هل يوجد حل لعدم سرقة علامة الأسد(رمز بيجو)

**goldfinger2** · 26-01-2014 10:33 PM

حسبى الله ونعم الوكيل
انا بردوا عملت كدة فى الاريال ،اشتريت اريال ب 15 جنيه بس شبه الاصلى تمام مفيش فرق وركبته مكانه

**goldfinger2** · 26-01-2014 10:39 PM

انا عندى حل جامد جدا
فى جهاز اسمه dvr دا عبارة عن كاميرا صغيرة جدا بتتحط تحت المرايا فى نص العربية وبتصور كل حاجة وانت مش موجود
ده معناه لو حد سرق العلامة ،،،،انت كدة عرفت هو شكل امه ايه ولو شوفته هاتتطلع 3 تييييييييت
حاجة تانية لو حد خبط العربية ممكن نمرة العربية تبان فى الفيديو
ولو حد حب يسرق العربية عموما هتعرف بيروا مين اللى حاول يعمل كدة
ولو لقدر الله حصل حادثة على الطريق ممكن تعرف سببها ايه ، او لو اتثبتت بالعربية
ايه رايكوا بقى فى الفكرة دى

**heeshooheeshoo** · 27-01-2014 12:43 AM

المشاركة الأصلية كتبت بواسطة goldfinger2

انا عندى حل جامد جدا
فى جهاز اسمه dvr دا عبارة عن كاميرا صغيرة جدا بتتحط تحت المرايا فى نص العربية وبتصور كل حاجة وانت مش موجود
ده معناه لو حد سرق العلامة ،،،،انت كدة عرفت هو شكل امه ايه ولو شوفته هاتتطلع 3 تييييييييت
حاجة تانية لو حد خبط العربية ممكن نمرة العربية تبان فى الفيديو
ولو حد حب يسرق العربية عموما هتعرف بيروا مين اللى حاول يعمل كدة
ولو لقدر الله حصل حادثة على الطريق ممكن تعرف سببها ايه ، او لو اتثبتت بالعربية
ايه رايكوا بقى فى الفكرة دى

لو دخلت على اليوتيوب ستجد معظم فيديوهات حوادث ونوادر الطريق مسجلة بهذا النوع من الكاميرات وبتبقى مثبتة خلف مرآة السيارة وبتسجل كل إللى بيحصل فى الطريق أمامك .. فكرة فعلا

بس ياترى موجودة هنا ؟

**amr011111** · 27-01-2014 12:56 AM

المشاركة الأصلية كتبت بواسطة heeshooheeshoo

لو دخلت على اليوتيوب ستجد معظم فيديوهات حوادث ونوادر الطريق مسجلة بهذا النوع من الكاميرات وبتبقى مثبتة خلف مرآة السيارة وبتسجل كل إللى بيحصل فى الطريق أمامك .. فكرة فعلا

بس ياترى موجودة هنا ؟

لو موجوده هنا ياريت المكان والسعر وهل بتتوصل بسلوك ولا فيها بطاريه
والذاكره بتاعتها اد ايه

**goldfinger2** · 27-01-2014 12:53 PM

هى بيبقى فيها بطارية وكارت ميمورى على حسب مانت عايز تزود مساحته ، ومابتوصلش باسلاك غالبا بس بتوصلها فى شاحن العربية بس وقت ماتحتاج تشحنها،، لو حد عارف بتتباع فين يقولنا على سعرها فى مصر ، ولو مش موجودة فى مصر انا ممكن اشتريها للى عايزها من برة مصر ،

**heeshooheeshoo** · 27-01-2014 09:55 PM

موجود منها أنواع على موقع ebay
وموجود منها أنواع وأسعار مختلفة ولكن محتاجة دراسة لإمكان إختيار أفضل الأنواع
Listed in category: LCD HD Car DVR Camera Recorder

ولكن الموضوع محتاج لمراجعة وقراءة لدراسة أفضل الإختيارات لأنى بصراحة لم أقرأ فيه من قبل.
لو أى واحد من الزملاء عنده فكرة ودارس الموضوع ممكن يقرب لنا الموضوع.

وتقبلوا تحياتى ،،،

**محمد اسلام** · 27-01-2014 10:20 PM

المشاركة الأصلية كتبت بواسطة hossam_win

عايزيييييييييييييييين حل و أقتراحااااااااااااااااات لعدم سرقة علامة بيجو

احسن حل انك تشترى جنزير وتربط بيه الاسدين ههههههههه .. يا باشا ابسط حل انك تغطى العربية وتقرأ عليها اية الكرسى علشان تحفظها ...

**ahmedyousryk** · 02-02-2014 10:22 PM

تبقى متثبتة فى جزء ومربوطة مت تحت بمسامير وصمولة .
او يبقى تحتيها مغناطيس جامد جدا ...
او تخش بطريق تتعشق ومتتفك الا بمفتاح مثلا معين رفيع
او يرسموا العلامة وخلاص على الكبوت ..

**OSAMAMERA** · 03-02-2014 12:01 AM

المشاركة الأصلية كتبت بواسطة ali tmam

يا جماعة انتو هزرتوا كتير وحيرتوا الراجل معاكو فى حل عملى جدا فى عندنا فى اسكندرية مكان اسمه سوق الجمعة السوق دة ساعات بتلاقى فيه اشياء قديمة بتتباع هناك وممكن تلاقى مخلفات حرب فحضرتك ممكن تسال على لغم او اتنين ان شاء الله تلاقيهم وتحط واحد تحت العلامة الاماميه وواحد تحت العلامة الخلفيه فلما يجى الحرامى عشان يسرق العلامة فينفجر اللغم فيه وبكدة نكون خلصنا من الحرامى ومنعناه ان يسرق تانى والاهم ان احنا نكون خلصنا كمان من العربيه ومشاكلها ومصارفها وتريح دماغك خالص ولا جراج وسايس ولا بتاع وعلى راى اخونا العزيز صدام دمتم للنضال ومن نصر الى نصر والى الامام بس بفكر حضراتكم ان الشتيمة حرام حتى لو فى سركم

حل عملى جدا hhhhhhhhhhhhhhhhhhhhhhhhhhhhhhhhhh