الموضوع: التقفيل الصينى و لا التقفيل المصرى ايهما افضل

المشاركة الأصلية كتبت بواسطة cobrahi

تسلم اخى ع الرد الجميل و انا فعلا ناوى باذن الله انزل بعد العيد اشترى واحدة و تكون تقفيل صينى افضل و الامر لله بقا

مع انى كنت حابب انتظر l3 الى هيه ع موقع ال byd اسمها new f3 بس شكلها كدة هتنزل غاليه و كمان هطول علشان تنزل مع انها نازله من 2012 مش عارف ليه مصر ف كل حاجه ورا
شكلها حلو جدا شبه التويوتا 2011

فعلا اعتقد لو نزلت هتكون اغلي من الحالية
و عامة شوف اللي يناسبك :)
و لو هتتوكل ع الله و تجيب الـ1500 التقفيل الصيني في انتظار التقرير و انطباعك عقبال ما احصلك ان شاء الله لو فيه نصيب :)

المشاركة الأصلية كتبت بواسطة cobrahi

و الله انا محتار ما بين الموتور ال 1500 cc و ال 1600 cc من حيث القوة و الدفع و كمان ما ناحيه قطع الغيار
يعنى الموتور ال 1600 معرفوا دة ميتسوبيشى بومه يعنى قطع غيارة موجودة .. طيب الموتور 1500 دة ايه ؟ مش عارف لان بعض الناس تقول موتور هوندا سيتى و البعض الاخر يقول لاء !!!

و تعبت من غير سيارة بجد

هو فعلا الـ1600 منتشر بقاله اكتر من 6 سنين
اما الـ1500 لسه مش منتشر و نزل في الجي 3 بس لحد دلوقتي و لكن حسب اللي اتقال هنا ان بعد كده الـ1500 هو اللي هيبقي شغال و مفيش 1600 تاني
و عن نفسي لو فكرت هفكر في الـ1500 عشان كاتينة جنزير و في نفس الوقت ع الورق لحد دلوقتي نفس القدرة و اي قطع لا قدر الله يبقي مع التوكيل بس حسب التصميم انا فعلا شايف انه قريب من موتور سيتي cvvt
فشوف الأفضل من وجهة نظرك عشان تبقي مقتنع و متندمش بعد كده

المشاركة الأصلية كتبت بواسطة cobrahi

شكرا كتير ع الاهتمام و الرد .. لكن سير الكاتينه الجنزير مش فارق كتير بينه و بين السير العادى صدقنى الاتنين واحد لكن لو هيه لو فعلا موتور هوندا سيتى هيكون حلو لكن قطع غيارةة غاليه جدا
انا إن شاء الله بعد العيد هنزل مصر اشوف .. انا معروض عليه اسكودا اوكتافيا 2004 نظيف جدا جدا جدا و كامله كمان و مع راجل كبير لكن انا عاوز زيرو بس لو قارنت بين البى واى دى اف 3 و الاسكودا فرق كبير
غير ان النيو اف 3 الى هيه ال 3 الى لسه مش نزلت عجبانى لانها شبه التويتا 2010 او 2011 بس يمكن تطول علشان تنزل او انها تنزل غاليه ..

انا لو امكانياتى اعلى من كدة كنت جبت تيجو 2014 الشكل الجديد نيو و ريحت عقلى

مفيش فرق !!!! ازاي يا باشا ؟؟
لما يكون جنزير اول حاجة هتفكر فيها انك هترتاح من السيور اللي بتتغير كل شوية و ربنا ما يوريك لو سير كاتينة قطع بيحصل ايه و خاصة ان السيور اغلب المنتشر مضروب اخر سير كاتينة غيرته مكملش 8000 هو و البليه و حمدت ربنا اني لحقته قبل ما يتقطع
و المفروض لو السير تمام بتغير كل 40 الف لكن انا مبعديش 20 الف اما الجنزير كل 80-100 الف بتغيره بالتروس و خلاص
ضيف عليها لما موتور حسب اللي اتقال لما يكون بتكنولوجيا تغيير توقيت الصمامات
و استهلاك اقل يبقي طبيعي اني ارجحه :)
يعيب الجنزير الصوت بس اعلي من السير
و طبعا الاوكتافيا لا غبار عليها لكن الواحد مبيحبش المستعمل حتي لو كانت ايه :)
بس موضوع نيو اف 3 ده اشك انه ينزل دلوقتي ده لو نزل
و التيجو حلوة بس بتكلم في 118 الف
المهم شوف اللي يريحك :)