ارجو المساعده من اهل الخبرة (فيليشيا)

**Maged_Samy** · 11-10-2013 08:20 PM

ممكن يكون الزيت اللى انت حاطيته يكون مستوى تطورة عالى sj او اكتر وده بيبقى فيه مواد كيماويه متخصصة فى تنظيف الكربون والرواسب فى المحرك وده يجيب نتيجة عكسية معاك علطول لانه بيشيل طبقة الكربون اللى حاكمة البستم مع الشوميز و علشان كده الزيت اتحرق وخرج فى صورة دخان ابيض .
الحل :
وضع زيت تقيل احادى الدرجة مستوى 50 لا يزيد عن sf وتصبر عليه كام يوم مع المشى ممكن يكون طبقة كربون تانى ، ولو منفعش يبقى لازم طقم شنبر ، ومتخليش الزيت ينقص زوده علطول .
وممكن اضافة زيت شمبر ايضاً للمساعدة فى تكوين طبقة الكربون .

**EngAhmedSayed** · 13-10-2013 08:56 PM

لو هتغير طقم الشنبر نصيحة روح عند فاهم و موثوق فيه
علشان ميفتحش عليك شغل و فى الاخر يشيلك و يخليك تجيب موتوووووووووووور
و يغرمك بتاع 4000 او 5000 جنية متستغربش دى حقيقة
بناءا على قصص هنا فى المنتدى
و لو احتاجة مساعده ابقى قوووووووووول
قبل ما تعمل حاجة علشان تكون على بينة و ميتنصبش عليك
بالتوفيق ان شاء الله

**stafants** · 21-10-2013 01:21 PM

كل الشكر والتقدير لكل رد على اسئلتى فعلا انا استفدت كتير من المنتدى ده شكرا

**aw2100** · 21-10-2013 09:42 PM

المشاركة الأصلية كتبت بواسطة stafants

الحمد لله
غيرت جوان وش السلندر وطقم الشبنر
هى كانت تجربه مريرة جدا جدا فيها شويه مشاكل منها ( بس طبعا الحمد لله )
* المسامير الطويله الى بتفك المكينه قفشت ومش راضيه تتحرك من مكانها رحت مخرطه وحاولو معاها لحد مطلعت عننينا وبعد كده اتفكت وطبعا ده سببو الاملاح الى فى الميه
* ركبت عدد 2 جوان لان الوش بعد متفك واتنظف واتقشت لقى فيه زى خربيش كده من الاملاح والميه
* طبعا المصاريف كتيره لدرجة المسامير الى ظهره بتاعت الوش الواحد بعد الفصال ب 25 جنيه
* مشاوير كتيره من بتوع قطع الغيار الى مخرطه لفك الوش ومخرطه تانيه لتنظيف الوش وقشطه

مبروك على العمرة وربنا يباركلك فى عربيتك
25 جنية فى المسمار دى سرقة تمنه لايزيد عن 15 جنية استعمال المانى بس وعموما المفروض تحط مية حمراء بعد العمرة ويكون تركيزها لايقل عن 33% علشان موظوع الأملاح والتأكل واديك شوفت مية الحنفية عملى بتعمل اية فى الموتور !!

**adhmmaamon** · 28-10-2013 04:52 PM

حمرا او خضرا مش هيه دى المشكله .. المهم انها تبقى من بنزينه معتمده زى موبيل مثلا وتبقى تركيز 40% وعلى فكره بتاعه موبيل بتبقى غاليه ..انا سالت عندهم من يومين لقيت الجركن 4 لتر 70 جنيه وانت عايز على الاقل 6 لتر يبقى تجيب اتنين جركن ب140 جنيه وكمان محتاج تغسل دوره التبريد كويس وتشيك على طرمبه الميه والقربه والخراطيم واهم من ده كله الريداتير الالومنيوم والمروحه ال6 ريشه + ترموستات اسبانى (اوعى تجيب الايطالى زى الزفت ومضروب ) الاسبانى غالى شويه بس بيقرا الحراره تمام ومش بيهيس زى الايطالى .. بعد كده شيك بالمره على صباع الحراره ...وانسى الحراره وامشى فوق الشمس ...

**المنسي** · 28-10-2013 11:54 PM

المشاركة الأصلية كتبت بواسطة stafants

بصراحة المسمسار كان جديد مش استعمال
بس انا مش عارف اجيب الميه منين والافضل تكون حمرا ولا خضرا
طبعا انا من طنطا فلو فى بنزينه معينه ممكن الاقى فيها الميه ياريت حد يقولى النوع بنزينه شل او موبيل

هات مية برتقالى من بنزينة توتال الجركن 4 لتر ب 63 جنيه والترموستات الايطالى انا شغال بيها زى الفل هيه ممكن تهيس فى حالة واحدة لو دايرة التبريد واخدة هوا هتلاقى القراية مش مظبوطة وزى ما الاخ رد عليك فالمشاركة اللى فاتت التزم بالحاجات اللى قالها انا عايز اعمل تقرير مصور لدورة التبريد وهحاول اعمله وانزله ان شاء الله

**المنسي** · 29-10-2013 10:11 AM

المشاركة الأصلية كتبت بواسطة adhmmaamon

على فكره يا استاذ منسى انا الحاجات اللى قلتله عليها دى اتعلمتها هنا .. فواجب عليا انى اتقدم بالشكر لكل الاعضاء اللى مش بيبخلوا بالرد والنصيحه .. وعلى العموم انت طبعا وعم صبحى والاستاذ احمد سيد والاستاذ احمد جوده من الناس اللى انا بثق فى كلامهم جدا ..

اولا شكرا على كلامك الجميل واحنا هنا بنقدم المعلومة لوجه الله ولو الواحد شاكك فى المعلومة بيقول والله اعلم بعدها
عايز اقولك انى ناوى ان شاء الله اعمل دورة التبريد واسلك الردياتير وهحاول اصور الشغل ده واعمل بيه تقرير للافادة