الموضوع: العربية عامت منك قبل كده ؟ وعملت ايه ؟

المشاركة الأصلية كتبت بواسطة dr.hazem

اهو انا عندي الabs& ebd وولايمكن اعمل اللي انت عملته وانا معايا حد في العربية!!
في المواقف دي بهدي وبسقط نقله ولا اتنين وحتى لو فوتت الدخله ب10 متر وبرجع بضهري واخش مرتاح...
اه ممكن يكون الرجوع بالضهر خطر لكن دخول الملفات بسرعه عالية جدا اخطر بكتير....
تحياتي

sent from my xperia arc s using forum runner

المشكلة يا باشا ان صاحبى لما قالى انزل يمين , كانت المسافة اللى فاضلة ما تكفيش انى اهدى ,
فادخلت الطريق الجانبى بسرعتى ,,

انا مستغرب من نفسى انى سمعت كلامه على طول رغم انى بحاول دايما اتبع النصايح اللى ف البوست ال21
و طبعا الافضل كان انى اهدى السرعة و ارجع بضهرى - خصوصا ان الطريق كان فاضى -
و لانى كمان مش عارف ظروف الطريق الجانبى اللى هدخله ,, يعنى انا اتفاجأت لما لقيت اول
الطريق الجانبى مليان رمل و حصى
كمان الدنيا كانت ليل و كان وارد جدا انى الاقى ف وشى حد بموتوسيكل او عجلة او عربية من الجماعة اللى مش بشغلوا النور ف الليل و ساعتها كان هيبقى صعب انى افاديه خصوصا انى داخل بسرعة و الطريق اللى انا داخلة كان ضيق

المشاركة الأصلية كتبت بواسطة 2code

ههههههههههههههههه

ياعم حمدلله على سلامتك انت بس ومش مهم الحديد بس ملحوقه والحمد لله

انا اخويا شغال في اسيوط وبروح ازوره كنت ماشي على الزراعي انت بتقول ؟؟؟ فين بالظبط ؟؟؟
الطريق ده زباله ومطباته ما يعلم بيها الا ربنا بس قولي انت فين كنت وايه الدخله دي ؟؟؟؟

الله يسلمك يا باشا ,, و الحمد لله ان الموقف اتلم بسرعة جدا

الكلام دا كان ع طريق الواسطة ,, الطريق مليان دخلات جانبية يمين و شمال
كلهم شبة بعض و كلهم ضيقين و المفروض اننا كنا ننزل ف دخلة من الدخلات دى

و لما تيجى اسيوط ان شاء الله لازم تشرفنا نعمل معاك الواجب