عيوب ومميزات من تجربة بيجو 301 في السفر من القاهرة للغردقة

**medori** · 12-10-2013 01:08 PM

دى صورة من الtorque curve للميجان من على dyno

الtorque هو الblue curve اللى فوق خالص، زى ما انت شايف الtoque بيفضل يزيد لحد لما يوصل 3500 و دى بتكون الmax torque و بعدين بيقل تانى، بس برضة النقصان بيبقى قليل حاجات بسيطة و محدش يحس بية غير لما تكون مركز اوى مع الAcceleration و بتدور على حاجة معينة انت عارف انك هتلاقيها

**piroo** · 12-10-2013 02:43 PM

المشاركة الأصلية كتبت بواسطة medori

انا السحب بيقل معايا برضة نسبيا بعد ال140 بس دة الطبيعى بتاع العربية، الacceleration بيبقى لية curve بيمشى علية عشان كدة بيقولك العزم الاقصى 150 nm عند rpm : 4000 ودة معناة ان العربية اقصى عزم ليها على اى غيار هو عند rpm 4000 و بعد كدة العزم بيقل عن الmax اللى هو ال150 nm عشان كدة بعد ال140 اللى هى بتبقى على 4000 او 4500 بيبتدى الacceleration يقل عشان انت بتكون خلاص خلصت الpeak بتاعت الcurve و عديتة و دخلت فى الجزء اللى بعد كدة و بيكون النزول فى الcurve جامد شوية بعد الpeak دة فالacceleration بيقل ممكون يكون بصورة محسوسة للى مركز أوى مع الموضوع دة.

أنا هحاول اشوف صورة للacceleration curve عشان تكون اوضح من الكلام.

بالنسبة للكروز كنترول كان الاستاذ صاحب الموضوع عمل موضوع منفصل عنة http://www.nilemotors.net/nile/38308...e-control.html

انا شاكر جدا على اهتمامك بخصوص موضوعى

**Silent~Dream** · 12-10-2013 07:23 PM

مبروك وربنا يديلك خيرها و يكفيك شرها و شكرا لنقل التجربه

**eleanor** · 12-10-2013 07:26 PM

مبروك عليك العربيه وبالنسبه لضعف السحب بعد 140 ده بيبقى موجود فى كل العربيات بس طبعا بيختلف بعد سرعه كام
على حسب قوه الموتور وعزمه فده مش عيب ولا حاجه
وبالنسبه للنتشه الموجوده ده الطبيعى فى كل البيجو بس بتبقى بسيطه مش جامده وتكاد تكون غير محسوسه

**eleanor** · 12-10-2013 07:29 PM

المشاركة الأصلية كتبت بواسطة medori

أولا مبروك العربية و ربنا يباركلك فيها و يكفيها شر العين

انا اللى بستغربة فى كل الريبورتس اللى الناس بتكتبها ان الناس كلها بتشكر فى ثبات العربية!! رغم أنى عندى مشكلة مع النقطة دى بالذات ان العربية خفيفة جدا و اخرها فى الثبات 120-130 اكتر من كدة مراجيح

و انا بعمل صيانة ال2500 فى صلاح سالم كان فى واحد بيشتكى من نفس الموضوع دة برضة عشان كان معاة كروز قبل ال301 و انا كان معايا ميجان فمتعودين على ثبات اكتر من ال301 الصراحة. كمان و انا فى Autoservice بظبط حاجات فى العربية لما اتخبطت، اللى طلع جرب معايا لاحظ فعلا أن العربية خفيفة من غير ما اقولة حاجة، مجرد سألتة اية رأيك فى الثبات قالى اقل من البيجو التانى، يعتبر زى الحاجات الكورى

كنت عايز أسأل حضرتك برضة على حاجة فى اسعار قطع الغيار، المقص بكام؟

ثبات العربيه بيختلف حسب aerodynamics لكل عربيه وارتفاعها من الارض ومواصفات العفشه والطريق اللى بتمشى عليه
بس بالنسبه للبيجو ال 301 ثباتها مرضى جدا لغايه سرعه 140

**amrelsaqqa** · 13-10-2013 02:02 AM

بالنسبة لانطباعاتى انا عن العربية ، انا كنت هعمل تقرير بس كنت هستنى فترة عشان اقدر احكم على كل حاجة في العربية بدقة

بس طالما فيه خلاف دلوقتى انا هقول انطباعاتى لحد دلوقتى

بالنسبة للثبات مقارنة بالعربيات اللى ركبتها
الـ 301 فرق السما والارض طبعا بينها وبين الكورولا
فرق برضه كبير بينها وبين الالنترا
تقريبا قريبة من اللانسر بومة ، او احسن شوية ( مش فاكر بالظبط ايه احساس اللانسر لانى بقالى فترة ما ركبتهاش )

عموما ثباتها اكتر من مرضى في الفئة دى ومش هتلاقى احسن من كدة في العربيات بالسعر ده ، الميجان اثبت ؟ ، اه اصدق الكلام ده طبعا ، بس الميجان لو هجيبها دلوقتى او اجيب اللى زيها هدفع كام ؟؟؟؟؟؟ والبيجو بكام ؟

في الاول وفي الاخر هى برضه اوروبى ، انا العربيات الكوري ببقى قلقان فعلا وانا بسوقها ، انا كنت بجيب بالالنترا شكل 2011 100-110 واقول يارب استر ، بس مش عايز اظلم الالنترا عشان العربية اللى سوقتها كانت بتتأجر واكيد متبهدلة ، بس كل الاوروبى اللى سوقته في حياتى مش كدة (حتى سكودا فليشيا! ، مش اثبت من النترا ، بس ما تخدعكش وتعرفك ايه امكانياتها وتظبط نفسك عليها )

الـ 504 نفسها اللى كانت موديل 75 كنت لما اجيب 120 اه احس ان العربية خفيفة ، بس في نفس الوقت بقدر احكمها والمها وكمان ما تعملش معايا حركة غير متوقعة ، يعنى انا عارف هى بتعمل ايه في الملفات بالظبط ورد فعلها انا بتوقعه صح ، عكس الكوري والكورولا ، تبقى مقلق طول الوقت وممكن العربية تدى رد فعل مش منطقى فجأة لو دخلت على ملف او خدت مطب او فرملت جامد ...

ده بالنسبة للكورى ، الاوروبى طبعا كله مش كدة في حدود علمى بما فيهم الـ 301 ، اه ممكن احس انى طاير بالعربية بعد 130 بس في نفس الوقت ببقى واثق فيها وبقدر اتحكم فيها زي مانا عاوز، معرفش دى حاجة نفسية ولا فعلا حقيقة

**Haitham G** · 13-10-2013 04:14 PM

المشاركة الأصلية كتبت بواسطة medori

انا تانى بأكد انى حاسس بموضوع الثبات دة عشان انا طبيعة سواقتى انى بجرى شوية بالعربية عشان سكتى 80% دائرى، و انا بحب الجرى بطبيعتى، و كان معايا قبل ال301 ميجان اللى هى ثابتة جدا على الارض و متميزة جدا فى نقطة الثبات دى بالذات، فكان نفسى تكون ال301 زيها، انا بقى لما بجرى بال301 على 140 و انت طالع بتحس ان العربية خفيفة شوية و مش ثابتة كدة على الطريق مش عارف اوصف احساسى ازاى بصراحة و يا عينى لو خدت مطب هوا زى اللى عند منزل السخنة مثلا او المطب اللعين اساس كل الحوادث اللى قبل برج سما على السرعة دية او وانا بفرمل مثلا بحس انى راكب عربية ملاهى، بس برضة كل دة على السرعات العالية تحت ال130 اعمل بالعربية كا حاجة من غير ما تشغل بالك

انا متفق معاك فى النقطة بتاعة الثبات لأن اول ما ركبت العربية كان على سفر وانا معايا ال 308 طبعا فى فرق فى الثبات و لأن طبيعة سواقتى جرى برضه فحسيت بالموضوع ده يمكن بحس ان بيجو 405 ماسكه على الارض اكتر ...... يمكن كل ده عشان ارتفاعها عن الارض بس اللى ضايقنى اكتر من الثبات هو الباور بتاعها خفيف ودى حاجة انا بتخنق منها جدا .

-

-

الموضوع: عيوب ومميزات من تجربة بيجو 301 في السفر من القاهرة للغردقة

LinkBack

أدوات الموضوع

عرض

-

-

-

المواضيع المتشابهه

ما هي عيوب ومميزات بيجو 305 و لكم الشكر؟

ما هي عيوب ومميزات الاوكتافيا a4

السفر للغردقة بالجيتز ...

عيوب ومميزات 307

عيوب ومميزات بيجو 207

الكلمات الدلالية لهذا الموضوع

المفضلات

المفضلات

ضوابط المشاركة