كده ينفع ولا اتكل على الله

**dream_man1110** · 11-09-2008 03:00 AM

الى خبراء المنتدى و غير الخيراء الكل يدلوا برأيه
كان يا ما كان بعد ما جبت مالك الحزين ( ريتمو ) قلت لازم اعمل منظر فى الحته و ادخل عليهم كده و انا مشغل الكاسيت و مزبط الدنيا
المهم مش هطول عليكم قولوا طول
جبت كاسيت رود ستار . ايللى الوش بيتفك و يجرى لوحده و هوه الخرج بتاع 160 w وجبت طقم سماعات صينى شغال مش وحش اهو ممشى الحال
طبعا انا لايمكن اعترفلكم بالسر الخطير انى اتضحك عليا مووت فى سعر الكاسيت و اتعمل عليا شغل بس المهم ان الصوت وحش حاسس انه واطى شويه هل بقى من الممكن نجيب جى ام يدلع الموضوع و يعلىالصوت و خصوصا ان الكاسيت مزورد بمخرجين RC وايه هوه افضل جى ام فى السعر و فى الصوت و هلى الصوت هيفضل واطى ولا هيعلى و يبقى انقى شويه كده ينفع ولا اتكل على الله و ابيع الكاسيت و السماعات فى سوق الجمعه . ويجعله عامر

**dream_man1110** · 11-09-2008 08:46 AM

نو كومنت خالــــــــــــــــــــــ ـــــــــــــص ايه يا جماعه انا كنت متوقع اننا فى رمضان و الايدى الخيره هتكتب كتير :(

**Terrible_DaRsH** · 11-09-2008 09:02 AM

بص يا سيدى ..
اولا:- الكاسيت بتاعك ضعيف وماركته وحشه كنت هاتلك اى حاجه نظيفه مستعمله احسن ...
ثانيا :- من مهام الجى ام التحكم فى بيز الصب او البازوكا ايا كانت .. و بيساعد السماعات على انها تدى افضل اداء طبعا كل ما كانت اعلى ..
ثالثا :- حرام تجيب جى ام لسماعات صينى لو طلع الصوت وحش برده .هتضطر انك تبيع الجى ام او تجيب سماعات احلى شويه ..
افضل لك اتصرف فى الحاجه دى واصبر لما تعمل ميزانيه كويسه وربنا يوفق..
وخد راى الباقيين طبعااااا
((((((رمضااااانك كريم))))))

**M_HaFeZ** · 11-09-2008 09:06 AM

فى كلتا الحالتين تتكل على الله
امال هتتكل على مين لو مش عليه

ياجماعه كل واحد ياخد باله من اللى بيقوله

**dream_man1110** · 11-09-2008 09:18 AM

ميرسى يا تريبل على المعلومه دى و انا مستنى بردو اراء اخوانى الخبراء ايللى بيفهموا هوه الكاسيت 160 w و ليه مخرجين RC و وش الكاسيت بيتشال للتوضيح علشان تعرفه بس

**KoDaK_Gti** · 11-09-2008 01:24 PM

زى ما الاخ تريبل قالك بالظبط انت غلطت اصلا انك اشتريت حاجات تعبانه وده اللى انا دايما بقوله
لأنك فى الاخر بترمى فلوسك فى الارض ولا هتعرف تبيعها ولا هتعرف تسمع منها أداء
رأيى انك تغير الكاسيت اولا وتجيب حاجة حاجة على مهلك
يعنى غير الكاسيت دلوقتى
وشوية غير الاربع سماعات بسماعتين يابانى

**dream_man1110** · 12-09-2008 07:42 AM

ميرسى يا حسام على النصيحه بس انا بدور على حل موقت يعنى مثلا جى ام للسماعات او اكواليزر اعلى بالصوت شويه بس و بردو انا بقول ان فيه مخرج للجى ام يعنى ممكن استخدمه لحد ما فلوسه تبرد شويه

**Terrible_DaRsH** · 12-09-2008 07:55 AM

يا عم انت مخدتش بالك من كلامى ...
زى ما حسام قالك الكاسيت اهم شيء وبحق الجى ام اللى عايز تبرد حقه .. اشترى كاسيت جديد هيتحسن الصوت شويه . بعدين تغير السماعات هيبقي جه وقت الجى ام ..
وكمان مينفعش تركب جى ام على سماعات تعبااااااانه او صينى ...
الجى ام مش هيعلى صوتهم ولو الصوت على هتسمع زززززززن ووجع دماغ ملوش اخر وتيجى تندم على حقه..
اللهم بلغنا اللهم فاشهد ..
انت حر.

**dream_man1110** · 12-09-2008 08:29 AM

طيب اركب اكولايزر

**mrghost** · 12-09-2008 10:16 AM

بص ياباشا لو جبت جى ام لازم تجيب سماعات يابانى علشان تستحمل الصوت وماتضربش وعلشان تجيب جى ام نضيف وسماعات يابانى هتصرف مالايقل عن 600 جنيه (اقل حاجه علشان الصوت يكون كويس ) فممكن تبيع الكاسيت اللى عندك وتجيب واحد نضيف سى دى احسنلك ويكون ماركه والباور بتاعه يكون عالى