الفحص اثبت ان العربية مغيرة نص امامى

**eslamsubaru** · 21-10-2013 11:53 PM

المشاركة الأصلية كتبت بواسطة hugan

الرقم ملحوم مش مدقوق
اههههههه
كمان متسجل في الرخصه ومالوش اصل في الملف
القضيه دي كبيره وكده هايتجرجر فيها الموظف اللي سجل رقم الربع في الرخصه او مهندس الفحص

المشاركة الأصلية كتبت بواسطة m.elgergawy

كده يعني دي عربية مسروقه وحاطين عليها رقم الشاسيه ولا ايه حد يفهمنا

لا يا جماعة الراجل يقصد :
ان العربية اكيد عملت حادثة زمان و اكيد خلال الثلاث سنوات الماضية لأنه بيقول ان تاريخ الفحص 2014 .. و لما عملت حادثة البيه اللى كانت معاه اشترى نص تانى و راح لحمه فالعربية و مرحش يثبته فالمرور و ريح دماغه و شال رقم الشاسيه من النص اللى كان عامل حادثة ( اللى هو مثبوت بالرخصة) و حطه على النص الجديد و شال رقم النص الجديد رماه .. و بكده هو بينصب و فاكر انها مش هتتعرف .
و طبعا كده انت متعرفش النص اللى ركب دلوقتى ده كان مشتريه و لا مسروق ( لأنه ملوش رقم و لا ورق)

**Elawany13** · 21-10-2013 11:54 PM

لا حول ولا قوة إلا بالله
ربنا معاك

**amrelsaqqa** · 22-10-2013 12:13 AM

المشاركة الأصلية كتبت بواسطة m.elgergawy

انا اول مره اعرف ان لو حد مغير نص امامي لازم يجيب الافراج بتاعه
اعرف ان الموتور بس انما النص الامامي ده معلومه جديده صراحه
طب ما على كده بقى ممكن حد يجيب عربية نصين زي عربيته ومعاها افراجها وحاجتها ويثبت الموتور والشاسيه عليها وشكرا جدا !!
في حاجه مش مفههومه في الموضوع

بالظبط ، نفس التساؤل ونفس الاستغراب عندى !
فعلا في حلقة ناقصة في الموضوع ومحتاجين حد فاهم الليلة كلها ويشرحهالنا لان فعلا معلوماتى بتقول ان مفيش افراج وورق لشاسيهات العربيات الاستيراد

**hugan** · 22-10-2013 01:38 AM

اللي اعرفه ان الارباع الاماميه ليها افراج
لانك هاتقع في نفس المشكله لو حد غير ربع
برقم شاسيه القديم
ايه اللي يمنع اي حد انه يسرق اي عربيه من الشارع
بلاش استيراد
ويشيل رقم الشاسيه من عليها ويركب رقم الشا سيه بتاعه
ويسقط موتوره عليها
وكده يبقي رخص عربيه زيرو لو سارقها زيرو مثلا وعربيته موديل قديم من نفس النوع
ما ينفعش طبعا

نفس الفكره لو حبيت تغير عربيتك القديمه

ممكن تشتري عربيه كامله
بس يكون معاك نفس العربيه بورق ورخصه
هاتجمع العربيه وتركب رقم الشاسيه
القديم الاصلي بتاع عربيتك
بس فس الحاله دي عربيتك القديمه هاتتعدم لانها مالهاش اصل رقم شاسيه

ده الشي اللي اعرفه
لو في حد عنده معلومه تانيه ينورنا

**hugan** · 22-10-2013 02:07 AM

المشاركة الأصلية كتبت بواسطة محمد عبد الناص

طيب دلوقتي انا مش عارف ايه اللي بيتم يعني كدا انا مش هينفع ارخصها تاني والعربيه دي راحت ولا ايه الحكايه ياريت يا جماعه حد يقدر يفدني وجزاكم الله كل خير

ربنا معاك
اظن مفيش امامك غير حل واحد من اتنين
الاءول
تنتظر اجرءات التحقيق
وتشوف هايوصلوا لايه
الثاني تطلع علي المرور وتتطقس وتشوف انسب طريقه لانهاء المشكله
تخلص بالرشوه او الواسطه
اي حل تقدر توصل له