هو بعد الفليشيا تركب ايه ؟؟

**aw2100** · 10-10-2013 12:44 AM

المشاركة الأصلية كتبت بواسطة amrelsaqqa

الفليشيا عربية اقتصادية اه ، وعلى قدها ، بس من ناحية الثبات والكلام ده فعلا العربية محترمة في فئتها والفئة اللى بعدها كمان وفرق كبير في الثبات بالذات ، معاك في اي حاجة تانية العربية مش حلوة فيها زي النعومة والسحب ووو ، بس الكلام عن الثبات ده مش مبالغ فيه ولا حاجة (في فئتها وبفلوسها)

واكيد الراجل مش قصده ما ينفعش يركب يابانى تماما بعد الفليشيا ! لا طبعا ، القصد في الفئة السعرية اللى العضو اقترحها (الاربعينات) ايه يابانى في الفئة دى احسن من الفليشيا ؟ مفيش ، ايه يابانى اصلا في الفئة دى ، مفيش اساسا !

حضرتك اوجزت فانجزت فعلا مش فى الفئة السعرية بس الفليشيا عربية محتفظة بقيمتها كمتانة وقوة صاج وشاسية بعد مرور اكتر من 15 سنة على تصنيعها فى اغلب العربيات اللى شوفتها لاكن بالنسبة للعربيات الكورى واليابانى اللى فى سنها قليل انك تلاقى عربية واقفة على كاوتشها كلها بقت خردة ومتهربده على الرغم من سوء معاملة اصحاب الفليشيا ليها وبخلهم عليها ولكن فى النهاية الفليشيا عربية مصفحة بجد وخدمة شاقة جدا مؤبده لاقصى درجة واتوقع ان الموديل ده يستمر متواجد 30 سنة كمان على الأقل وده طبعا مش متوافر حتى فى الموديلات ال0 وده يرجع لتكنولوجيا جديدة تستخدم فى تصنيع المنتجات الألكترونية والسيارات اسمها تكنولوجيا تحديد عمر المنتج وبدأ العمل بهذة التكنولوجيا فى عام 2000 فقبل كده كان منتجين الأجهزة والسيارات بيصمموا منتجاتهم للعمر الطويل تحياتى للجميع !!

**aw2100** · 10-10-2013 12:50 AM

المشاركة الأصلية كتبت بواسطة lad

فى ايه يا جماعة دى فليشيا مش مرسيدس الشاهين احسن منها مش الفليشيا ديه اللى بتجيب جوان وش سلندر اكتر ما الكاوتش ما بينام خوشو شوفو مواضيع و مشكل الفليشيا اانا والله العظيم الشاهين برقبتها مش يابانى وكورى

معلومة لحضرتك حكاية جوان وش السلندر ده لية اسباب مش لوحدية بيضرب وده زى اى عربية بسبب اهمال صاحب العربية فى صيانة دورة التبريد غير كده مش ممكن الجوان يبوظ ومعلش مفيش وجه مقارنة بين الشاهين والفليشيا واضح ان حضرتك ماركبتش الفليشيا ؟؟؟؟؟

**khmt1970** · 10-10-2013 01:21 AM

سيات كوردوبا بشرط الحاله

**amrelsaqqa** · 10-10-2013 01:23 AM

المشاركة الأصلية كتبت بواسطة lad

والله ركبت ديه وديه و اسئل اى ميكانيكى اجيب انهى و يقولك تجيب انهى و موضوع الجوان ده معلش كل اللى بيركبو الفليشيا مهملين دا عربيات تانية بيحوطولها عصير قصب و مبتسخنش ولا بتجيب جوان ولا الهوا و بعدين الناس اللى بتقول الثبات هى اصلا بتمشى على كام عشان نقول ثبات

ياباشا لو هنسمع كلام الميكانيكية
يبقى مصر كلها مفيهاش غير 5 عربيات
ال128 و الفيرنا واللانوس والتويوتا واللانسر ، وكل واحد حسب فلوسه !

**hugan** · 10-10-2013 01:49 AM

المشاركة الأصلية كتبت بواسطة lad

فى ايه يا جماعة دى فليشيا مش مرسيدس الشاهين احسن منها مش الفليشيا ديه اللى بتجيب جوان وش سلندر اكتر ما الكاوتش ما بينام خوشو شوفو مواضيع و مشكل الفليشيا اانا والله العظيم الشاهين برقبتها مش يابانى وكورى

+111111111111

**أحمد جودة** · 10-10-2013 09:43 AM

المشاركة الأصلية كتبت بواسطة lad

فى ايه يا جماعة دى فليشيا مش مرسيدس الشاهين احسن منها مش الفليشيا ديه اللى بتجيب جوان وش سلندر اكتر ما الكاوتش ما بينام خوشو شوفو مواضيع و مشكل الفليشيا اانا والله العظيم الشاهين برقبتها مش يابانى وكورى

بص يا باشا

الشاهين معشوقة اللى مركبش عربيات قبل كدة لا يعرف حجاة عن العربيات

أنا ركبت الاتنين أن معايا فليشيا وركبت الشاهين كذة مرة

الكلام ع الشاهين ..... روئية واضحة وممتازة لان الكرسي بتاع السواق عامل زي دكة البوابين قاعد على حاجة ناشفة وعالية وشايف العلبة المربعة اللى اسمها الكبود بوضوح الطابلوة شكلة مش لطيف نهائي تحس انك فى عربية موديل الخمسينات السحب بتاعها عادي وتجميعا فى السرعة عادي عفشتها يمكن تكون انشف من عافشة الفليشيا عموما مش هتكلم كتير

عموماً مينفعشش تحط الشاهين جمب الفليشيا

لا توجد وجهه مقارنة بين الاتنين

كفاية ان الفليشيا صنع ألماني والشاهين صنع الاسطواط بتوع عين حلوان

يعني تركب صناعة ألماني ولا صناعة حلواني