صنى الشكل الجديد و تناقض الآراء الممل

**saddam** · 18-10-2013 05:38 AM

صديقي المواطن
عملا بمبدأ ومقولة أن الدنيا لا ترجع للوراء فكتت دائما أشجع على الشكل الجديد وأي مشكلة ستظهر بها سيوجد لها الحل إن عاجلا أو آجلا والعربية ستنتشر يعني حتنتشر لقلة المنافسين وغلاء السيارات المنافسة وبالتوفيق وإلى اﻷمام ومن نصر إلى نصر
ودمتم للنضال

**medo-312** · 18-10-2013 08:54 PM

المشاركة الأصلية كتبت بواسطة saddam

صديقي المواطن
عملا بمبدأ ومقولة أن الدنيا لا ترجع للوراء فكتت دائما أشجع على الشكل الجديد وأي مشكلة ستظهر بها سيوجد لها الحل إن عاجلا أو آجلا والعربية ستنتشر يعني حتنتشر لقلة المنافسين وغلاء السيارات المنافسة وبالتوفيق وإلى اﻷمام ومن نصر إلى نصر
ودمتم للنضال

تصدق بالله .. انا دايما ادور على تعليقاتك

دمك زى العسل وعندك خبرة ماشاء الله كبيرة
... كل سنة وانت طيب

**saddam** · 19-10-2013 01:39 AM

المشاركة الأصلية كتبت بواسطة medo-312

تصدق بالله .. انا دايما ادور على تعليقاتك

دمك زى العسل وعندك خبرة ماشاء الله كبيرة
... كل سنة وانت طيب

صديقي المواطن
أسعد الله أيامك وأعاده الله عليك بالخير واليمن والبركات وبالتوفيق ومن نصر إلى نصر وإلى اﻷمام
وتعليقك أخجلني ومشكورا عليه
ودمتم للنضال

**مهندس محمد** · 20-10-2013 03:12 PM

اشكرك اخى الفاضل على الموضوع وعايز الفت نظرك لحاجة
لو لقيت واحد كاتب موضوع سىء عن الصنى الجديدة ادخل على صفحته وشوف مواضيعه
ههههههههههههههههههه
هاتلاقيها كلها بهدلة للصنى وشغل وسوسة وكلام تهويل كله
اى سيارة فى الدنيا فيها عيوب
حتى لو سالت الناس عن الالمانى يقولك بيسخن
ههههههههههههه
السيارة صفقة رابحة ومحترمة عالية وواسعة وفيها كماليات معقولة بالنسبة لسعرها
يمكن الكاوتش مش عالى الجودة وبيلم ظلط من الطريق وبيعمل صوت
يمكن التيل ردىء جدا وبيعمل بودرة سودة كتير زى التيل الرخيص
لكن طبعا بالنسبة لفئة السيارة وسعرها ومقارنة باى سيارة تانية فى سعرها
النيسان الصنى تكسب اكيد
ياريت نبطل وسوسة ونشهد شهادة حق هانتحاسب عليها قدام ربنا
وماننساش ان التوكيل الى حد ما محترم وبيغير الاجزاء التالفة ومش مقصر مع اى حد وده برده يحسب للسيارة
واخيرا ربنا يبارك لنا فى سياراتنا ويكفينا شرها
تحياتى للجميع

**drhay** · 21-10-2013 05:29 PM

من كتر الوسوسة
والكلام السئ على العربية
كنت بمون فى البنزينه
والعربية عامله 500 كيلو
ولقيتها بتنقط من ورا وجوز اختى كان جنبى وقالى التنك مخروم!!
نزلت على ركبى وقعدت اشم فى السائل اللى بينزل منها
طلعت الميه اللى كان بيمسح بيها عامل البنزينه ازاز العربيه :)

**edodahab** · 21-10-2013 06:33 PM

يا باشا سيبك من الكلام دة و استمتع بالعربية الرائعة

**medo-312** · 21-10-2013 09:34 PM

المشاركة الأصلية كتبت بواسطة drhay

من كتر الوسوسة
والكلام السئ على العربية
كنت بمون فى البنزينه
والعربية عامله 500 كيلو
ولقيتها بتنقط من ورا وجوز اختى كان جنبى وقالى التنك مخروم!!
نزلت على ركبى وقعدت اشم فى السائل اللى بينزل منها
طلعت الميه اللى كان بيمسح بيها عامل البنزينه ازاز العربيه :)

هههههههه .. والله ضحكتنى

**ramymoharram** · 22-10-2013 11:04 AM

المشاركة الأصلية كتبت بواسطة edodahab

بصراحة انا متابع اراء الاعضاء و التعليقات و اكتشفت ان فيه تناقض رهيب و هجوم غير مبرر على السيارة حتى من قبل نزولها السوق الى الآن كما لو ان السيارة عملها يهود
الغريب ان كل ملاك السيارة مبسوطين منها جدا و مريحاهم و مشاكلها بسيطة او غير موجودة
و الاغرب ان كل من يهاجمون السيارة لا عمرهم اشتروها ولا ركبوها ولا ساقوها
انا عن نفسى عامل بالعربية ٥٠٠ كم بس ليا اتنين صحابى عاملين بيها ٥٠٠٠ و ١٠٠٠٠ و محدش اشتكى من اى حاجة غير رداءة التابلوه و الكاوتش الصينى بس
و الأغرب من كل دة الانتشار المذهل للسيارة
الهجوم شرس و غير مبرر و و بصراحة خليتوا الواحد موسوس و مستنى اى غلطة للعربية و بيتلككلها
احب اقول لأى حد بيفتى و متعصب لعربيته عمال يكرر الكلام من غير تجربة : اتقى الله
و احب اقول لأى حد بيفكر يشتريها توكل على الله لانها افضل اختيار فى فءتها
انا بقى قررت اكبر دماغى من الفتى و الكلام اللى ملوش لازمة دة و هستمتع بالعربية و ربنا يسترها و اتمنى من باقى الملاك انهم يعملوا كدة برده
و اى حد بيشكك فى العربية انزل الشارع و شوف انتشارها بنفسك
المصريين مبيرموش فلوسهم فى الأرض
شكرا و عذرا للإطالة

أنا جايب العربية من ست شهور وأول مجبتها وقريت كلام الفتاين اللي في الموقع ده جاتلي سدة نفس من العربية وبقيت بتلكك ليها وجالي احساس إني راكب عربية ورق.....بعد شوية نسيت الموضوع في زحمة الحياة ومبقتش بدخل الموقع كتير وابتدت تحصلي مواقف مع العربية وفي الطريق وكل يوم العربية بتثبتلي نفسها وكأنها بتقولي شوفت علشان كنت بتشك فيه.....والله جت لحظة عليا حسيت فعلا إني ظلمتها وخصوصا بعد بهدلة السفر والحر والزحمة وإنت تعمل بيها فوق ال 300 كيلو يوميا وانت مش بتفتح حتي الكابوت.....بصراحة حسيت إنها عربية ومحترمةفعلا ومعمولة لينا مخصوص ولزحمتنا......يا جماعة العربية زي الفل ومتخلوش حد قاعد بيفتي يعقدكم منها والله العربية زي الفل معايا ومش شايف فيها اي مشاكل غير إن صاجها ضعيف شوية......توكلوا علي الله واشتروها لأنها أحسن عربية يتدفع فيها فلوس في الفئة بتاعتها

**ramymoharram** · 22-10-2013 11:07 AM

المشاركة الأصلية كتبت بواسطة drhay

من كتر الوسوسة
والكلام السئ على العربية
كنت بمون فى البنزينه
والعربية عامله 500 كيلو
ولقيتها بتنقط من ورا وجوز اختى كان جنبى وقالى التنك مخروم!!
نزلت على ركبى وقعدت اشم فى السائل اللى بينزل منها
طلعت الميه اللى كان بيمسح بيها عامل البنزينه ازاز العربيه :)

ههههههههههههههههههههههه
أنا برضه شوية فتاين فضلوا يلعبوا في دماغي لدرجة إني بقيت اول مسمع صوت أوقف العربية في وصت الطريق واحط ودني علي الموتور ملاقيش حاجة وفي الأخر طلع الصوت بتاع العربية الخربانة اللي ماشية جانبي.....بعيد عنك لما الوسوسة بتمسك الواحد بتخليه مجنون....لكن مع الوقت اقتنعت إن العربية كويسة وقررت إني استمتع بيها......الغريب يا أخي من ساعة مكبرت دماغي كل الأصوات اللي كنت بسمعها مبقتش موجودة

**مهندس محمد** · 23-10-2013 11:52 AM

المشاركة الأصلية كتبت بواسطة drhay

من كتر الوسوسة
والكلام السئ على العربية
كنت بمون فى البنزينه
والعربية عامله 500 كيلو
ولقيتها بتنقط من ورا وجوز اختى كان جنبى وقالى التنك مخروم!!
نزلت على ركبى وقعدت اشم فى السائل اللى بينزل منها
طلعت الميه اللى كان بيمسح بيها عامل البنزينه ازاز العربيه :)

فعلا من كتر ما سمعت عن الفرامل اللى بتصفر كل ما اجى اطلع مطب اسمع صوت صفارة اقول دى عندى ههههههههههههههه وفى الاخر يطلع صوت موتوسيكل جنبى او عربية قديمة شوية ..بجد الوسواس مالوش حل غير اجازة من النت ومش فى العربيات بس فى كل حاجة ههههههههههه