلية كتبت بواسطة SS

معلش اعذرنى لو كنت غلطان عشان انا نظرى ضعيف...انا مش شايف حاجة جامدة فى الباب انا شايف حكة و فى البوية يعنى حتى الصاج مش باين...ممكن يكون صاج الباب ريح لجوة شوية..بس مش قادر احدد بالظبط عشان الصور مش و اضحة..فاعتقد انا الموضوع مايستدعيش سمكرة الباب بالكامل ...انا لو هى زى ما انا شايف فرأيى الشخصى تسيبها و كده كده العربيات ما بتسلمش..لو مضيقاك اوى ...ممكن تترد ع البارد بالراحة و واحد يكون بيفهم و تخلى بتاع دوكو يلقط الحتة ديه...تعبان بقى جامد و خلاص مش قادر...ممكن تعملها ع السخن وتحرقها و ترشها بس انا عن نفسي شايفها مش مستاهلة..بس عموما ان شايف ان الموضوع مش مستدعى ان الباب يترش بالكامل....و طبعا الاسعار اللى انت بتقولها...ديه مبالغ فيها...انا بصراحة معنديش خلفية كويسة عن اسعار السمكرة و الدوكوعشان ماتوهكش بس انا شايف انها كتير اوى حتى لو هترش الباب بالكامل.

فعلا هية داخلة سنه بسيطة اوي بس شكلها مضايقني ويا ريت يا شباب اللي يقدر يقولي ادفع في رينج كام يقول لاني سامع حاجات عجيبة انا وجهة نظري 100 جند حلوين دوكو و30 سمكره انتم رائيكم اية؟

قدر الله وما شاء فعل ........ من رايي كده لومضايقاك خلي السمكري يردها علي البارد و خلي بتاع الدوكو يلقطها ببنة و خلاص....... ده الواحد ممكن لو يرش عربيته النهاردة بالكامل يلاقي الدوكو بتاعها اتجرح اليوم اللي بعديه وممكن في نفس اليوم كمان..........
انا فاكر زمان من حوالي 15 سنة كده كان والدي استلم عربيته السيات بعد ماعملها عمرة سمكرة ودوكو في نفس اليوم عيل غبي كان راكب عجلة اللي فيها سبت صاج في الامام المهم العيل ده كان علي الرصيف و حب انه يلف بالعجلة راح داخل في الرفرف بتاع العربية و طبعا الرفرف اتعوج منه حتة و الدوكو اتقشر كمان !!

المشاركة الأصلية كتبت بواسطة upnemo

أنت ساكن فين ؟

أنا ساكن في العجوزة.

تحياتي

استاذ محمد ما دخلش نفسك في متاهات
الحكايه مش مستهله خالص انك تفك و ترش و تعمل كل دا
و بعدين البويه بتاعك مش ميتالك علشان ترش الباب كله
دا حتي لو رشيت
حقولك علي فكره تطلع اللون الابيض اللي بالعرض دا
(اللي واخد البابين) دا لو لون العربيه اللي خبط فيها.
هات فوطه و حط عليها ميه و اعصرها
و ترابه نااااااااااااعمه مش خشنه
و تدعك بيها الخط دا حيروح علي طول
و الخط اللي فوق نفس الوضع لو كانت بويه العربيه التانيه.
انما الموضوع مش مستاهل سمكره و دوكو.
لو دا تجريح بقي مش بويه
تجيب 8/1 كيلو بويه من نفس الدرجه
و تخلي البوهيجي بعملهالك بالقلم و مش حتبان
انما حرام سمكره و دوكو علي حاجه زي دي