مبعرفش اسوق كويس اشترى عربية جديدة ولا مستعملة-أرجو النصيحة

**samyyousef** · 10-10-2013 01:39 AM

اشعر بمنتهى القلق من ذلك السؤال
و الاجابة بأن المفروض تجيب عربية رخيصة علشان لما تخبطها ماتزعلش عليها!!
السؤال حاتخبطها في مين؟؟؟
و يا ترى مش يمكن يكون المخبوط ده عربيته جديده؟؟؟
او يمكن لا قدر الله يكون بني آدم اغلى من اي عربية

نصيحتي لا تقود السيارة ابدا الا و انت متاكد من قدرتك على القيادة الامنة
و يفضل تكون اوتوماتيك حتى تتمكن من اتقان القيادة في وقت قصير

**K_E** · 10-10-2013 11:52 AM

المشاركة الأصلية كتبت بواسطة aboomar22

على فكرة دايما اللى بيسوق جديد بيبقى حذر جدا وغالبا مبيعملش حوادث لكن المتمرس بيبقى جريء واحيانا واثق زيادة وبتبقى حوادثه اكثر وفى الاول والاخر دى تقدير ربنا سبحانة وتعالى انت بتتخبط وانت واقف فى اشارة او وانت راكن فى الشارع خد اكتر من دورة قيادة لحد ماتحس انك ممكن تمشى وسط العربيات

كلام مظبوط جداً

انا قبل ما اجيب عربيتي مكانش عندي اي فكرة عن السواقه واحد صاحبي بس مشيت معاه بعربيته شويه يمكن مرتين تلاته كده في شوارع فاضيه "اوتوماتيك"

وبعدين جبت العربيه وسوقتها من اول يوم وروحت بيها لوحدي والعربيه متحكتش غير لما بقيت اسوق كويس ههههههههههه

الاوتوماتيك سهل جداً طبعاً بس الواحد بيكون حذر جداً فالاول بس اهم حاجه تعرف الاساسيات البسيطه زي انك ماتقفش مره واحده وتعرف تتابع المرايات وتبصلها امتى كمان تركن ازاي وكده
التعود هيجي مع الوقت

وياحبذا لو العربيه فيها حساسات امامي وخلفي هتطمنك اكتر فالسواقة

**Arch Mohamed S** · 10-10-2013 01:35 PM

جيب جديد احسن و اريح
انا زيك بالظبط كنت لسة بسوق جديد و اشتريت زيرو و طبيعي اللي بيجيب جديد بيمشي حريص اوي و الحمدلله مرة في مرة بقيت بسوق احسن من الأول و ربنا رزقني بتاكسي و راجل كبير يعني بيسوق من زمان خبطني و انا ( واقف في اشارة )
يعني خبط العربية ملوش علاقة بواحد بيسوق جديد او قديم في واحد لسة جديد بس حريص و ماشي محترم وواحد بيسوق من زمان بس غشييم
و مفيش عربية في مصر مش بتتحك ولا بتتخبط هي اه بتزعل عليها لو زيرو بس لما تفكر بتقول الحمدلله انها بتيجي في حاجات خفيفة

**hilal** · 10-10-2013 01:47 PM

أنا مع المستعمل في البداية
بشرط ان تكون عربية منتشرة وسهلة البيع وحالتها جيدة
وبعد ما تتعلم تقدر تغيرها بسهولة وتجيب اللي نفسك فيه
هات لانوس أو لانسر مستعملة حالتها كويسة

**عبدالله برعى** · 10-10-2013 08:25 PM

نصيحتى لحضرتك فى الاتى مقسمة على 3 شهور
الشهر الاول انعلم السواقة نظرى من كتب ومن منتدى نايل موتورز وفى نفس الوقت اسال على العربية اللى حتجيبها
الشهر التانى اتعلم سواقة عملى بس شرط تكون عربية قديمة من الموديلات القديمة لانك لة ركبيت على طول جديد مش حتبقى ماهر سواقة
الشهر الثالث تكون حددت العربية اللى حتجيبها وتكون بردو بتتعلم عملى
لانك مش منطقى انك تشترى عربية مستعملة علشان تتبهدل الواحد بيجيب العربية علشان تريحة فاحنا نمسك العصا من المنتصف نتبهدل بعربية مستعملة موجرة وبعدين نحس بقيمة العربية الجديدة من ناحية التكنولوجيا والراحة طالما 170 الف
ومبروك مقدما

**Abdelmoneem** · 11-10-2013 01:58 AM

في مصر السائق الحذر مش اللي بيحافظ على عربيته ومبيخبطهاش وميخطأش، إنما اللي بيعرف يتفادى أخطاء الآخرين! لأنك حتى لو سوقت صح 100% دايمًا هتلاقي غيرك بيغلط وممكن يخبطك بسهولة لو معرفتش إزاي تتجنبه. لازم يكون هدفك الحقيقي من السواقة في مصر إنك تخش الغابة اللي اسمها نهر الطريق وتتفادى جميع أنواع الأنماط اللي فيها وتروح مشوارك وترجع وانتا صاغ سليم!

عشان كده نصيحة، أول خطوة مدرسة سواقة (أو مدارس) تتعلم فيها كويس وتجرب الشارع كويس، تاني خطوة عربية مستعملة (تتعلم الميكانيكا وأصول الصيانة وأصول السواقة) تالت خطوة بقى زي منتا عايز ممكن عربية مستعملة بس عالية ومضمونة (بنفس المبلغ) أو عربية زيرو.

**EngAhmedSayed** · 11-10-2013 01:46 PM

هقولك على حاجة جامدة اى حد عاوز يتعلم
و مقبل على شراء عربية جديدة
انتا و لة تشترى مستعمل ودخل نفسك و قرف المستعمل و الميكانكيا و المصريف ماهو انتا كدة هتصرف و كدة هتصرف
بس هتشترى دماغك من وجع قلب المستعمل
انزل على اى مدرسة تعليم سواقة و اتعلم و اتعامل لو عاوز تاخد اليوم كله بحسابه و اتعامل و انزل وروح و جرب و اسال و ثقف نفسك و جرب لحد ما تيبقى تمام
و ثقة من نفسك
اتوكل على الله
و سمى بأسم الله
و هات عربيتك الجديدة
انا من رأى تاخدلك اسبوع اجازة كدة و اتفرغ هيبقى عندك حاجتين تهتم بيهم النظرى و العملى
انا من راى تاخد النظرى هنا فى المنتدى و ظبط مع اى حد و ربط معاه و العملى نفذ فى المدرسة هتيبقى بريمو بعد كدة
و لو عاوز نظرى قولى و انا اشرحلك و على اسس علمية لانى فى المدرسة النظرى ضعيف و هما اغلبيتهم مش فاهمين
ربنا يوفقك

**ahmedfathi** · 12-10-2013 10:51 AM

نصيحه لو جبت عربيه مستعمله فى الاول هتكره نفسك وتكره السواقه وتكره العربيات كلها .....

انا كنت زيك من 5 سنين وامكنش ليا خبره فى العربيات تماما مكنتش اعرف الدريكسيون من الفتيس . والحمد لله . اشتريت عربيه زيرو على طول بعد ما اخدت دورات نظرى وعملى مكثفه لمده شهر متواصل تقريبا

والحمد لله العربيه معايا هيا فيها بعض الخرابيش اه بس تتلم بحاجه بسيطه ..بس الحمد لله رب العاملين عمرى ماروحت عند ميكانيكى ولا كهربائى ...هو التوكيل بس

نصيحه اخيره بلاش تشترى مانيوال ...هات اتوماتيك

**mohamedxsayed** · 12-10-2013 11:18 AM

الى ميتبهدلش من اول عربيه يسوقها هيبوظ اول عربيه يجبها زيرو لو مخدش دروس سواقه
ولو الكواتش ضرب منه مش هيعرف يغيره او هيغيره بعد وقت ومحاولات كتير
مش هيقدر الزيرو وهيجرب كتير فيها وهتتبهدل منه والصنايعيه هيكلو على قفاه عيش وحلاوه والتوكيل ممكن يغيرله حاجات مش محتاجه وهو ميعرفش
انا مع راى انك تجيب مستعمل ومانيوال لمده شهرين وتكون حاجه رخيصه
الى مركبش مانيوال مش بيعرف يسوق ومش هيستحمل السواقه (رأى شخصى)