صنى الشكل الجديد و تناقض الآراء الممل

**Dr M.Noaman** · 24-02-2014 04:10 AM

المشاركة الأصلية كتبت بواسطة drhay

من كتر الوسوسة
والكلام السئ على العربية
كنت بمون فى البنزينه
والعربية عامله 500 كيلو
ولقيتها بتنقط من ورا وجوز اختى كان جنبى وقالى التنك مخروم!!
نزلت على ركبى وقعدت اشم فى السائل اللى بينزل منها
طلعت الميه اللى كان بيمسح بيها عامل البنزينه ازاز العربيه :)

هههههههههههه تعليقك ضحكني جدا والله .. وفعلا موضوع الوسوسة دا بسبب النت لما بقيت بتلكك ﻷي حاجة في العربية ووالدتي بتقولي "شكل العربية هتجننك" .. دا أنا شفت علامة في التابلوه وأنا بسخنها قمت مكلم السبع وبتاع الصيانة وأخدت ميعاد بعدين لما دورت لقيتها إنذار إني شادد فرامل اليد . ودا كله بسبب الوسوسة برده

وعشان كدا نفسي اللي ماركبهاش يرحمنااااااا بجد

**ibrahimsaad** · 24-02-2014 11:55 AM

انا شخصيا من اول مااشتريت العربيه نتيجه الاستخاره كنت مش حابب الشكل شويه لكن بعدها دلوقت بقيت بعشقها لانها مريحانى ومش بشتكى منها من اى حاجه وحتى المشاكل القديمه اللى كنت باسمع عنها لم تعد موجوده الان

وقيت دلوقت اقرا تعليقات الناس اللى بتهاجم واحطها ورا ظهرى وباستمتع بالعربيه احلى استمتاع فليس من جرب كمن ادعى

نصيحه لكل مالك نيوصنى كبر دماغك وعيش حياتك العربيه صفقه رابحه بكل معانى الكلمه

وعامله احلى انتشار

**ibrahimsaad** · 24-02-2014 11:56 AM

المشاركة الأصلية كتبت بواسطة moh_h

السلام عليكم
أنا واحد من الناس اللى بيدور على عربية فى رنج 115 - 120 و بعد بحث مطول قدرت احصر تفكيرى ما بين نيو صنى و بيجو 301 ... لكن من اكتر الحاجات اللى تعبانى من ناحية الصنى (و من الناس اللى مجربنها..انا عمرى ما ركبت صنى) انى اشترى عربية و يبقى لازم اغيرلها طنابير و تيل و كاوتش ... هيجننى ان تكون عربية جديدة و اشتغل فيها كده

اعذرونى...انا عاوز اشترى و ارتاح برده شويه من مشاوير التوكيل و الميكانيكية :)

ياباشا مفيش حاجه من دى دى كانت فى الدفعات القديمه بس واتحلت خلاص

**ashrafwolf** · 24-02-2014 02:12 PM

كل اللي اعرفه ان العربيه محسوده جامد

**edodahab** · 24-02-2014 04:58 PM

كلامك سليم يا د ابراهيم

**grumby78** · 24-02-2014 06:46 PM

المشاركة الأصلية كتبت بواسطة ibrahimsaad

انا شخصيا من اول مااشتريت العربيه نتيجه الاستخاره كنت مش حابب الشكل شويه لكن بعدها دلوقت بقيت بعشقها لانها مريحانى ومش بشتكى منها من اى حاجه وحتى المشاكل القديمه اللى كنت باسمع عنها لم تعد موجوده الان

وقيت دلوقت اقرا تعليقات الناس اللى بتهاجم واحطها ورا ظهرى وباستمتع بالعربيه احلى استمتاع فليس من جرب كمن ادعى

نصيحه لكل مالك نيوصنى كبر دماغك وعيش حياتك العربيه صفقه رابحه بكل معانى الكلمه

وعامله احلى انتشار

احلى كلام سمعته من مالك للسياره .. اشاركك السعاده باقتناء السياره لانها صفقه رابحه فعلا . ربنا يباركلك فيها . تحياتي

**captain hosam** · 24-02-2014 06:58 PM

السلام عليكم
يا صديقى الغالى انا لسه منزل من كام يوم تقرير عنها فيه تقريبا الاجابه عن كل التساؤلات
و دا ناتج عن اختيارى لها برغم كل ما قيل عنها لان اللى بيقول و يتكلم عنها من غير ما يركبها
ما هو الا كلام سماعى بيكرره زى الناس ما بتكرره و انا قبل ما اشتريها قرأت كل الاراء عنها
و كلمت ناس من ملاكها من سنه و اتنين و اشكرهم على افادتى و مساعدتى فى اتخاذ القرار
و الخلاصه العربيه ما شاء الله ممتازه فى فئتها و لن تجد لها مثيل و انتشرت انتشار واسع جدا
و تمنها زاد عن اول نزولها حوالى 15 الف تقريبا و لو هيا وحشه مكنتش وصلت لبيوت كتير فى مصر
لان عندنا اللى بيركب الفئه السعريه دى من العربيات مش مليونير يعنى ههههههههههههههههه
و بالتالى بيدرس الموضوع و يسأل طوب الارض عليها و مش بيجيبها الا عن اقتناع تام
خلاصة الكلام اسأل مجرب و متسألش بطيييييييييييييييخ ههههههههههه
دمتم بخير