الموضوع: مساعدين ولا سوست ولا صدادات

المشاركة الأصلية كتبت بواسطة أحمد جودة

السلام عليكم ورحمة الله وبركاتة


الموضوع وانا راجع من السفر كانت العربية شايلة حمولة تمام ورا غير الشنطة مليانة والحمد لله

العربية طول الطريق فى الطرق العادية المسفلتة ( عاملة زي المرجيحة ) عمالة تعلي وتوطي من الجناب يعني مش بتعوم يارب اكون وصفت المشكلة صح

ولاكن على الطرق السريعة (( الصحراوي ... الدائري )) تمام على سرعات 80..90..100 ومرضتش ازود سرعة علي اساس الحمولة العالية







المهم طول الطريق الحمد لله كان فاضي وكل مطب اخدة بالجمب لدرجة ان فيه مطبات ممكن اخدها من اقصي يمين الطريق وانزل من اقصي يسارالطريق كان فاضل امشي على المطب بالطول
قبل البيت مطب غبي اخدته بالجمب بس العربية حكت وحسيت بخبطة لما وصلت البيت ونزلت الحمولة والركاب العربيية مرجعتش لطبعتها السوستة اليمين ورا قافشة والعربية مايلة رحت منزل الكوريك ورفعت من العتب شوية السوستة نطرت والعربية رجعت لطبيعتها ........... اسف ع الاطالة بس حابب انقل الصورة بدقة.

من فترة روحت لعفشجي قاللي المساعدين حالتهم متوسطة ومش ضروري يتغيرو هركبلك صددات للمساعدين بس التكلفة ممكن توصل بالمصنعيات لـــ 300 جنية


ياريت النصيحة اعمل اية

فى تفكيري أروح للعفشجي وامري لله يركب الصدادات قاللي بتاعت الجولف أو الابيزا على ما أفتكر ويشوف حالة المساعدين والسوست ويركب علايات صغيرة ولا أنتو شايفين اية

وياتري وزي كل مرة أنا ممكن افك المساعد الخلفي بنفسي ولا الموضوع صعب أنا تعبت من انخفاض مستوي العربية عن الارض لو اتنين مليانين شوية ركبو ورا العربية بتهبط وبتحك فى اي مطب لو ماخدتوش بالجمب والواحد بقي شكلة نيلة كل مايركب معايا حد اشوفة تخين ولا لاء

تفكير تاني ........ بفكر اركب علايات كبيرة شوية تحت السوست مع صدادات المساعدين وابطل اجري بالعربية يكون اخري اقصي سرعة 90 أنتو معايا فى هذا الرأي
منتظر المشاركات وتجارب الزملاء

المشكلة مش فى العربية يابو حميد المشكلة فيك انتا ازاى يارجل تفترى على العربية بالشكل دا الكنبة الخلفية والشنطة مليانة لحمة اكيد وحمولة قصوية والله كتر خير فليشيتك....

المهم بلاش علايات والصدادات والافتائات اللى ملهاش اى لازمة ما دام السوستة قفشك بطريقة دى يبقى غيرها على طول والمساعد يشتغل شوية بس ارحمو من فى الرض يرحمكم الله ومتنساش ان الفليشيا جلد وزيت برضو يعنى بتحس مش طوبة ههههههههههه