الموضوع: مشكلة.... ارجو المساعده من اهل الخبرة فوراً !!!

السلام عليكم اعضاء منتدي نايل موتورز الكرام

النهارده نزلت الكلية الصبح و الحمد لله كله تمام ووصلت في ميعادي و يمكن قبله ( حاجة غريبة مش متعود عليها )
المهم ركنت العربية و الحياه جميلة ( و غريبة برده ان المكان كان تعتبر ممتاز جداً ) و امان ....... بعد ما خلصت نزلت علشان اركب العربية لاقيت مجموعة من صحابي واقفين جنب العربية عندي.... طبعاً و انا ماشي عمال من بعيد اقول يا جماعة في ايه !!! و الصمت بسم الله ما شاء الله نازل عليهم ......
المهم وصلت عند العربية لاقيت واحد ابن حلال اخد الجنب الشمال كله بمسمار و علي الكبوت فيه كمان خربشة و ياريت عربيتي انا بس و لكن دا الصف كله الحمد لله ( علشان مفيش حد احسن من حد )
الشئ المهم و الي عايز اعرفه منكم هل ممكن ان الخرابيش دي تروح و لا ايه النظام ؟؟؟ و ايه العلاج بتاعها و لا مفيش علاج
ارجو سرعة الرد لان الموضوع دا مديأني جداً

فداك ياستاذ مؤمن هقولك عشان بيشوف بلاوى بتهون علية بلوتة
عندنا فى القاهرة ممكن العربية تتتكحت وانت ماشى وانت فيها !! فعلا بلامبالغة اكتر موضوع قهرنى لانى لو كنت خدت بالى كنت عملت مصيبة او كارثة ممكن عندنا تعدى وسط ناس براحة جدا من كتر مانت مش شايف الشارع تمام دة كتير قوى وباليل وراجع من شارع السودان المار بجميع المناطق الاستوائية بالقاهرة :conehead:وشاب جامعى ومعاة واحدة انا فهمت بعد ماوصلت البيت ... انا معدتش علية مثلا.. لا دة كان لسة نازل يتمختر مع الحلوة الى معاة من على الرصيف فعديت طبعا كنت مقفل الزجاج ومشغل التكيف صيف بقى والكاسيت شغال طبعا ومركز فى الناس عشان اعدى بهدوء.. لكن سمعت صوت خرفشة خفيفة ؟!!! فهديت وبصيت لقيت كلة عادى وبيعدى الاخ وباصص قدامة عادى جدااااااا ماخدتش خوانة ولما بنزل من العربية وبقفل لقيتة الكلب كان فى مفاتيح فى ايدة تقريبا مش مسمار وجر ح غائر فى الباب الخلفى وتخين لمسافة 10سم كنت يومها زى المجنون من المفاجاة ... حقددددددد رهيب لكن اطمنك برضة عندى المسمار الى بطول العربية برضة دة لقيتة زيك بالضبط وهى راكنة فى امان احلى موقف بقى لما كنت برخص وطالع للعربية برة المرور الاقى واد مفعوص مدارس ومطلع قلم وبيستعد يكتب على الاكصدام الخلفى وهى من غير نمر
خد بالك مع التلميع بالبوليش (كامبوند)الابيض يفضل باليد على الخربوش فى دوائر لحد مايختفى وبعدين قطنة نظيفة وبعدين بولش تلميع ناعم عربيتى سوداء برضة مش هاتروح بس هاتقل ومش هاتبقى ملحوظة قوى
المهم انك بخير وفداك ربنا يحملنا جين2 الجميلة
ربنا يوفق