ليه الاحساس دا في العريببات دي بالذات

**hilal** · 13-10-2013 06:24 PM

اذكروا الله وصلوا ع النبي عليه الصلاة والسلام
وبعدين ليه العصبية يا صاحب الموضوع
الناس بتتكلم بمنتهى حسن النية وعيب انك تقول عليهم فتايين
اتق الله وراجع نفسك

**saddam** · 13-10-2013 06:37 PM

صديقي المواطن
ﻷن وجه المقارنة ظالم إنت عمرك سمعت حد يقارن باترول نيسان أو لاندكروزر بكوري مع شديد إعتزازي بالكوري أنا عن نفسي بحترم عربيات كتير من الكوري وحتى الكورسيدا القديم
بص دي بتختلف من واحد لواحد أنا مثلا لما بنزل أقاليم وبخاف آخد عربيتي فبركب ميكروباص وباخد كرسيين قدام وإن كان يوم إسود وقعدت ورا بعد منتصف الميكروياص.بيصيبني دوار وصداع شديد اللهجة فجايز حضرتك كده ثم الكوري معظم عفشته ناشفة فتحسسك بأخف حاجة في الشارع ونظرا ﻷهتمام الكوريين بالشكل ممكن التصميم يفرض عليهم عدم الراحة في مجالات الرؤية وممكن ده يسببلك الدوخة ثم هناك مقارنات لا تصلح
يعني قولا واحدا أيهم أحسن كعربية ومريحة أكثر وهيبة أكثر وأمان أكثر هل الكورسيدا موديل 1992 بس العداد صفر وبين إلانترا 2010 أو سيراتو 2010 قولا واحدا الكورسيدا أفضل بعيدا عن المجاملات وكلنا متعصبين لعربياتنا
ملحوظة أنا معنديش كورسيدا
هل تعلم أن التكنولوجيا الموجودة في لكسز.إل.إس 400 موديل 1993 هي حتى اليوم تعتبر أعلى من التكتولوجيا الموجودة في سيراتو وإلانترا وريو 2013 فكل عربية تقارن بمثيلاتها السعرية
وبالتوفيق ودمتم للنضال

**AhMeD MeTwAlY** · 13-10-2013 07:29 PM

المشاركة الأصلية كتبت بواسطة hilal

اذكروا الله وصلوا ع النبي عليه الصلاة والسلام
وبعدين ليه العصبية يا صاحب الموضوع
الناس بتتكلم بمنتهى حسن النية وعيب انك تقول عليهم فتايين
اتق الله وراجع نفسك

عليه افضل الصﻻة والسﻻم
اوﻻ مبيخنقنيش قد الكﻻم بدون مغرفه مش عارف استني لحد يكون عارف
ثانيا طلعت مريض نفسي مع اني الحمد لله مبعنيش من اي اعراض نفسيه
ثالثا خلوني حقود علي السيارات الكوري مع اني كان عندي عربيه اقل من الكوري وكان عندي الاعلي من الكوري وحاليا معنديش عربيه شخصيه كلها عربيات الشركه عشان اتكبري ولي حاجه

المشاركة الأصلية كتبت بواسطة saddam

صديقي المواطن
ﻷن وجه المقارنة ظالم إنت عمرك سمعت حد يقارن باترول نيسان أو لاندكروزر بكوري مع شديد إعتزازي بالكوري أنا عن نفسي بحترم عربيات كتير من الكوري وحتى الكورسيدا القديم
بص دي بتختلف من واحد لواحد أنا مثلا لما بنزل أقاليم وبخاف آخد عربيتي فبركب ميكروباص وباخد كرسيين قدام وإن كان يوم إسود وقعدت ورا بعد منتصف الميكروياص.بيصيبني دوار وصداع شديد اللهجة فجايز حضرتك كده ثم الكوري معظم عفشته ناشفة فتحسسك بأخف حاجة في الشارع ونظرا ﻷهتمام الكوريين بالشكل ممكن التصميم يفرض عليهم عدم الراحة في مجالات الرؤية وممكن ده يسببلك الدوخة ثم هناك مقارنات لا تصلح
يعني قولا واحدا أيهم أحسن كعربية ومريحة أكثر وهيبة أكثر وأمان أكثر هل الكورسيدا موديل 1992 بس العداد صفر وبين إلانترا 2010 أو سيراتو 2010 قولا واحدا الكورسيدا أفضل بعيدا عن المجاملات وكلنا متعصبين لعربياتنا
ملحوظة أنا معنديش كورسيدا
هل تعلم أن التكنولوجيا الموجودة في لكسز.إل.إس 400 موديل 1993 هي حتى اليوم تعتبر أعلى من التكتولوجيا الموجودة في سيراتو وإلانترا وريو 2013 فكل عربية تقارن بمثيلاتها السعرية
وبالتوفيق ودمتم للنضال

صديقي المواطن نهارك سعيد اوﻻ
انا علي قناعه تامه ان الكوري يوم لما بينزل اوبشن وبيعملو حفله عليه بيكون نازل في الالماني والامريكي والياباني بعشرين سنه حاجه زي مانع الانزﻻق والايرباجات كانت بتنزل في الفليشيا والفيفوريت مواليد 94 95 لما نزلت في الكوري قلبو الدنيا بس عادي بنعديها خلي الناس تفرح
وانا مقرنتش انا والله نيتي اوضح المشكله مش اكتر
ﻻن الي هيقارن بين الاتنين يبق يبظلم حجات كتير زي واحد يقولك انا عربيتي بتتطلع فيراري طيب الفراري هتقف انت مين هيوقفك
خالص تحياتي

**S O P H O S** · 13-10-2013 08:21 PM

يا جماعة الموضوع بسيط
ووجهات نظر ليس اكثر

**hilal** · 13-10-2013 08:38 PM

هم قالوا حالة نفسية ، ولم يقولوا ان سيادتك مريض نفسيا ، أنا فهمت كده
بس سيادتك حساس شوية
عموما هو مجرد سوء تفاهم
وكل عام وأنتم بخير

**janagabr** · 13-10-2013 09:42 PM

كل سنه وانتوا طيبين وعيد اضحي مبارك وان شاء الله السنه اللي جاية نكون كلنا علي عرفات

**Abdelmoneem** · 13-10-2013 11:27 PM

المشاركة الأصلية كتبت بواسطة ahmed metwaly

بالنسبه لحضرتك والاساتذه الي مسمينه مرض نفسي
احب اقولك ان خامات تصنيع اجزاء السيارات الداخليه زي الطبلون والدركسيون في السيارات الكوري وبعض فئات الياباني والصيني بتتكون من مواد لما بتتفاعل مع حرارة الشمس بتسبب غازات ممكن تجيب السرطان والعقم وامراض تانيه كتير ولو حابب تعرف ادخل جوجل ودور

لما انتا من الأول عندك الخلفية دي وعندك سبب محتمل للمشكلة، مقولتش ليه كل اللي عندك من الأول وتعلي مستوى المناقشة بدل اللي حصل ده؟

**AhMeD MeTwAlY** · 13-10-2013 11:46 PM

المشاركة الأصلية كتبت بواسطة abdelmoneem

لما انتا من الأول عندك الخلفية دي وعندك سبب محتمل للمشكلة، مقولتش ليه كل اللي عندك من الأول وتعلي مستوى المناقشة بدل اللي حصل ده؟

مناقشه مين الله يرضى عليك دا لسه في ناس مفكره ان الكوري بينافس الالماني في موضوع عن سقوط سياره مرسيدس اس من ارتفاع 120 متر تفضلل بقراءة التعليقات
وشوف دي مناقشه ولي ايه بظبط

**Abdelmoneem** · 14-10-2013 12:18 AM

المشاركة الأصلية كتبت بواسطة ahmed metwaly

مناقشه مين الله يرضى عليك دا لسه في ناس مفكره ان الكوري بينافس الالماني في موضوع عن سقوط سياره مرسيدس اس من ارتفاع 120 متر تفضلل بقراءة التعليقات
وشوف دي مناقشه ولي ايه بظبط

الله يرضى عنا وعنك ويهدينا جميعًا، مش فاهم إيه علاقة تنافس الألماني بالكوري وسقوط المرسيدس بالسؤال اللي طرحته.

**benmatar** · 14-10-2013 12:57 AM

الموضوع ابسط من كده كتير وبفرض حسن نية طارح الموضوع والردود فإن ممكن يكون حصل سوء تفاهم مش أكتر. علما بأن كلا الفريقين على حق.... إزاااي؟؟؟

ممكن حد يركب عربية رياضية لا يعلي عليها وعشان منخفضة على سطح الأرض بيحس بقلق شديد رغم إنها ماشية بسرعة لا تزيد عن 100كم/س ودي حصلت لصديق ركب مع مديره فورد موستانج ومكانش كمان سايقها وحس بتوتر شديد وقاللي يوميها إنه كان حاسس إنه هيحك في الأرض هاهاهاها، وده مش مريض نفسيا ولا عنده مشاكل ومعاه عربية ملاكي عادية وبيسافر بيها وكل حاجة.. ممكن طبيعة الجلسة او قرب مسافته من الأرض او غيره خلاه يحس بكدة.
وأغلبنا بيكون قلق او متوتر وهو راكب مع واحدة ست سايقة العربية..... صح؟؟؟؟
أو بيكون مشدود وهو راكب مع سواق شكله مش محتاج شرح، هاهاها...... صح؟؟؟؟
رغم إننا بنسوق ليل نهار.... صح؟؟؟؟؟
وده ممكن يكون شيء عابر أو مرتبط بحدث ما أو فكرة معينة أو معلومة راسخة سواء صح أو خطأ

مرة ركب معايا واحد فرنساوي في سفرية شغل (صحراوي اسكندرية) وكان متوتر ومشدود بسبب إني مش رابط حزام الأمان رغم إن الطريق كويس وإنه رابط الحزام ومكنتش مزود عن 100-120 وبالبيجو 406 (وغاسلها غسلة حلوة وجايبله علبة راني يعني مفيش أحلى من كده) ومستحملش يسكت وبعد ربع ساعة على الطريق طلب إني اربط الحزام ولما ربطته بقى كووووول تماما. وكنت ملاحظ ومستغرب من توتره في بداية الأمر ومش عارف السبب!
أما ارتباط الموضوع بكوري أو غيره فدا يرجع لحاجات كتير بس ممكن صادف الشعور بالإحساس ده أكثر من مرة أثناء ركوب الكوري أو ما شابه.
طبعا طولت عليكم بس ما أردت إلا إصلاحا وتوضيح متواضع على قدي
وكل عام وانتم بخير