الموضوع: علشان لما حد يقولكوا إن الشعب المصري متدين بطبيعته تبقوا تصدقوا

المشاركة الأصلية كتبت بواسطة احمد المصرى

انتم متاكدين من موضوع السطو قدام هايبر دا لان على طول فى لجنه فى المنطقه دى انا مش بشكك اطلاقا والله بس مستغرب من ال بسمعه لان على طول فى لجنه هناك

انا كنت رايح 6 اكتوبر يوم وقفة العيد و ماكنشى فيه لجنه عند هايبر - بس للامانه شوفت عربيه بوكس و هى بتقبض على 3 شكلهم غلط راكبين موتوسيكلات و موتوسكلاتهم كانت على الارض حنب الرصيف - ماعرفشى القصه بس ده اللى شوفته لأنى كنت ماشى على 100

ولما رجعت تانى يوم العيد (كان تقريبا ده نفس يوم الوفاه او قبلها بيوم و انا كنت هناك الساعه 5 تقريبا و الوفاه كانت 6 ) ماقبلتش و لا لجنه لا عند هايبر و لا غيره و ماشفتش اى شرطه خالص لغايه لما روحت بيتي فى عين شمس

بمناسبة الشرطة وحاميها حراميها معلش هاعيد بوست كتبته في موضوع تاني عشان اللي ميعرفش القصة دي يعرفها

احنا عربيتنا اتسرقت لمدة سنة ونص ومسكتها الشرطة في مرور تبع المنيا ومكناش نعرف وقعد بيتزنا شوية حرامية من الشرطة لمدة شهرين ونص ومش راضيين يقولوا في انهي مرور غير لما ندفع المعلوم وطبعا مكناش مصدقين وفاكرينهم نصابين لانهم مقالوش على اي علامة مميزة لان الحرامي كان مغير معالمها .. المهم ربنا الهمني اتصل بالقسم اللي تبعه البلاغ بتاع عربيتنا وكلمت امين لسه مستجد في عملية النصب وبدل ما يستدرجنا هو وينصب علينا استدرجناه احنا وعرفنا انها ممسوكة فعلا في مرور المنيا والاعجب بقى ان المهندس هناك قرفنا شهر عشان يخلص ورق الفحص هناك عشان عايزله قرشين وفعلا الواطي واطي خلص الورق ب 200 جنيه يا بلاش واحب اصدمكم اكتر اننا مشينا بالعربية من المنيا للهرم من غير نمر وعدينا على 3 4 لجان مرورمحدش قالنا كلمة وكنا بنتحرك بيها في القاهرة محدش كلمنا غير بعد احداث رابعة لزيادة القلق في البلد بعدها