بيجو 405

**Haitham G** · 15-10-2013 03:37 AM

المشاركة الأصلية كتبت بواسطة hugan

تمام بس العربيه لو نضيفه فعلا مش هاتفرق لو غاليه شويه
العربيه النضيفه بجد لقطه
ما يتفرطش فيها

بس الراجل ممكن يتكلم فى السعر برضه انا شايفه عالى بس الفيصل انه يطلع على التوكيل ويشوف حيقولوا ايه وهما ممكن يقولو له العربيه تستاهل ولا لأ

**toomy_29** · 15-10-2013 12:32 PM

المشاركة الأصلية كتبت بواسطة haitham g

هو حضرتك حكمت ان العربية سعرها حلو بناء على ايه ده حت الراجل مقلش العربية ماشية كام كيلو
بالنسبة لصاحب الموضوع العربية تفحصها فى التوكيل فحص بيع وشراء و شوف العربية حالتها ايه بس السعر اللى حضرتك بتتكلم عليه سعر عربية فابريكة مش ماشية كتير رينج السعر عالى بس انا مش ححكم عيها من غير معلومات اكتر والكلام اللى التوكيل حيقوله وبالتوفيق

اولا دى موديل 2002 فموديل عالى و مش محتاجه توكيل اى حد ركب بيجو و فاهم حيعرف يتفرج على العربيه و يقلبها كويس و يعرف اذا كنت نضيفة ولا كنبه و بعجين دى شركه خوارج حيكون فيها ايه يعنى كبيرة حيتفرج على الماكنه و الات الجر و يجرب العفشه فصدقنى مش محتجه المهرجان دا كله لان السليم بيبان

**the-hero** · 15-10-2013 08:16 PM

الخلاصة
أول حاجة حاجة حالة الصالون لو متاهن اعرف ان العربية مش متحافظ عليها ومنداسة وبكدا اغلب الظن باقيتها مش سليم
الطابلوة والزراير والعدادات يكون بحالة جيدة جدا
حله الفرش الكراسي الاصلية موجودة وعصا الفتيس والكنصول الاصلي وفرش الابواب
السقف سليم وخصوصا لمابت الصالون
كل ده بيدل على الحالة النهائية لفبريكة وأستعمال ال 405
بالنسبة للدواخل والخوارج لازم تجيب سمكري شاطر يبص عليها وخصوصا من تحت
اذا طلعت تمام
هتبتدى تبص على الماتور
اهم شي الضفيرة والسلوك ميكونوش فيها لحامات وفيش مكسرة ووصلات غريبة خارجية
الافزان والخراطيم تكون الاصلية مش اللى موجودة فى السوق
الشكمان بعلبة البيئة ولا لأ
الماتور فى اى تسريب للزيت وشكل العادم وصوتة خصوصا التكاهات وحاله لباد الكبوت
اذا كل ده سليم
بعد كدا المساعدين الامامى ناشفين عند الضغط عليهم بنفسك وكمان حالة الاسكترا الباور والتكييف يكون بيبرد كويس جدا واللى يقولك تكييف الفرنساوي كلةوحش وخصوصا 405 مبيفهمش حاجة
اخيرا تجريب القيادة والفرامل وصوت الفتيس ونعومة العفشة مع ملاحضة اى اصوات عن المشي فى تكسير ومطبات
لو كل ده تمام بنسبة كبيرة تستحق ال 50 الف واكتر كمان