الموضوع: هو بعد الفليشيا تركب ايه ؟؟

المشاركة الأصلية كتبت بواسطة أحمد جودة

ودي مشاركة عضو ذهبي فى المنتدي اسمة احمد متولي للاسف ملحقتش اتعرف علية كويس

ركب الفليشيا وركب الشاهين

ودة راية فى الــــ 2 بكل حيادية


السلام عليكم ورحمة الله وبركاته
وعليكم السلام ورحمة الله وبركاته
أخى الفاضل
عيوب الشاهين ومميزاتها قتلت بحثاً فى المنتديات
بضغطة زرار فى جوجل هتلاقى اللى انت عاوزه

بص ياباشا احنا عندنا حاليا فليشيا وشاهين
وبحب الاتنين وشايف عيوبهم ومميزاتهم قدام عينى يوميا

واضح انك كاره للشاهين ومخنوق منها من قبل ما تجيبها
أنا مش عارف ايه اللى غصبك كده !!!
وجالك مكسب فيها كمان
طيب بعها يا أخى !!!!!
أو ولع فيها وارميها فى الزبالة
واضح انك جبت عربية شاهين تعبانة وخلصانة وطالع عين اللى خلفوها
عربيتي لو تعبان زي ما حضرتك بتتكلم مكنش جالي فيها مكسب والمكسب لا يقل عن 4 الف جنيه بس واللهي المشكله في ولدي بيربيني بيها
بص ياباشا
احنا كان عندنا دوجان 1600 سى سى موديل 96 واتباعت
وحالياً مع والدى فليشيا موديل 96
ومعايا شاهين 1400 موديل 2004

رأى الشخصى (أنا راجل خبرتى على قدى ومحدودة) فرق رهيب بين الفيلشيا والشاهين
راي حضرتك يحترم طبعا
فى كل حاجه
يمكن تكون المقارنة ظالمة لأن الشاهين اللى معايا دلوقتى موديل اعلى
بس حتى الدوجان القديمة كانت أقوى ومريحة فى السفر عن الفليشيا
حضرتك سافرت بكل واحده فين انا قبل ما ابيع الفليشيا واخدها من الزقازيق لحد شمال سيناء 140-160 مفيش استراحه وطالع من الزقازيق الساعه 9 الصبح كل الي عملته وصلت الاسماعليه ريحت الكرسي وبدات اشد سرعات الشاهين كنت بروح من الزقازيق للمنصوره بعربية واحد صحبي وانا مش سايق كمان بنزل تعبان من وضع الكرسي
طبعا الاتنين فيهم عيوب وفيهم مميزات
بس وجهة نظرى ان الشاهين برقبة الفيلشيا
ورأيك يحترم بردوا
العربيات قرف وكل واحد وقرفته

عيوب الشاهين بالمقارنة بالفليشيا
فعلا الكنبة الخلفية ضيقة وديه لإنها عربية دفع خلفى علشان الكارونة
وعمود الكردان
الفليشيا احسن بكتير فى النقطة ديه وقعدتها ورا اريح مليون مرة من الشاهين
اضاءة التابلوه فى الشاهين تعبانه جدا بتتحل بشريط ليدات بتلاته ابيض
بس عن نفسى سايبها فابريكة وشايف عدادات الآر بى ام والسرعة وعدادات البنزين والحرارة فى الظلام الدامس بدون اى مشكلة
اللى مش شايفه فعلاً فى الظلام عداد الكيلومترات وعداد الرحلات
واكيد الشاهين استهلاكها فى البنزين اعلى من الفليشيا شوية

مميزات الشاهين بالنسبة الى الفليشيا
من وجهة نظرى
السحب اقوى بكتير من الفليشيا
عربيتي الله يرحمها كان موتور 1300 وفتيس 1600 اقسم بالله صحبي دا كنت مجننه مع انه عنده صارف علي عربيته ببزخ اكتر من عربيتي مليون مره وكانت دوجان 95 كامله
- سيارة دفع خلفى -مفيش حاجه اسمها تسقيف بتاتاً (الفليشيا بتفضح الدنيا بموضوع التسقيف)
التسقيف دا تسمعه لما يكون عندك الاسبراتير عايز يتظبط او التكيهات مش مظبوطه وهات اسبراتير صيني مش بقولك الماني وركبه واطلع علي التاني وحطب بنزين 80 ومش هتسمع تسقيف
- الاعطال اقل بكتييييييييييييييييييييير جدا
دي حسب حالة العربيه لو متهانه او
- شاسية اقوى والعربية اعلى بتستحمل المطبات والبلاوى اللى فى الشارع
معتقدش ان الشاسيه اقوي
- الدريكسيون والدبرياج خفيف ومفهوش اى مشكلة (بس العربية الدوجان موديل 96 كان الدريكسيون متعب جدا والدبرياج بيوقف الرجل فعلاً)
بصراحه دبرياج الشاهين بيعملي مشاكله ديما الفصل بتاعه عالي
- التبريد فى الشاهين بالمروحة الفابريكة لو مفيش تكييف ممتاز جدا العربية مستحيل درجة حرارتها تزيد عن 92 مهما كانت الظروف ومهما كان الجو حر بخلاف الفليشيا اللى بتتلكك علشان تسخن ودائما الواحد ماشى قلقان من الموضوع ده -الثبات ممتاز ووحش على الطريق فعلاً جبت بيها 140 كم/س وكان لسه فيها وخوفت ازود
خش يا فندم القسم هتلاقي حلول كتيره للسخونه جرب حل منهم واكيد هيختلف رأيك في النقطه دي
انا مشيت بيها 140-160 وايد علي الدركسيون وايد علي الفتيس ومش كنت حاسس بحاجه
الشاهين بصراحه ممكن تتقلب لو دخلت غرزه من غرز الشاهين
- أماكن الزرار فى الموديلات الحديثه اختلفت عن الموديلات القديمة
طيب دلؤقتي الزراير فين
قطع الغيار عندك أنواع وماركات من مصرى الى صينى الى تركى الى إيطالى وألمانى
وهات اللى يعجبك وكل بتمنه ونفس الكلام فى الفليشيا
باقى البنود اللى انت كاتبها مش معاك فيها اطلاقاً
وجهة نظرك وانا لازم احترمها
الحمد لله على نعمة الرضا
اللهم بارك لنا فيما رزقتنا
الحمد الله بعتبر نفسى فى نعمة كبيرة

استاذ ورئيس قسم يا حمادة
جيبت مقارنة لواحد من القدامى هنا فى القسم
و هو احمد متولى
صح كلامك
احييك على الرد المقنع
بالتوفيق ان شاء الله