الموضوع: عيوب ومميزات لانسر شارك بعد تجربة 2500 كم

المشاركة الأصلية كتبت بواسطة mohsen_anwar

الكاسيت عندي الاسود العريض واعتقد انه الاصلي وشكله متناسق جدا مع التابلوه واضاءته نفس اضاءة باقي العربية الشاشة لمباتها بيضا والازرار منورة احمر. . انا لما كنت بشتري رحت اتفرجت عند سمير ريان .. ولقيت عنده عربيتين وكان فعلا الكاسيت صغير مش عريض وشكله متركب لها مش شغل فبريكة وشكله مبوظ العربية خالص .. وسبته ومشيت علي طول .. قالولي ساعتها ان دي خليجي مش ضمان الوكيل .. يمكن ده اللي انت قصدك عليه .. انا معجب بشكله بس .. انما صوته مع الاربع سماعات اللي في البيبان مش عاجبني خالص .. وشكرا انك طمنتني علي الاكصدام .. ومتنساش تحكي لي حكايتك مع علبة الدركسيون .. حكاية السعر دي اختلف معاك فيها .. ممكن تقولي فيه ايه احسن منها بنفس سعرها ? مستني الاجابة .. حكاية فاضية جدا دي برضو غريبة شوية .. انا شخصيا كراجل عجوز عندي 40 سنة مش محتاج اكتر من باور وتكييف وازاز كهربا ومرايات كهربا وسنتر لوك وسي دي وايموبليزر وريموت .. اعتقد العربية اللي فيها كل ده مينفعش نقول عليها فاضية .. وهي دي الكماليات الاساسية .. هي بس عشان اول فئة بتقول عليها فاضية .. الفاضية يعني فيرنا اول فئة . مفيهاش ساعة ولا حتي فتحة شنطة من الداخل ولا ار بي ام ولا سنتر ولا ريموت ولا ازاز كهربا ولا .. ولا .. ولا .. ولا ... هي دي العربيات الفاضية . واضح ان ذكرياتك مع العربية مخلياك شايل منها حبتين يا هندسة .. اوعي تنسي تحكيلي حكاية علبة الدركسيون .. سلام

يا باشا ايه علاقة السن بالعربية انا عندى 42 سنة وسيارتى فيها سنسور وانوار زينون وكاميرا خلفية وتاتش سكرين وتشغيل عن بعد ويو بى اس وايه يو اكس وكل وسائل الامان اللى نفسك فيه ابكلامك ده انا كده اقوم ادورلى على عكاز

أنا كان معايا عربيه لانسر بومه 2013 الشكل الجديد وإكتشفت ضعف السماعات بتاعة العربيه اللى فى البيبان واللى ورا كمان لدرجة إنى لما فكيتهم لقيتهم 15 وات فى البيبان وكمان صناعة محلية يعنى العربيه كلها يبانى ماعدا الكاسيت مصرى والسماعات مصرى وطبعاً الصوت كان زباله وده بسبب توكيل دايموند للأسف

ربنا يباركلك فيها

هل الشارك ex تستخدم بنزين 92 عادي وللا لازم 95 ؟ و ايه الضرر لو حطيت 92 لانه مكتوب على غطاء التانك بنزين 95 ؟

المشاركة الأصلية كتبت بواسطة tarkaan1975

هل الشارك ex تستخدم بنزين 92 عادي وللا لازم 95 ؟ و ايه الضرر لو حطيت 92 لانه مكتوب على غطاء التانك بنزين 95 ؟

علي حد معلوماتي واتأكد بردوا ناس بتقول بيفرق في الهورس باور مش حيديهولك بالكامل وناس بتقول عادي وناس بتقول بيأثر علي العمر الافتراضي للماتور وناس بتقول عادي

المشاركة الأصلية كتبت بواسطة mohsen_anwar

طالما سواقتك هادية وجوة البلد يبقى عادي من غير abs ...... عربيات زمان كلها مفيهاش وكنا بنحلف بيها .. الامريكاني والتويوتات والفولفو والمرسيدس ..... بالنسبة لسؤالك عن الريو .. عربية ناعمة جدا بس ضيقة وواطية وفرافيري شوية متستحملش شوارع بلدنا .. وبعدين فرق السعر بينها وبين الشارك مش كتير .. تقريبا مفيش فرق ..... الشارك صفقة رابحة أكتر

شكرا لك استاذ محسن