الموضوع: Nissan Tiida HB versus Peugeot 301?

المشاركة الأصلية كتبت بواسطة amrelsaqqa

بالنسبة للبيجو والنقط اللى اثيرت في الموضوع

العزل جيدا جدا وبحس بفرق جامد لما بقفل ازاز العربية ، فعلا ما بسمعش حاجة من برة ولو مشغل الكاسيت والتكييف مش هتسمع حاجة من برة نهاااائى ، موضوع الكلاكس برضه مش قاعدة اوى لان الكلاكس لازم يسمع في العربية كلها ، وبيتهيألى العزل اللى لدرجة ان الكلاكس نفسه ما يتسمعش جوة ، ده ممكن نلاقيه في الـ 508 والفئات العالية اوى والعربيات الفخمة اللى بجد مش عربية نازلة من اول 108 الف ، وبيعتمد برضه على مكان الكلاكس في حوض العربية واتجاهه ، في رأيي الواحد يقعد في العربية ويفتح الازاز وبعدين يقفله ويشوف الفرق ، وطبعا التجربة العملية بعد الاستلام هى اللى بتحكم الحكم الدقيق

موضوع صوت الهوا على السرعات بسيط جدا وموجود في بعض العربيات اللى في الفئة الاعلى ومش بالدرجة اللى انتوا متخيلينها واقل من اننا نهتم بيه اصلا ، الابواب تقيلة ومحملة جدا و الكاوتش بتاعها دبل في الباب نفسه وفي العربية وكل طبقة فيهم سميكة جدا

لو افترضنا ان العيوب دى موجودة ، فمميزات العربية كتيرة جدا ومالهاش حصر
يعنى العربية لا هى واطية ولا هى ضيقة ولا سحبها مكتوم ولا عفشتها ناشفة ولا فراملها ضعيفة ولا ثباتها على قده .. بصراحة عربيات قليلة اوى اللى مفيهاش ولا عيب من اللى فوق دول ، تلاقى العربية فيها كل حاجة بس واطية ، او ضيقة ، او خفيفة ، البيجو ما شاء الله بجد الاساسيات كلها حلوة اوى اوى


بالنسبة للساوند سستم انا عندى في المانيوال سماعتين فقط قدام ، الانطباع الاول خالص عنه ماعجبنيش في الاول لانهم سماعتين بس وكمان انا كنت واخد على سماعات الابواب ، فحسيت في الاول كأن الصوت جاى من الشمال بس فوق الطارة ، كأن الصوت مش استريو !
واكيد الدنيا في الهايلاين احسن بكتير ، وعامة دى حاجة سهل جدا تتجرب ، حضرتك هتروحى صالة العرض وتقعدى في العربية وهتجربى الساوند سستم بتاعها عادى جدا

[QUOTE=mahmoud_afifi;3875230654]تحت امر حضرتك

بخصوص عزل البيجو, انا ماجربتهاش بصراحه ومش عاوز أفتي :) بس حضرتك في المعرض ممكن تكتشفي الحكايه دي. ادخلي جوه واقفلي الباب وجربي كلاكس العربيه هل هيكون الصوت كأنه لداخل الcabin ولا لأ. اما بخصوص العزل للهواء مش هينفع غير ان حضرتك تسألي ملاك العربيه يفيدوا حضرتك اكتر مني

2- بالنسبه sound system speakers للعربيتين زي بعض. والسماعات عموما يا إما في الباب او التابلوه. وانا لسه داخل على بيجو واتأكدت انهم نفس المكان للأسف. جودة الصوت حضرتك ممكن تجربيها برضه في المعرض وده حقك قبل ما تشتري.



I went to see Peugeot 301 Finalllyyyyyy :)))) & Here is my "Visual" feedback Only, I noticed the below points:
Disadvantages
1- Soot el kalaks fe3lan 3aly wana gowa el car ( mesh maktom awy as some cars)
2- Mafeesh nooor lel saloon el wara
3- El tabloo small mesh kebeer w dah giving space lel ganb el saye2
4- Control el ezaaaz mesh fel baaab ( mawgood odam el fetes w mawgood wara el masnad lel wara)
This is in the Automatic base line, does anyone have idea if the highline differs in any of the above 3 points?
Advantages:
1- Car is wide for people in front or in back
2- Shanta wide
3- Derekseyoon & Tabloo looks good