انا ركبت مثبت سرعة للبيجو 301 speed limiter ,cruise control

**Ahmed Amin** · 11-10-2013 11:59 PM

المشاركة الأصلية كتبت بواسطة Haitham G

الدراع ده بيكون فيه وظيفتين

الأولى تثبيت السرعة يعنى تختار سرعة 100 مثلا و العربية حتمشى على السرعة دى وحضرتك رافع رجلك من على دواسة البنزين طبعا وتقدر تزود السرعة وتنقصها من زرارين من الدراع فى الخلف ولو عايز تفصل العمل بتاع التثبيت فر زرار فى جنب الذراع تدوس عليه او تدوس فرامل والعربية مش حتثبت سرعة الا من اول سرعة 40 قبل كده مينفعش وطبعا هو بيستخدم فى حالات السفر .

الثانى محدد السرعة وده بتختار فيه سرعة مثلا 100 ولو حاولت تزود سرعة بدواسة البنزين مش حتزود عن السرعة اللى حضرتك محددها وممكن تزود وتنقص بنفس الطريقة اللى فوق .

ودي معلومة أنا نسيت أذكرها إن فعلاً المثبت مش بيشتغل علي السرعات أقل من 40 كيلو متر,
لأنه معمول للطريق السريع ومفيش طريق سريع بيتمشي عليه بأقل من 40 كيلو متر في الساعة !

الله ينور يا هيثم باشا,

**Akram.Gamal** · 12-10-2013 02:07 AM

LeitoSR

تماااام 100%

يعنى المقصود منهم ان ال CC ميقلش السرعه عن كذا اما ال SL متزيدش السرعه عن كذا
صح كده ؟؟

**Ahmed Amin** · 12-10-2013 02:19 AM

المشاركة الأصلية كتبت بواسطة Akram.Gamal

LeitoSR

تماااام 100%

يعنى المقصود منهم ان ال CC ميقلش السرعه عن كذا اما ال SL متزيدش السرعه عن كذا
صح كده ؟؟

بالظبط CC السرعة بتتثبت علي السرعة اللي بتختارها ومش بتقل ولا تزيد,,
ممكن تدوس بنزين وتزود السرعة, ولما تشيل رجلك هترجع تاني لنفس السرعة اللي كنت مثبت عليها, طالما ملمستش الفرامل ولا ضغطت علي زرار مثبت السرعة اللي بيفصلة,

وال SL بيحط حد معين للسرعة Limit ولنفترض 90 كيلومتر في الساعة مثلاً,
مجرد أنك تشغله عليه, بتسوق العربية عادي تزود وتقلل سرعة تحت ال 90 وممكن تجري وتحرق الغيارات عادي, بس أول ما العربية توصل لسرعة 90 مش هتزيد كيلو واحد بعديه حتي لو دايس علي أخر الدواسة,,

**eleanor** · 12-10-2013 07:15 PM

cc اختصار لكلمه cruise control والمقصو بيه مثبت السرعه
اما sL المقصود بيه speed limiter وده محدد السرعه
وفى حاله مثبت السرعه بتقدر تزود بدواسه البنزين او بالزرار وطبعا رجلك متشاله من على دواسع البنزين
اما محدد السرعه بتبقى دايس بنزين بس مش بتقدر تعدى السرعه اللى انت محددها ومش بتقدر تكسر السرعه دى الا عن طريق انك تفصل محدد السرعه او تزود من الزرار بتاعه
وفعلا هو مفيد جدا فى السفر