اول مرة لادا و لادا نيفا كمان

**mohamedgoda265** · 08-10-2013 07:34 PM

اولا السلام عليكم و رحمة الله و بركاته
الحمد لله اشتريت عربية لادا نيفا اول عربية تبقى خاصة بيا انا شخصيا المهم انا كنت عايز اعرف شوية حاجات عن العربية لاني ان شاء الله بعد العيد هبتدي اشدها لان اللي كان معاه العربية كان مهمل جدا جدا انا محتاج اعملها سمكره و دوكو كاملين علشان مش عجباني تماما و اغير التابلوه كمان و اعملها عند السروجي و اشوف الكرونا علشان صوتها عالي و برضه هشوف الماتور محتاج ايه لاني هفكه و انا حاسس انه محتاج عمره و هل اعمله عمره و لا اغير و اجيب موتور استيراد و برضه هشيك على الكهرباء و العفشة
عامة بمعنى اصح انا ببني العربية من اول و جديد طبعا انا كنت عامل حسابي اني اصرف 5000 جنيه بس طبعا الموضوع كده هيعدي جامد ، يا ريت تقوللي محلات قطع الغيار و توقع التكلفة ...
و الف شكر مقدما

**ابو لؤى** · 08-10-2013 07:40 PM

مبروك ومتابع لانى ناوى اجيب العربيه دى بس بسمع كلام مش حلو عنها وعفشتها مش عمليه ياريت تطمنى وتقولى جبتها بكام وكده وياترى تستحمل الشوارع بتاعتنا فعلا لانى حاسس انها دبابه

**heldin_67** · 08-10-2013 09:15 PM

مبروك و أحسنت الاختيار للشوارع المصريه..........

**zamek** · 08-10-2013 09:45 PM

اصرف علي المهم الاول سيبك من الشكل و من الفرش اهم حاجه المتور و العفشه الي بيمشوا العربيه مش الدهان

**hassanin_lada** · 08-10-2013 11:57 PM

طيب ماشفتش ليه عربية نضيفة بالمره ؟؟

عموما انشألله بسيطه وتابع معانا ونحاول نفيدك عن ايه اللي يتعمل مبدأيا ظبط العبشة والكرونة وادخل علي المتور ويفضل تعمل حاجه علي ايدك وعند واحد نضيف وماتسترخصش حاجه عشان ماتتعبش

ولو في حاجه احنا كلنا متابعين معاك ومبروك عليك وربنا يكفيك شرها

**mohamedgoda265** · 09-10-2013 12:34 AM

الف شكر للجميع على الاهتمام

**mohamedgoda265** · 09-10-2013 12:44 AM

المشاركة الأصلية كتبت بواسطة hassanin_lada

طيب ماشفتش ليه عربية نضيفة بالمره ؟؟

عموما انشألله بسيطه وتابع معانا ونحاول نفيدك عن ايه اللي يتعمل مبدأيا ظبط العبشة والكرونة وادخل علي المتور ويفضل تعمل حاجه علي ايدك وعند واحد نضيف وماتسترخصش حاجه عشان ماتتعبش

ولو في حاجه احنا كلنا متابعين معاك ومبروك عليك وربنا يكفيك شرها

و الله شوفت ياما تبقى غالية عن العادي (اللي عجبتني نضيفة كانت معدية 25000 موديل 82)
و انا بصراحة قولت اظبط الحاجة بمزاجي
كنت بسأل على الكرونة انا سمعت ان في بطيئة و سريعة و في ناس قالتلي ركب كرونة ياباني و هتحس بفرق رهيب و يا ريت تفدني بالاسعار ، و انا ناوي لما ابتدي عند السمكري افك الموتور و ابعته للميكانيكي يشوفه محتاج ايه و هل لو قالي عاوز يتعمر اعمره و لا اشتري واحد استيراد ، عاوز اعرف حد كويس بتاع قطع غيار سواء جديد او استيراد ، عامة انا عندي اسئلة كتير لما ابتدي في شد العربية هبقى اكمل و الف شكر مقدما

**mohamedgoda265** · 09-10-2013 12:55 AM

كنت عاوز اشتري تابلوه كويس اجيبه منين و بكام
و لو كنت عاوز ارجع فتيس الغرز تاني ايه المطلوب و يتكلف كام ؟؟؟

**mohamedgoda265** · 09-10-2013 10:40 PM

المشاركة الأصلية كتبت بواسطة hassanin_lada

طيب ماشفتش ليه عربية نضيفة بالمره ؟؟

عموما انشألله بسيطه وتابع معانا ونحاول نفيدك عن ايه اللي يتعمل مبدأيا ظبط العبشة والكرونة وادخل علي المتور ويفضل تعمل حاجه علي ايدك وعند واحد نضيف وماتسترخصش حاجه عشان ماتتعبش

ولو في حاجه احنا كلنا متابعين معاك ومبروك عليك وربنا يكفيك شرها

للاسف انا النهاردة اتاكدت اني محتاج كرونة و غالبا في شغل في الموتور (عمره او استيراد بالكامل)
ربنا يستر ياريت تفيدوني باسعار الحاجات دي و افضل مكان اشتريها منه ؟؟؟

**lad** · 09-10-2013 11:40 PM

عزبة شلبى فيه واحد اسمه زكريا النجار حاجته ممتازة

الموضوع: اول مرة لادا و لادا نيفا كمان

LinkBack

أدوات الموضوع

عرض

اول مرة لادا و لادا نيفا كمان - انشر الموضوع فى :

-

-

-

-

-

-

المواضيع المتشابهه

لادا نيفا 82 او لادا سمارا ؟ ارجو المساعدة ضرورى

لادا نيفا

لادا نيفا

ماتور لادا نيفا وماتور لادا 2107 هل ينفع؟

لادا نيفا 4x4 ....

الكلمات الدلالية لهذا الموضوع

المفضلات

المفضلات

ضوابط المشاركة