كده ينفع ولا اتكل على الله

**dream_man1110** · 12-09-2008 10:30 AM

ميرسى يا جوست على النصيحه .

**mrghost** · 12-09-2008 02:46 PM

العفو ياباشا

**dream_man1110** · 13-09-2008 01:50 AM

مصطفى بليز الحته ايللى تحت التابلوه فى الريتمو بتاعة الهوا عندى مش شغاله . و مش بيدخل هوا جوه العربيه من بره فبحس انى قاعد فى علبة سلمون تعرف حد يزبطها بما انك من مالكى الريتموز

**farahat** · 13-09-2008 02:37 AM

مع احترامي لكل آراء السادة الزملاء في المنتدى الكاسيت الرودستار هو مش أروع حاجة انما مش أسوأ حاجة ، على الاقل أحسن من الصيني و الانواع المجهولة ، يعني هيطلع صوت مقبول و إن كان مش جامد أوي ،
انما القصة في السماعات مش كدة ، السماعات الصيني دي أقل حاجة في السوق و عيبها الحقيقي إن الرق بتاع الصوت بتاعها بيكون تقيل جداً و عشان كدة هتلاقي البيز بتاعها سيئ جداً جدا جداً ، لو كنت المشكلة في التربلات بس كنت هقول لك هات تويترات و هتبقى تمام انما المشكلة في الصوت الواطي و البيز ،
يبقى الحل المؤقت و إلي مش هيخسر معك بعد كدة انك تجيب سماعات بدل الصيني بس تكون نوع جامد ذي بيونير أو كنوود أو JBL و دة هيعلي الصوت بدرجة معقولة و هتسمع بيز كويس و إن كان مش رائع أوي و فرقهم عن الصيني مش هيزيد عن ٢٠٠ جنيه
و بعد فترة لم تفرج هات GM أو إكواليزر و هيركب على نفس السماعات و الكاسيت من غير ما تخسر حاجة
و لم ربنا يسهل شوية كمان هات CD player نضيف و بيع الرودستار و تبقى استعملته شوية و مخسرتش فيه كتير و ساعتها يبقى السيستم كامل و تمام ، و مزنقتش نفسك مرة وحدة

تقبل تحياتي و رمضان كريم

**محمد فريد** · 13-09-2008 03:12 AM

انا رايى انك تريح ودانك وخصوصا اننا فى شهر رمضان

بهزر معااااااااااااك

انا أؤؤيد كلام الاستاذ فرحات بشدة

**KoDaK_Gti** · 13-09-2008 12:36 PM

المشاركة الأصلية كتبت بواسطة dream_man1110

ميرسى يا حسام على النصيحه بس انا بدور على حل موقت يعنى مثلا جى ام للسماعات او اكواليزر اعلى بالصوت شويه بس و بردو انا بقول ان فيه مخرج للجى ام يعنى ممكن استخدمه لحد ما فلوسه تبرد شويه

الحل المؤقت انك تجيب سماعتين محترمين دلوقتى وسيبك من الجى إم

**dream_man1110** · 14-09-2008 02:02 AM

ميرسى اوى يا فرحات فعلا كده صح و انا اقتنعت بكلامك , ميرسى ليك يا كوداك .
فعلا انسب حل هوه سماعات نضيفه و انا هحاول اراجع المواضيع و بفكر اجيب سماعات كينود دبل بيز دى تبقى معقوله و ابقى فعلا بسمع صوت معقول غير مبالغ فيه و كمان مش هكون اهدرت الكاسيت .

**KoDaK_Gti** · 14-09-2008 02:21 AM

العفوا يادريم بس قول المبلغ اللى معاك كام للسماعات واحنا نرشحلك احسن حاجة فى حدود المبلغ ده

**farahat** · 14-09-2008 02:34 AM

المشاركة الأصلية كتبت بواسطة dream_man1110

ميرسى اوى يا فرحات فعلا كده صح و انا اقتنعت بكلامك , ميرسى ليك يا كوداك .
فعلا انسب حل هوه سماعات نضيفه و انا هحاول اراجع المواضيع و بفكر اجيب سماعات كينود دبل بيز دى تبقى معقوله و ابقى فعلا بسمع صوت معقول غير مبالغ فيه و كمان مش هكون اهدرت الكاسيت .

العفو يا باشا على إيه ، أنا معملتش حاجة ، إن شاء الله ربنا يوفقك ، و تسمع الصوت إلي يرضيك :)

**dream_man1110** · 14-09-2008 02:35 AM

يعنى فى حدود 300 و عندى سوال هل ينفع اعمل بريدج فى كاسيت العربيه زى الجى ام لان الكاسيت عندى الخرج بتاعه اربع سماعات * 40 يعنى اركب السماعتين على الاربع فرد و افضل نوع سلك توصيل سماعات لانى موصل السماعات بسلك يكاد يشبه سلك التليفون او اقل منه