ليه الاحساس دا في العريببات دي بالذات

**AhMeD MeTwAlY** · 13-10-2013 11:46 PM

المشاركة الأصلية كتبت بواسطة abdelmoneem

لما انتا من الأول عندك الخلفية دي وعندك سبب محتمل للمشكلة، مقولتش ليه كل اللي عندك من الأول وتعلي مستوى المناقشة بدل اللي حصل ده؟

مناقشه مين الله يرضى عليك دا لسه في ناس مفكره ان الكوري بينافس الالماني في موضوع عن سقوط سياره مرسيدس اس من ارتفاع 120 متر تفضلل بقراءة التعليقات
وشوف دي مناقشه ولي ايه بظبط

**Abdelmoneem** · 14-10-2013 12:18 AM

المشاركة الأصلية كتبت بواسطة ahmed metwaly

مناقشه مين الله يرضى عليك دا لسه في ناس مفكره ان الكوري بينافس الالماني في موضوع عن سقوط سياره مرسيدس اس من ارتفاع 120 متر تفضلل بقراءة التعليقات
وشوف دي مناقشه ولي ايه بظبط

الله يرضى عنا وعنك ويهدينا جميعًا، مش فاهم إيه علاقة تنافس الألماني بالكوري وسقوط المرسيدس بالسؤال اللي طرحته.

**AhMeD MeTwAlY** · 14-10-2013 09:47 AM

المشاركة الأصلية كتبت بواسطة abdelmoneem

الله يرضى عنا وعنك ويهدينا جميعًا، مش فاهم إيه علاقة تنافس الألماني بالكوري وسقوط المرسيدس بالسؤال اللي طرحته.

شوف المقارنه العجيبه بين المرسيدس والعربيات الي هي اساسا ستي كار كﻻم بيدل علي ان مفيش اساسا اسلوب نقاش كله بيجادل وخﻻص

المشاركة الأصلية كتبت بواسطة benmatar

الموضوع ابسط من كده كتير وبفرض حسن نية طارح الموضوع والردود فإن ممكن يكون حصل سوء تفاهم مش أكتر. علما بأن كلا الفريقين على حق.... إزاااي؟؟؟

ممكن حد يركب عربية رياضية لا يعلي عليها وعشان منخفضة على سطح الأرض بيحس بقلق شديد رغم إنها ماشية بسرعة لا تزيد عن 100كم/س ودي حصلت لصديق ركب مع مديره فورد موستانج ومكانش كمان سايقها وحس بتوتر شديد وقاللي يوميها إنه كان حاسس إنه هيحك في الأرض هاهاهاها، وده مش مريض نفسيا ولا عنده مشاكل ومعاه عربية ملاكي عادية وبيسافر بيها وكل حاجة.. ممكن طبيعة الجلسة او قرب مسافته من الأرض او غيره خلاه يحس بكدة.
وأغلبنا بيكون قلق او متوتر وهو راكب مع واحدة ست سايقة العربية..... صح؟؟؟؟
أو بيكون مشدود وهو راكب مع سواق شكله مش محتاج شرح، هاهاها...... صح؟؟؟؟
رغم إننا بنسوق ليل نهار.... صح؟؟؟؟؟
وده ممكن يكون شيء عابر أو مرتبط بحدث ما أو فكرة معينة أو معلومة راسخة سواء صح أو خطأ

مرة ركب معايا واحد فرنساوي في سفرية شغل (صحراوي اسكندرية) وكان متوتر ومشدود بسبب إني مش رابط حزام الأمان رغم إن الطريق كويس وإنه رابط الحزام ومكنتش مزود عن 100-120 وبالبيجو 406 (وغاسلها غسلة حلوة وجايبله علبة راني يعني مفيش أحلى من كده) ومستحملش يسكت وبعد ربع ساعة على الطريق طلب إني اربط الحزام ولما ربطته بقى كووووول تماما. وكنت ملاحظ ومستغرب من توتره في بداية الأمر ومش عارف السبب!
أما ارتباط الموضوع بكوري أو غيره فدا يرجع لحاجات كتير بس ممكن صادف الشعور بالإحساس ده أكثر من مرة أثناء ركوب الكوري أو ما شابه.
طبعا طولت عليكم بس ما أردت إلا إصلاحا وتوضيح متواضع على قدي
وكل عام وانتم بخير

وانت بالصحه والسﻻمه يا غالي ♡ وبشكرك لعرض التجربه

المشاركة الأصلية كتبت بواسطة ramymechanics

يا ريت رد حضرتك يبقى بطريقة أظرف من كدة ومش أنت الى تقولى أسكت امتى وأتكلم أمتى لا يحق ليك وصفنا بالفتايين ﻷننا موصلناش لمعلومات سيادتك الجوهرية ومفهمناش أبعاد لكلامك الغامض دة ... وﻷنك متعرفناش ولا تعرف مستوانا الفكرى والثقافى والعلمى فكان واجب عليك التحلى بالصبر وأدب الحوار ... العبد لله ولله الحمد والمنة الخامس على هندسة عين شمس جيد جدا مع مرتبة الشرف وكنت معيد فى قسم قوى ميكانيكية فأنا أفتى براحتى ومادام طرحت موع فى منتدى متنتظرش الناس الى على مزاجك بس هم الى يردوا ... آة نسيت أقولك عيد سعيد

انا راجل كﻻمي غامض يا تطلب التوضيح عن المشكله زي ما بنعمل مع باقي الاعضاء لما بيكون عنده مشكله ومش فاهمين
انت تفتي بحرتك في السكشن بتاعك مفيش مشاكل الطلبه مجبره تسمع انما هنا معتقدش اني مجبر اسمع
وانت بالصحه والسﻻمه