الى خبراء فتيس الفيكتـــرا

**superkenwood** · 11-09-2008 04:16 AM

عندي سيارة أوبل فيكترا موديل 2000 - عادة1600 سي سي - عاملة 105000 كيلومتر .. الفتيس بتاعها بيكون عادي جدا بل ممتاز في وسط البلد أي مع السرعات العادية .. ويتحرك بسهولة في جميع الاتجاهات و الغيارات .. المشكلة عند السفر و تحميلي على الخامس لفترة كبيرة ساعة مثلا .. عندما اريد ان أمور الفتيس أو أغير السرعات أجد تحجير و صعوبة كبيرة في ذلك .. وبستمر ذلك في السرعات اللي في اتجاة الشمال كالأول والثالث و الخامس .. وخصوصا الثالث .. ولا يأتي الثالث معي أبدا الا اذا قمت بالغيار الى الرابع أولا ثم يأتي الثالث بصعوبة شديدة جدا بعد مناورات ومنازعات ومسايسات وقد لا يأتي أبدا !!! لو هديت من سرعة السيارة ومشيت على سرعات عادية يتحسن الحال تدريجيا خلال ربع ساعة تقريبا .. ويتحرك بعدها الفتيس بسهولة .. وزيت الفتيس كشفت عليه عند أكثر من مركز متخصص قالولي انه تمام .. خايف أخش في موال فك الفتيس .. أنا حأتجنن .. حد يا جماعة يحاول يساعدني

**Ahmad Allawy** · 11-09-2008 10:27 AM

طيب في احتمال انها تكون قواعد الفتيس فيها حاجة..؟؟
ولا انا باخرف..؟؟ :) :)
احمد noname اكيد هيفيدك ان شاء الله..

**ENG\AHMED** · 11-09-2008 07:06 PM

طيب متجرب تغير زيت الفتيس
من كلامك المشكلة متعلقة بالتحميل والحرارة لو فى حاجة فى الفتيس هيبقى العيب موجود على طول مش هتفرق باردة ولا سخنة ولا بتجرى ولا لأ

**superkenwood** · 15-09-2008 01:00 PM

مشكورين Ahmad Allawy - Noname .. حأغير زيت الفتيس وأشوف ربنا يسهل

**Ahmad Allawy** · 15-09-2008 01:03 PM

شوف كده و ابقي طمنا ان شاء الله..

**superkenwood** · 30-09-2008 04:07 AM

في زيت فتيس بيتباع عند بتوع الزيت رخيص جداااا
وفي نوع بيتباع في التوكيل وعند مراكز خدمة محترمة بس غالي موووووت

ايه الفرق ؟ أغير بأي واحد ؟؟؟

**ENG\AHMED** · 30-09-2008 06:40 PM

المشاركة الأصلية كتبت بواسطة superkenwood

في زيت فتيس بيتباع عند بتوع الزيت رخيص جداااا
وفي نوع بيتباع في التوكيل وعند مراكز خدمة محترمة بس غالي موووووت

ايه الفرق ؟ أغير بأي واحد ؟؟؟

بتوع الزيت تقصد محل من اللى بيغيرو الزيوت؟؟
عايز تشترى زيت اياا كان موتور , فتيس , باكم يااما من بنزينة نضيفة ياما التوكيل بس
زيت فتيس الفيكترا لو هتغيرو فى التوكيل هيتكلف حاجة وتمانين او حاجة وسبعين مش فاكر

**superkenwood** · 30-09-2008 07:31 PM

المشاركة الأصلية كتبت بواسطة NoNaMe

بتوع الزيت تقصد محل من اللى بيغيرو الزيوت؟؟
عايز تشترى زيت اياا كان موتور , فتيس , باكم يااما من بنزينة نضيفة ياما التوكيل بس
زيت فتيس الفيكترا لو هتغيرو فى التوكيل هيتكلف حاجة وتمانين او حاجة وسبعين مش فاكر

اه قصدي محلات الللي بتغير الزيت .. هل بيفرق الزيت اللي عندهم بالزيت بتاع البنزينات النضيفة أو التوكيل ؟؟

**ENG\AHMED** · 30-09-2008 07:48 PM

المشاركة الأصلية كتبت بواسطة superkenwood

اه قصدي محلات الللي بتغير الزيت .. هل بيفرق الزيت اللي عندهم بالزيت بتاع البنزينات النضيفة أو التوكيل ؟؟

هيفرق انة اضمن
محلات الزيت ممكن يحطلط اى نوع زيت على انة نوع تانى وممكن يخلط زيوت ببعضها علشان يرفع المكسب

فى فكترا المارشدير خلفى اعتقد من اول موديل 2000

**superkenwood** · 30-09-2008 07:57 PM

المشاركة الأصلية كتبت بواسطة NoNaMe

هيفرق انة اضمن
محلات الزيت ممكن يحطلط اى نوع زيت على انة نوع تانى وممكن يخلط زيوت ببعضها علشان يرفع المكسب

فى فكترا المارشدير خلفى اعتقد من اول موديل 2000

مشكور يا فنان .. ياترى زيت الفتيس بيتغير كل قد ايه ؟ في ناس قالوا كل 50000 كيلومتر .. وناس قالت مش بيتغير خالص بيتزود بس لو نقص .. ايه رأيك ؟

الموضوع: الى خبراء فتيس الفيكتـــرا

LinkBack

أدوات الموضوع

عرض

العرض المتطور

-

-

المواضيع المتشابهه

فتيس جولف استيراد (الى خبراء الفتيس)

ارجو الافادة من خبراء المنتدى فى فتيس 127

إلى خبراء نايل موتورز مشكلة فى في فتيس 505

الى خبراء الفيتار - فتيس الفيتار بيعض ولما تسخن بيقفش

صوت زنه فى فتيس الماتريكس الاوتوماتيك الى خبراء نايل موتورز

الكلمات الدلالية لهذا الموضوع

المفضلات

المفضلات

ضوابط المشاركة