Nissan Tiida HB versus Peugeot 301?

**Naa22** · 27-11-2013 12:58 AM

المشاركة الأصلية كتبت بواسطة mahmoud_afifi

انا عاوز أقول لحضرتك ان احنا نفسنا بنستفيد من المواضيع دي. انا مثلا استفدت معلومات كتير عن التيدا الجديده :) .. هو اه ضغطي ارتفع لما عرفت السعر بس هنعمل ايه

بالنسبه لنقطة ان في عربيات بنفس سعر التيدا وأحسن اسمحيلي هختلف مع حضرتك فيها. لأن مفيش واحده منهم زي التيدا. الوحيده الي تعتبر منافسه في قوة الموتور هي الهوندا سيتي وفاضيه تماما وب150 !! المازدا حلوه جدا وثباتها احسن من اي واحده من العربيات الي حضرتك قولتيها بس موتور ضعيف شوية و توكيل وحش وقطع غيار قليله.
الابيزا حلوه جدا والmaterial محترمه بس الفتيس الجديد DSG نفس الي في الVW وفيه مشاكل. (اجري يا مجدي)
بالتالي انا شايف ان 160 (رغم انها كتير) بس لما الاقي اني باخد حاجه مقابل الفلوس دي مايعتبرش كتير.
لو نزلوا categories منها اقل شوية ويبطلوا غباء ,, العربيه دي هتكتسح السوق. ونفسي بجد ينزلوا النيسان Sentra. حاجه كده شبه الMaxima بس على scale صغير. و prestigious من جوه قووووي

وبعد وصف حضرتك للتيدا انا اشتقت اني اشوفها في اقرب فرصه ان شاء الله

وربنا يكرمك بالأفضل ان شاء الله

Ah wallahy, kolena da3'tena ertafa3

I need to see Seat but i asked about it, knew that the available is 2013 & for 2014 it is not yet issued,, 3ayza ashofha men gowaa bas heya shaklaha men barra daya2, el DSG dah ana mesh fahma awy el moshkela bas some people say its issues are somehow solved!

w Yes tab3an, they should be smart & yenazelo its price !
mesh 3arfa leh 3andy amal yenazelooha yemken 3shan 3agbany

w akeed law kol el nas mesta3'leyaha, el mafrood yenazelooha!

Check this link for Yaris bas dunno about horsepower & CC! would it be weak? is it worth value of money?!

http://www.nilemotors.net/Nile/391682-2014.html

**mahmoud_afifi** · 27-11-2013 02:23 AM

المشاركة الأصلية كتبت بواسطة Naa22

Ah wallahy, kolena da3'tena ertafa3

I need to see Seat but i asked about it, knew that the available is 2013 & for 2014 it is not yet issued,, 3ayza ashofha men gowaa bas heya shaklaha men barra daya2, el DSG dah ana mesh fahma awy el moshkela bas some people say its issues are somehow solved!

w Yes tab3an, they should be smart & yenazelo its price !
mesh 3arfa leh 3andy amal yenazelooha yemken 3shan 3agbany

w akeed law kol el nas mesta3'leyaha, el mafrood yenazelooha!

Check this link for Yaris bas dunno about horsepower & CC! would it be weak? is it worth value of money?!

http://www.nilemotors.net/Nile/391682-2014.html

انا قعدت في الإيبيزا في معرض اباظه. تقفيل جميل جدا وخامات ممتازه بس عيبها انها ضيقه شوية وانا مش طويل قوي يعني. وكمان الشنطه بتاعتها صغيره شوية. انما الصاج بتاعها قوي ومش محتاج اقول يعني ايه SEAT. بالنسبه للDSG انا مقلق منه بصراحه ومش عاوز حضرتك تجيبي عربيه وبعد شوية يظهر فيه مشاكل لا قدر الله.

بالنسبه للتيدا انا اتوقع ان شاء الله ينزلوا فئات تانيه. لأن نفس السياسه عملوها في الصني ونزلوا اول فئه وبعدين بعد ما ناس كتير اشترت قاموا نزلوا السوبر صالون والي اشتروا في الاول خدوا مقلب جامد.
انا شايف انها سياسه عشان يبيعوا الفئه اللي متوقع انها ماتتباعش في حالة وجود فئه تانيه. او ممكن ده أمل لأني عاوز حضرتك تجيبيها لأنها اكتر واحده محترمه بمراحل عن باقي العربيات بما فيهم الياريس

نيجي بقى للياريس اللي هقدر افيدك فيها جدا في حكاية الموتور لأنها كانت مع اخويا وانا سوقتها كتير جداااا

الموتور بتاعها مناسب جدا للسواقه داخل المدينه. انما في السفر قليل شوية عليها بس العربيه بتسافر مابتقولش لأ. بالنسبه لسواقة البنات اعتقد هيكون كافي لأن مالهمش في الجري.
انما لو شاب مانصحهوش خالص بالعربيه دي عشان الجري.
مميزات الياريس (اللي قبل دي طبعا) :
1- تكييف جيد الاداء مش هقول ممتاز لأنه مقارنة بالعربيات ال1600 أقل بس مش وحش.
2- الفرامل كانت ممتازه
3- ممتازه في الload ومش بتوطى
4- موفرة في البنزين اكيد
5- توكيل كويس فعلا
6- سحبها من ال0 ل100 كويس جدا على عربيه 1300

العيوب :
1- ثبات وحش
2- قطع غيار غاليه
3- سعر اعادة البيع مش زي الكورولا للأسف من التجربه بتاعت اخويا

بالنسبه للياريس 2014. لسه ماشوفتهاش على الحقيقه بس مش هدفع 160 الف في عربيه 1300.

كنت هقولك نرجع للبيجو تاني بس لسه شايف موضوع واحد عامل حادثه بال301 انا شايف انها مش كبيره والمقايسه كانت 46 الف جنيه !!!

انا بقيت محتار اكتر منك على فكره