المارش اتحرق وانا محتاس

**ahmed atiaa** · 14-05-2015 07:38 AM

السلام عليكم ورحمة الله وبركاته عربيتي فيات 127 موديل 1986 النهاردة وانا بحطلها بنزين لقيتها بتطلع دخان ولما وديتها لكهربائي سيارات قالي المارش اتفحم وانا بصراحة جديد في العربيات وخايف الكهربائي يلعب فيها ويستغلني

**Abo_Mazen** · 14-05-2015 09:25 AM

لو الكهربائي ثقه وبيفهم .ما تضيعش وقت ..مارش إستيراد علطول ..لا تلف مارش ولا تصلح ..هات إستيراد وخلص ..بس سؤال ..هو حضرتك غسلت العربيه مؤخرا؟؟؟؟

**pepo2011** · 14-05-2015 09:54 AM

ياباشا هات واحد استيراد بس لو متاكد انه المشكلة منه

**ahmed atiaa** · 14-05-2015 12:41 PM

المشكلة اني لسه مشتري العربية مكملتش تلات ايام ومعرفش اي حاجة في العربيات نهائيا بس تقريبا صاحبها كان غسلها... بس المارش يخلي العربية تدخن وتكون سخنة جدا انا لما ودتها لكهربائي قالي عايزة مارش وتمنه 250 /300 جنيه وممكن يكون في مشكلة في حاجة اسمها الكربراتير تقريبا مش فاكر اسمه بالظبط... معلش يا جماعة اسف والله على ازعاجكم بس انا فعلا في حيرة ومش عايز أقع تحت ايد الميكانيكيه ويستغلوني وانا مش فاهم حاجة

**pepo2011** · 14-05-2015 01:21 PM

المشاركة الأصلية كتبت بواسطة ahmed atiaa

المشكلة اني لسه مشتري العربية مكملتش تلات ايام ومعرفش اي حاجة في العربيات نهائيا بس تقريبا صاحبها كان غسلها... بس المارش يخلي العربية تدخن وتكون سخنة جدا انا لما ودتها لكهربائي قالي عايزة مارش وتمنه 250 /300 جنيه وممكن يكون في مشكلة في حاجة اسمها الكربراتير تقريبا مش فاكر اسمه بالظبط... معلش يا جماعة اسف والله على ازعاجكم بس انا فعلا في حيرة ومش عايز أقع تحت ايد الميكانيكيه ويستغلوني وانا مش فاهم حاجة

ياباشا ولا يهمك بس معلش ايه العلاقة بين المارش والكربراتير ؟؟؟
المارش عيوبة معروفة والكربراتير عيوبة معروفة مفيش علاقة بينهم!!!!
انا شايف انك تروح لميكانيكي تاني وكهربائي

**abokoko** · 14-05-2015 01:59 PM

المارش كل دوره ان يشغل العربيه يعني يدور الموتور
ولو اتحرق وحد زقك علي ما يدور الموتور انتهت فايده المارش وقتها
ولو بطلت العربيه يبقي حد يزقك تاني علشان تشتغل
بس كده

يبقي الحراره ملهاش اي علاقه بالمارش

روح لميكانيكي وخد معاك حد بيفهم علشان محدش يشتغلك

**ahmed atiaa** · 14-05-2015 02:55 PM

انا فعلا مردتش اخلي العربية عند الكهربائي دا بس بعد اذنك ممكن اعرف ايه اللي يخلي العربية تسخن جدا انا خايف تفتح معايا ومتشكر جدا على سرعة رد حضراتكم

**pepo2011** · 14-05-2015 03:02 PM

السخونة مالهاش علاقة بالمرش نهائي السخونة ممكن تكون المراوح او الرادياتير او دورة التبريد يعني حاجات كتير الاول بس لازم تروح لحد معرفة وبيفهم وعنده ضمير الاول

**ahmed atiaa** · 14-05-2015 03:11 PM

طب الحاجات دي لا قدر الله لو كان السبب منها تكلفني في حدود كام ربنا يجازيك كل خير

**Abo_Mazen** · 15-05-2015 12:38 AM

خلي بالك ..ممكن يكون الكهربائي قالك ..الريداتير ..مش الكابراتير ..فيه فرق بينهم كبير قوي ..هما أصلا ملهومش علاقة ببعض ..عموما لو فيه مشكلة في الريداتير عندك يبقى هو ده اللي سخن العربيه فعلا ..لكن برضه يظل المارش المحروق لازم يتغير ..بالنسبة بقى للريداتير خلي حد بتاع ريداتير يبص عليه ويقيمه ويقولك حالته إيه ..ينفع فيه غسيل وتسليك ..ولا تغيره هو كمان وتخلص

الموضوع: المارش اتحرق وانا محتاس

LinkBack

أدوات الموضوع

عرض

-

-

-

-

-

-

المواضيع المتشابهه

العربيه بتخرف وانا محتاس ياريت المساعده

بعد تغيير المارش واوتوماتيك المارش .. العربية بتور حتى لو واخدة غيار

العربيه سخنت وانا على الطريق وانا واقف دلوقتى

الموضوع قتل بحثا (No Active Action taking) وانا دمى اتحرق خلاص

سؤال بخصوص المارش و اتوماتيك المارش (جين 2 )

الكلمات الدلالية لهذا الموضوع

المفضلات

المفضلات

ضوابط المشاركة