تغيير طقم دبرياج كامل لعربيتي ..كوردوبا 2002

**ehab_mansour** · 18-10-2013 03:00 PM

المشاركة الأصلية كتبت بواسطة hossamalsadik

نعم واكشف على المبينه كمان

ملهاش اي علاقة بكلامه يا صديقي العزيز

المشاركة الأصلية كتبت بواسطة kar!m

ألف مبروك يا ايهاب بيك .. و شكرا على التقرير.

الله يبارك فيك يا استاذ كريم

المشاركة الأصلية كتبت بواسطة karim ibiza

الف مبروك يا إيهاب
معلش العربية كانت عايزة تاخد العيدية
هما عموما لازم يعملوا نمرة كدة قبل كل عيد او رمضان، ربنا يجعل كلامنا خفيف عليهم

بالنسبة لسعر الطقم أنا بصراحة مستغرب من الفرق في السعر، أصل مش معقول يكون ب 700 وفي القاهرة ب 950!!!! مش معقول يكون التاجر حاطط مكسب اكتر من 250 جنيه!!!!

وبالنسبة لسعر المصنعية بصراحة الراجل يستاهل انك تسافرله حتي لو انت مش من المنصورة لان في القاهرة وإسكندرية مصنعية حل الفتيس لوحدها 120 جنيه

ربنا يباركلك وتعيش و تتدوب

الله يبارك فيك يا كيمو ... و الحمد لله علي كل شيء

بخصوص سعر الطقم فانا زيك و لكن .... اهه ده اللي حصل بالضبط و محتمل يكون سوء فهم ... الله اعلم و لكن الطقمين هنا و هناك نفس النوع و المقاس 200 مللي

بخصوص المصنعية فانا عارف عشان كده مبعملش شغلي غير عنده لأنه امين و محترم و صديق و مبقصدهوش في اي استفسار تليفوني غير و يرد عليا و يقلي اعمل ايه و فين و كل العائلة و اخواتي بتتعامل معاه

و الفكرة كمان مش السعر و لكن التعامل و التفاهم و دي صعب الاقيها عند قاهري لأن الراجل ده تربية ريفي زيي فبنتفاهم بسهوله و هو عارف اني حافظ عربيتي و فاهم شغلي و شغله و ده بيريح كتييييييييييييير عن غيره

**hossamalsadik** · 18-10-2013 07:28 PM

طيب ياريت لو كلمته ياهندسه فى أى وقت تعرفى الجلب ديه بتاعت ايه ( خاصة بتركب لأى نوع عربيه )

**ehab_mansour** · 20-10-2013 11:00 AM

المشاركة الأصلية كتبت بواسطة hossamalsadik

طيب ياريت لو كلمته ياهندسه فى أى وقت تعرفى الجلب ديه بتاعت ايه ( خاصة بتركب لأى نوع عربيه )

من عونيا التنين بس ابقي فكرني لما تيجي تغير وقتها

**Amr Axel** · 20-10-2013 05:04 PM

المشاركة الأصلية كتبت بواسطة ehab_mansour

للأمانه الفكرة كلها في تصنيع و تقفيل و بعض اجزاء ال ديسك او معرفش بتسموه ايه بين الصنايعيه اللي هو ده ال disc plate

لأن ده اللي عليه الشغل كله هو قلي علي بعض الاجزاء المستخدمه في تثبيته في بعضه دي كثيرا بتبقي فبر هي هنا حديد و اشياء اخري مش فاكرها

اما بخصوص ال pressure plate اللي هو ده

فبرضه خامته كويسه و لكن معلقش كتير عليه لأنه مش معقد في التقفيل و التصنيع زي التاي و نسيت اقول ان اذرعه اللي احنا شايفينها دي هي اهم حاجه لازم تكون خامتها عالية و قابله للضغط و الرجوع بسهوله و غير قابله للتصلب بسرعه مع الحرارة و الاحتكاك لن دي اللي رايحه جايه مع كل ضغطه للدواسة

اما بخصوص بلية الدبرياج فكانت نضيفة وتقفيلها انضف بكتير من بلية كنت شاريها من طقم اخر لوك و مركبتش و عندي بسبب اني مستخدمتهاش و الراجل مرضيش يبيع الطقم بدون بلية

و في النهاية احب اقول ان اللي له في الصنعه و الخراطه بيكون له نظرة مختلفة للاشياء عن الشخص العادي و بيميز قطعة الغيار النضيفة و الفينش بتاعها عن اي حد تاني
و الطقم فعلا بعد التركيب افضل بكتير بكتيييييييييييييييير عن الاصلي اللي كان هلك و مشقق من السخونية (ال disc plste) و تحس بعزم العربية اكتر من الاول بكتير

الحمد لله

تمام يا باشا و كلام مظبوط الخامة و الفينيش بيبان برده انا شوفت اطقم تقفيل تحت بير السلم و اطقم ع الشعرة ماعدا نقطة البلاستيك ديه اللي غريبة وارد برده بالرغم اني لحد دلوقتي شوفت اطقم كتييير و اسوء الاطقم اللي ممكن تشوفها في حياتك لدرجة ان الصيني درجة 10 هيبقي انضف منها لكن ملقتش فيها بلاستيك ابدا و مش متخيل ان شركة تدخل بلاستيك في طقم دبرياج بالذات لأنه مش هيستحمل كام مشوار وسط البلد d:

**ehab_mansour** · 21-10-2013 10:23 AM

المشاركة الأصلية كتبت بواسطة eraser

تسلم ايدك يا باشا تقرير هايل كالعادة والف مبروك عالصيانات والحمد لله انك مبسوط من الشغل وحاسس بالفرق دا اهم حاجة وبعدين شهادتك للراجل الميكانيكي دا وسام يخلى الواحد يروحله مخصوص
على فكرة انا شكلى هاحصلك فى موضوع طقم الدبرياج دا كمان شوية انا كمان عندى صوت تزييق معا دوسة الدبرياج والدواسة تقيلة ومع المشى فى الزحمة بتتقل اوىىىى كمان
وكمان عندى مشكلة فى العصاية مش محكومة وبحس اوقات الغيارت بتعض خصوصا لما بنقل متاخر

ثقل الدواسة بيكون له سببين ... سلك الدبرياج نوعه مش كويس او بايظ اساسا + ريش ال pressure plate نشفت و بقت غير مرنه عشان كده بتحتاج ضغط اشد عشان تتزق

و كمان عندك عضة في الغيارات يبقي الاسعل تكشف علي السلك و مستوي الدبرياج و تشوف حد بيفهم يظبطهم و بعدين له متحلتش المشكلة يبقي شوف الطقم

موضوع ان العصاية مش محكومة له سبيين ايضا ... قواعد موتور او تيش عصاية الفتيس مفكوك او متأكل و ربنا يوفقك و تحل مشاكلك

**ehab_mansour** · 21-10-2013 10:46 PM

المشاركة الأصلية كتبت بواسطة eraser

شكرا عالرد السريع
انا هعمل بنصيحتك واغير السلك وكمان ابص عالقواعد عشان انا بحس برجة لما بدوس بنزين او اشيل رجلى مرة واحدة
على فكرة سلك الدبرياج عندى مالوش رجلاش هوا بيظبط نفسه اتوماتيك هوا دا احسن ولا الرجلاش ؟؟

جميل يا هندسه الرجة دي اكبر اسبابها هو تغيير القاعده الامامية للموتور و بعد التغيير هتختفي تماما

اما موضوع السلك فاللي عندك ده اللي بيظبط نفسه بنفسه هو السلك الاوتوماتيك اللي زي اللي عندي بالضبط و ده نضيف و كويس و مريح انصحك متغيرهوش إلا لو فيه مشكلة ولو هتغيره يبقي باللي زيه بالضبط متجيبش ابو رجلاش لأن انواعه في السوق كلها تعبانه و خامتها سيئة و متعبة جدا في الدوس