الموضوع: تعتقد انك ممكن ترفع اداء الدايو علي وضع بلادها بدون تغير مواتير

المشاركة الأصلية كتبت بواسطة mmamdouh

مش هتفرق حاجة



الاداء هيقل و استهلاك البنزين هيزيد



زيادة بتاع 3 حصان مش هتحس بيهم الا على rpm عالى و العزم على لفات قليلة هيقل سيكة



ولا هيفرقوا اى حاجة



توسيع المواسير هيقلل الback pressure و عزم المكنة هيضيع... فك علبة البيئة هيديك بتاع 2 حصان بس مش هتحس بيهم الا عند 5000 rpm تقريبا... تركيب ديفيل هيضيع اى عزم فاضل بعد المواسير ال2 بوصة

وفر على نفسك كل الافلام دى و سقط مكنة 2 كامة

mmamdouh

تمام ياجميل يعني اسبها علي طبعها كده احسن انا والله كنت بفكر اسقط مكنة 2 كامة بس قولت لما اجي ابيع هتقل فلوس ومش هتبقا محبوبة في البيع وقولت لوسقط لسه هفحص وحوار قولت اجدد الوش مع ان والله تجديد الوش كلفني 2000
جددت صبابات وكوتش الصباب ودسك واستوانه وحجات كتير غيرتها بصراحة العربية بعدها فقت اوووي بس الي مستغربلة من كلام بعض الاعضاء هنا ان العربية لوكبست له بنزين تفرك وهيا علي السلانسية ودي انا مش مصدقها ومش ملتمسها عندي نهائي ايه قولك يا كبير في الموضوع ده

المشاركة الأصلية كتبت بواسطة mmamdouh

بص انا شايف ان عربيتك فيها حاجة بس ما علينا من دة دلوقتى

انتوا بتتكلموا فى حاجة فيها 10 الاف متغير... يعنى الكبسة قد اية و الار بى ام كان كام و العربية ماشية و الطريق حالتة ايه و الكاوتش حالتة ايه.... كل دة بيفرق

انا عربيتى لما كان فيها كاوتش نانكانج كانت بتنتش تالت... مش عشان الموتور عفى انما عشان الكاوتش زبالة.... و لما حطيت الكومهو الاكستا مبقتش تنتش تانى... مش عشان الموتور مات لكن عشان الكاوتش مكلبش فى الارض

لو انت حاطت اولانى و ماشى بسرعة 20 و رفعت رجلك من على البنزين و بعد ثانية رحت كابس الدواسة للارض العربية هتامرك... لو نفس التجربة على سرعة 9 كيلو (ار بى ام 1100) العربية مش هتفرك خالص الا لو ماشى على اسفلت فيه رمل... طبعا كل دة بالكاوتش الاصلى... اى كاوتش عريض مش هيحصل الكلام دة كلة

اللى عايز اقولة ان قياس قدرة العربية و ادائها ملوش علاقة هى بتفرك اولانى ولا لا لان دة بياثر علية 100 الف متغير غير قدرة العربية... عايز تقيس قدرة عربيتك يبقى تشوف بتجيب من صفر الى 100 فى قد اية وقن و سرعتها القصوى كام مقارنة بالارقام اللى فى الكتالوج (بشرط انك تكون بتعرف تعمل الحاجات دى صح)

mmamdouh

تمام انا مركب كوتش علي جنوطها الاصلي اسمه دي ستون هو من شركة بريد جيستون تيلاندي الله اكبر عليها فردة حلوة اووووي انا بفكر لو جنط هجبها تاني فردة ممتازة جدآ وعن تجربة

المشاركة الأصلية كتبت بواسطة mahmoud.69

انا مش قادر اقتنع انتا عربيتك استوك ولا مغير رشاشات ولا عامل حاجة فيها ؟
انا عندي لسه مغير استوانة ومظبط الدنيا ومغير صبابات وكوتش صباب ومجدد الوش
والعربية بتعرق مياه ولو ماشي علي السلانسية وجيت دوست بنزين مرة وحده ماتجمعش بسرعة لزم تسايسها لزم تاخد سرعتها
المكنة بتجري معايه ومش بشتكي منها نهائي في انها مخنوقة او فيها حاجة العربية الله اكبر لكن الي بتقولة انا مش لمسة عندي

فرك العجل مع كبسة البنزين على الاول اى عربية مانيوال و الموتور حالته كويسة هتعملها مش حوار, خصوصاً لو عربية وزنها خفيف زى اللانوس.
فى مرة العربية جربت افرك بيها على الاول لقيت مفيش استجابة قلت مش مهم, لحد ما جت فى مرة و سلك بوجيه اتقطع و قمت مغير السلوك و مغير البوجيهات بالمرة و ركبتهم و العربية ركبها عفريت مع اى كبسة بنزين على الاول كانت بتفرك, القصد ان ممكن حاجات بسيطة و تافهة تقلل عزم الموتور.
خد بالك برضه ان الكاوتش لو مش حلو او الارض عليها تراب هتخلى العربية تفرك و ساعتها دى حاجة مش حلوة

المشاركة الأصلية كتبت بواسطة Ahmed Nasser

احب اقولك وانا ماشى على التانى سلانسية
وبدوس بنزين فجاة بتامرك
وعلى فكرة انا بامرك لغاية ما العداد يقفل 100

غريبة
دى مش حاجة كويسة, معنى كدة ان ال traction او تماسك الكاوتشات مع الارض مش كويس