لمبه الزيت فى التابلوه بتنور مع كبسه الفرامل

**sunnawy** · 10-10-2013 04:49 AM

لما اجى ادوس فرامل جامد شويه الاقى لمبه الزيت تروح منوره برعشه كده و تطفى تانى و هكذا مع الفرامل المشكله كده فى ايه مع ان الزيت كشفت عليه مظبوط
.... هل لمبه الزيت دى مرتبطه بزيت الموتور بس ولا ليها علاقه بزيت الباور او الفرامل او الفتيس ؟؟؟؟

**svneleven** · 10-10-2013 05:07 AM

هي مالهاش علاقة مباشرة لكن الواضح أنك لما بتدوس فرامل بيحصل زي تحميل علي الموتور و سرعته بتقل و عاوز يبطل عشان كده بتحس بالرعشة و لمبة زيت الموتور تنور. ايه بقي اللي بيحصل لما تدوس الفرامل يحمل علي الموتور؟ احتمال يكون فيه حاجة في السرفو بتاع الفرامل؟

**saddam** · 10-10-2013 05:55 AM

صديقي.المواطن
لها عدة أسباب منها الزيت وحش ولكن أرجحها هو مشاكل في تنظيم هواء المحرك سواء من نظام الوقود أو من نظام الفرامل ﻷنك لما بتفرمل جامد عدد دورات المحرك بينخفض وكذلك طرمبة الزيت تبقه عايزه توقف مع توقف المحرك وكمان لمبة الزيت ملهاش أي علاقة غير بزيت المحرك وبالتوفيق
ودمتم للنضال

**Fo1Fo** · 10-10-2013 10:05 AM

كده الزيت ناقص . أتأكد من مقاس الزيت . اذا كنت علي وشك تغيير الزيت غيره , وأن كان لسه بدرى زوده وخلى الزيت يوصل لمنتصف المسافه بين العلامتين على المقياس . وقولنا ايه النتيجه لأن الموضوع ده حصل معايا وكان السبب نقص الزيت

**mahmoud_fathy** · 13-10-2013 09:35 PM

ممكن يكون فى تسريب من خرطوم الهواء بتاع السيرفو اتاكد منه بالنظر كده هتلائيه خارج من الماتور و داخل على السيرفو ورا علبة زيت الباكم لو فى قطع ولا حاجه هيعمل المشكله دى و هتحس كمان ان العربيه بترعش منك اكنها هتبطل
لو مش هتحس انها هتبطل وانت بتفرمل ممكن تكون مشكله انو الزيت ناقص و دا تقدر تقيسه و العربيه بارده وابئى طمنا

**ehabouf** · 15-10-2013 05:16 AM

علشان ماتلفش كتير - لو الزيت مظبوط (كمية ولزوجة) وصوت وسرعة الموتور مظبوطين
تأكد 100% انها طرمبة الزيت ضعفت
ماتسمعش فتي الميكانيكي لأنك حتصرف في 100 حاجة تانية وفي الآخر حاتغير طرمبة الزيت برضه

**al_manara** · 15-10-2013 08:36 AM

هل العربية وهي واطيه (لفات الموتور قليلة ) لمبة الزيت بتنور ؟ لو اة

يبقي
-زيت ناقص
-فلتر زيت بايظ
-طرمبة زيت ضعيفة
-سبيكة موتور

**حامد عبد الله** · 21-05-2015 01:31 AM

أنا عندي نفس المسكلة في عربية مازدا 929 خليجي أتوماتيك موديل 83 وغير أوسيل الفتيس والماتور خلفي وأمامي ورحت عند 3 ميكنيكية ولا واحد عرف المشكلة من إيه والعربية ماشية وخلاص وكل مغير فلتر أو أزود زيت المشكلة تختفي لبعض الوقت وصرفت كتير ومتحلتش وعربية واحد صحبي فيها نفس المشكلة وكل الميكانكية أجمعوا إن اللمبة إذا لم تنور مع دوس البنزين والسرعة خلاص فأنا هتوكل على الله ومش هشغل بالي وده تليفوني ممكن تتواصل معي 01154525404