استشارة قانونية عاجلة بخصوص مستأجر مماطل

**الفجر** · 09-10-2013 08:09 PM

بص يا سيدى انا هديك الخلاصة فى الازازة من واقع تجربتى مع تاجير شقة والدى لجماعة ابالسة من المحامين فاقدين الضمير والشرف وهم ليسوا اقلية بكل اسف

اولا سيادتك متمسعش كلام افسخ الباب وغير الكالون لان ممكن يعملك قضية تبديد امانة وتروح ورا شمس

ثانيا

بسرعة الحق ارفع قضية عشان هتاخد وقت سنيتن (2 سنة) هههههه لما تاخد قرار طرد المستاجر من المحكمة دة لو الريح طيب وعليهم 6 شهوركمان لتنفيذ حكم المحكمة بقوة القانون الاعرج وللعلم انا جبت قرار الطرد بعد سنتين واتنفذ بعد 6 شهور وكان رد امين الشرطة ساعتها لدواعى امنية تم تاجيل القرار ههههههه واضحك مع القانون المصرى

ثالثا

خد بالك ان المحامى اللى هتختارة ممكن يكون نوعية قذرة ويتفق مع الخصم عليك فلازم تحضر الجلسات ووتتابعة بنفسك مش بطريقة الهاتف وشكرا والا الخصم هيراضوة وقضيتك تاخد تاجيل ورا تاجيل وتعيش فى فيلم اجيال ورا اجيال واغنية الحلم العربى

رابعا

لاعبهم ومن بكرة روح بلغ عن عداد الكهربا ان المستاجر لا يدفع الفلوس قوم الكهربا تشيل العداد غصب عنهم ولازم تدفع فلوس لبتوع الكهربا عشان ينفذ ليك الرفع وبعد سنتين لما تكسب القضية رجعة ياسيدى بس الخطوة دى مهمة جدا عشان تضايق المستاجر وتخلية يعيش فى سواد الليل الحالك وتطفشة ولو قدرت تعمل كدة فى عداد المياة اعملها

خامسا

مستقبلا لما تاجر شقة لازم تختار الزبون بعناية وتعمل عقد موثق فى الشهر العقارى عشان تاخد قرار بطرد الفورى يتنفذ خلال 6 شهور بدل اللف فى المحاكم والبهدلة او تاخد علية شيكات عشان الشيك هيبهدلة وهيتسجن لو مدفعهوش

اخيرا

اللى بيكتبلك دة واحد شاف الغلب فى حياتة مع اوسخ مستاجرين فى العالم من شلة زبالة اللى اجرت الشقة ليهم بس هنعمل اية دة قضاء وقدر وشر لابد منة

ودلوقت هفكر اعمل موضوع خاص على الموضوع االازلى والعلاقة بين المالك والمستاجر

**أبو آسر** · 10-10-2013 03:52 PM

المشاركة الأصلية كتبت بواسطة الفجر

بص يا سيدى انا هديك الخلاصة فى الازازة من واقع تجربتى مع تاجير شقة والدى لجماعة ابالسة من المحامين فاقدين الضمير والشرف وهم ليسوا اقلية بكل اسف

اولا سيادتك متمسعش كلام افسخ الباب وغير الكالون لان ممكن يعملك قضية تبديد امانة وتروح ورا شمس

ثانيا

بسرعة الحق ارفع قضية عشان هتاخد وقت سنيتن (2 سنة) هههههه لما تاخد قرار طرد المستاجر من المحكمة دة لو الريح طيب وعليهم 6 شهوركمان لتنفيذ حكم المحكمة بقوة القانون الاعرج وللعلم انا جبت قرار الطرد بعد سنتين واتنفذ بعد 6 شهور وكان رد امين الشرطة ساعتها لدواعى امنية تم تاجيل القرار ههههههه واضحك مع القانون المصرى

ثالثا

خد بالك ان المحامى اللى هتختارة ممكن يكون نوعية قذرة ويتفق مع الخصم عليك فلازم تحضر الجلسات ووتتابعة بنفسك مش بطريقة الهاتف وشكرا والا الخصم هيراضوة وقضيتك تاخد تاجيل ورا تاجيل وتعيش فى فيلم اجيال ورا اجيال واغنية الحلم العربى

رابعا

لاعبهم ومن بكرة روح بلغ عن عداد الكهربا ان المستاجر لا يدفع الفلوس قوم الكهربا تشيل العداد غصب عنهم ولازم تدفع فلوس لبتوع الكهربا عشان ينفذ ليك الرفع وبعد سنتين لما تكسب القضية رجعة ياسيدى بس الخطوة دى مهمة جدا عشان تضايق المستاجر وتخلية يعيش فى سواد الليل الحالك وتطفشة ولو قدرت تعمل كدة فى عداد المياة اعملها

خامسا

مستقبلا لما تاجر شقة لازم تختار الزبون بعناية وتعمل عقد موثق فى الشهر العقارى عشان تاخد قرار بطرد الفورى يتنفذ خلال 6 شهور بدل اللف فى المحاكم والبهدلة او تاخد علية شيكات عشان الشيك هيبهدلة وهيتسجن لو مدفعهوش

اخيرا

اللى بيكتبلك دة واحد شاف الغلب فى حياتة مع اوسخ مستاجرين فى العالم من شلة زبالة اللى اجرت الشقة ليهم بس هنعمل اية دة قضاء وقدر وشر لابد منة

ودلوقت هفكر اعمل موضوع خاص على الموضوع االازلى والعلاقة بين المالك والمستاجر

كلام حضرتك على عيني وراسي بس أنا مش هستنى سنتين ونص لحد ما القضاء الشامخ يحكملي لأني أساسا بقالي 3 سنين معايا حكم تنفيذ بحبس سنتين خيانة أمانة لواحد نصاب نصب عليا في بضاعة ب 20 ألف جنيه ولحد دلوقتي متنفذش ولا حياة لمن تنادي زائد إني بكره الأقسام والمحاكم أكتر من كرهي لأكل القرنبيط !!! مع إني ليسانس حقوق أساسا بس عمري ما فكرت ولا هفكر أشتغل في مهنة المحاماة دي !
أنا هفسخ المكان لأني أساسا شاكك انه يكون خد حاجته من بدري وخلع ومش هقعد استنى لحد ما ألاقي نفسي قاعد سنتين من غير إيجار والباشا أساسا مش موجود
بس فكرة توثيق العقد في الشهر العقاري دي كويسة فيما بعد لو فكرت أأجره تاني بس ياريت فعلا تكون بتغني عن حوار المحاكم والأقسام والتنفيذ يكون سريع زائد إن العقد مش هيزيد عن سنتين والتأمين 3 شهور واللي عاجبه أهلا وسهلا مش عاجبه مش هأجره بناقص من الناقص على رأي سواقين التكاتك !
وحسبي الله ونعم الوكيل في قوم ضاع الحق بينهم

**أبو آسر** · 10-10-2013 07:43 PM

المشاركة الأصلية كتبت بواسطة 3mr farrag

حضرتك بتقول ان معاك حكم تنفيذ بحبس لواحد بقالك 3 سنين
طيب معلش هو حضرتك فاكر ان هيتنفذ و هينزلوا يجيبوا الراجل بنفسهم!!!
حاول تروح القسم التبع المحضر و شوف امين شرطه و فهمه الموضوع و اغمزه بفلوس كويسه و هو المفروض هيتشقلب
او شوف اي حد معرفه في الشرطه يخلصلك المضووع ده
لأنه مش هيتنفذ لوحده
غير بتقول انه عليه حكم سنتين و الموضوع بقاله 3 سنين
مش عارف بقي القصه هيكون فيها سقوط حكم علشان المده خلصت ولا هتمشي ازاي
اسأل فيها افضل

ياما غمزنا عساكر وأمناء شرطة وجرينا هنا وهنا وياما دفعت فلوس للمحامي لكن المشكلة ان من ساعة ثورة يناير وما تبعها من سقوط للشرطة وأنا فقدت الأمل أصلا في الموضوع ده واستعوضت ربنا في الفلوس وفي البلد كلها !
اللي عند ربنا مبيضيعش

**Amr Axel** · 10-10-2013 10:30 PM

اولا اياك تعمل اي خطوة غير قانونية عشان ساعتها انت اللي هتشرب الليلة الحجز المقصود قانونا مش سبهلله و متخليش عقد ايجار اكتر من سنة و تجدد و يفضل طالما ملكش خبرة في الموضوع تخلي محامي يمشي في الاجراءات و هياخد كلام فاضي
ثانيا لو الموضوع ان المستأجر مبيدفعش الايجار ابعتله انذار ع يد محضر مدفعش خلال 15 يوم ارفع دعوي مستعجلة بطرده و شوف محامي كويس عنده ضمير يمشيلك في الليلة دي

**أبو آسر** · 10-10-2013 10:32 PM

المشاركة الأصلية كتبت بواسطة ahmed air

ياباشا اللتمس له عذر جايز الراجل فى كرب او عنده مشكله حط نفسك مكانه اوعى تفتح الشقه بدون محضر

مفيش كرب والله ولا حاجة يا أحمد ده بقاله سنتين و3 شهور موريني النجوم في عز الضهر أقسم بالله ما دفع شهر واحد من نفسه إلا بعد اتصالات بالعشرات وميردش وبعدين ابعتله رسايل بايخة يقوم يكلمني يديني معاد وميدفعش في المعاد غير بعد شوية اتصالات ورسايل تاني وفي الآخر يدفعلي الإيجار لو بدري يبقى على نص الشهر ولو سبته شهر من غير ولا اتصال أقسم بالله عمره ما عملها واتصل هو عليا ويقولي الإيجار معايا تعالى خده !! وآخرها أهو 3 شهور متواصلة لا بيرد ولا بييجي ولا بيدفع ده صنف وسخ بارد ومتعود على كده ولو عنده عذر هيتصل ويقولي في ظروف وأنا هقدر لكن ميردش عليك ويقفل الموبايل ؟!
وعلى فكرة دي مش شقة ده نجار مأجر بدروم واخده مخزن ومعاه عدته الخفيفة كلها بيشتغل بيها برة وبيعمل شغل كتير بيمسك عماير كاملة ومشاريع وكده يعني مش هيعجزه 1250 جنيه بس هو في داء النصب والبرود ولو معاه 10 آلاف جنيه في جيبه مش هيدفع الإيجار غير بالتهزيق وقلة الأدب وحسبي الله ونعم الوكيل فيه وفي اللي زيه

**أبو آسر** · 10-10-2013 11:31 PM

المشاركة الأصلية كتبت بواسطة amr axel

اولا اياك تعمل اي خطوة غير قانونية عشان ساعتها انت اللي هتشرب الليلة الحجز المقصود قانونا مش سبهلله و متخليش عقد ايجار اكتر من سنة و تجدد و يفضل طالما ملكش خبرة في الموضوع تخلي محامي يمشي في الاجراءات و هياخد كلام فاضي
ثانيا لو الموضوع ان المستأجر مبيدفعش الايجار ابعتله انذار ع يد محضر مدفعش خلال 15 يوم ارفع دعوي مستعجلة بطرده و شوف محامي كويس عنده ضمير يمشيلك في الليلة دي

يا حاج عمرو هو فين القانون ده أساسا ؟! لما يتحكملي بحكم محكمة في قضية خيانة أمانة ومعرفش أنفذه والنصاب مبرطع ومبطلج خلي النصاب ده يبقى ياخد عليا حكم وينفذه هو كمان لو عرف !

المشاركة الأصلية كتبت بواسطة 3mr farrag

[right]

انا عارف الاشكال العكره ديه
يبقي حلال فيه تولع الخشب اللي عنده و شوف لو فيه حاجه مفيده خدها

اسال بس محامي عقر علي الحوار اللي قولتلك عليه و اتاكد
هتنجز نفسك و تخلص من الهم ده

ولا محامي ولا بطيخ ما أخذ بالقوة لن يسترد إلا بالقوة والبلد ماشية بالبلطجة دلوقتي وهاخد حقي منه بلطجة برده مش هضيع وقت وفلوس عالفاضي

المشاركة الأصلية كتبت بواسطة mohamed_selim

هو سؤال رفيع كده ... لو فى العقد الايجار اتكتب ان فى حالة التاخير عن الدفع العقد يعتبر لاغى بدون انذار و ان يحق لصاحب العين دخولها و ان المستأجر وافق على ذلك .... هل ده يحمى صاحب المكان من هذه النوعيه من المستأجرين؟

غالبا هيكون مخالف للقانون وفي قاعدة قانونية بتقول لا يجوز الاتفاق على مخالفة القانون لكن برده مش متأكد جايز ينفع الحوار ده وياريت محامي يفتينا في الموضوع ده لأن لو كان كده يبقى مية مية ويبقى العقود اللي هتتعمل بعد كده البند ده رقم 1 فيها !

-

-

-

-

الموضوع: استشارة قانونية عاجلة بخصوص مستأجر مماطل

LinkBack

أدوات الموضوع

عرض

-

المواضيع المتشابهه

استشارة قانونية بخصوص تسقيط موتور

استشارة فى خروج مستأجر قديم

محتاج استشارة قانونية ,, بخصوص بدل فاقد للتوكيل القديم

استشارة قانونية عاجلة في المرور لاصحاب الخبرة

الكلمات الدلالية لهذا الموضوع

المفضلات

المفضلات

ضوابط المشاركة