الموضوع: مساعدين ولا سوست ولا صدادات

المشاركة الأصلية كتبت بواسطة aw2100

السوست الأيطالى طرية وحتبان معاك لو حملت العربية حتوطى بس ده حيبان اكتر بعد كام شهر من الأستعمال كنت جبت سوست بلجيكى افضل عموما مبروك على العفشة !!

الله يبارك فيك ........ على فكرة السوست الايطالي دي كانت افضل السوست الموجودة وكان فيه اقل منها دة لو طلعت ايطالي اصلا هيا مكتوب صناعة اطالي بلون ابيض على السوستة مش محفور

أنا عموما ركبتها ولسة هجرب العربية لما تيجي مناسبة واحمل عليها وعلة فكرة العفشجي قالي صوت الدبدبة اللى كنت بسمعة دة نتيجة لخبط الدنجل بالشكمان والمفروض مع السوست الجديدة وكمان مع كوبايات المساعدين الجداد الصوت هيختفي

وعلى فكرة كمان العفشجي كان رافض يركب الكاوتشات اللى بتركب على السوستة القدام بحجة ان السوست جديدة ولازم يركب كاوتشات اقل منها بس انا اصريت يركب الكاوتشات مرة تانية لما لقيتها انضف من اللى انا شاريهم

هيا ملاحظتي على العربية حاسس والله اعلم ان العربية بقي شكلها اعلي من الاول (( مش عالية عن اللازم )) وكمان لما جربت اركب فى الكرسي الخلفي حاسس ان العربية بتهبط بصلابة واقل من الاول ........ عموما اشكر حضرتك واشكر كل من ساهم فى الموضوع وان شاء الله مع التجربة كل حاجة هتبان اذا كان العيب سوست بس زي ماقال