لسه الاماني ممكنة .

**abo_lamar** · 17-10-2013 08:03 PM

السلام عليكم و رحمه الله و بركاته ....

انا عملت جروب على لافيس اسمه ( لسه الاماني ممكنة )
https://www.facebook.com/groups/1378305942407864/

عشان والله انا متفاءل ان ربنا حيكون معانا في ماتش العودة بتاع غانا على الرغم من نغمة التشاؤم اللي عايشين فيها دلوقتي .

**hossam_elwani** · 18-10-2013 11:17 PM

تفاؤل مبنى على معطيات الفشل

وبكره تشوفو مصر

**Sherifmt** · 19-10-2013 12:22 AM

ربنا كريم ....... ودايما معانا ......اكيد اللي جاي احسن وبلاش نربطها بماتش كورة علشان اكيد نتمني الفوز لمصر لما منتخبنا يلعب كويس ويستاهل الفوز لكن الروح الرياضية مطلوبة علشان دية من علامات التحضر والرقي مش لازم نضخم الحدث علشان رد الفعل ميكونش اوفر ,,,,,يعني مش لازم نشحن نفسنا بدون داعي علشان ماتش ...... الوسطية مطلوبة والفوز للي يستاهل الفوز بدون شحن او تطرف ....الناس اصبحت مش مستحمله احباط .....يا ريت كلنا نفتكر الروح الرياضية علي الاقل لو مكسبناش ماتش مش لازم كمان نخسر احترامنا وتحضُرنا كمصريين لأن ده هو الأبقي خصوصا اننا هنا في منتدانا بكل فخر تجمع لمجموعة من خيرة المصريين رجال وسيدات أفاضل من جوة مصر ومن معظم دول العالم ومن كل التخصصات ومن جميع الطبقات و نعتبر عينة عشوائية من الشعب المصري بيجمعهم المصري ألأصيل اللي جوه كل واحد فينا ......وعلشان اللي جاي يبقي أحلي ونستاهله خلينا نتمسك بالقيم والأصول والتسامح..... اللي الأعلام بينسفها وبيفرض علينا الأسفاف والتطرف .....علشان لو معملناش كده .....ألأخلاق هتختفي واللي جاي مش هيفرق عن اللي احنا فية غير انه هيكون أمر ........ والبداية ماتش كورة .....معلش أعذرني فضفضت شوية .......تحيا مصر .... وتحياتي من مكه

**مصطفى-حسن** · 19-10-2013 12:48 AM

مبدئيا انا مليش فى الكورة خالص
بس بصفة عامة الامل حاجة حلوة انك متفقدوش
بس الافضل انة يكون امل بحذر
يعنى الواحد ميعشمش نفسة قوى
عشان لو حصل عكس ما يتنمى ميتصدمش

امل حذر