الموضوع: الشراء من سوق السيارات

المشاركة الأصلية كتبت بواسطة فادى محمد

اخويا قبل ما يشتري الايه 4 كان بيخلص في فيكترا سي اتفرج عليها في القاهره
ورجع كلم صاحبها (محترم جدا وعلي نياته) قالله هاجي بعد يومين اخدها. تاني
يوم الراجل اتصل به وقالله انا عملت لك التوكيل , بعدها بيوم اخويا اعتذر له
الراجل طبعا غلط انه عمل التوكيل بدون استلام الفلوس وسال وعرف ده ,مش عايز
اقولك كانت حالته عامله ازاي؟ كان عاوز اخويا يروح القاهره يلغي التوكيل.
اخويا سافر له ولغاه , ممكن حد تاني ماعندوش ضمير يلعب به او يساومه , ربنا يسترها
معانا كلنا..

على فكرة دي حلها سهل جدا بس مكلف شوية
خصوصا لو المشتري رفض او استهبل انه يروح يلغي التوكيل

انت هتشوف احد المقربين للبائع وتروح تعمله عقد بيع نهائي وتروح المرور تسجل السيارة باسمه (خد بالك في عملية فحص اجباري قبل نقل الملكية ودي نقطة مهمة)
وتتنقل الملكلية للشخص الاخر الموثوق فيه افضل من انك تلاقي ان السيارة اتنقل ملكيتها لشخص تاني بالاحتيال
لو راح المشري المحتال ينقل العربية باسمه مش هيلاقي عربية بنفس المواصفات الموجودة في التوكيل متسجله في المرور وكده يبقى يبل التوكيل ويشرب ميته

في وجهة نظري طريقة بيع وشراء السيارات المستعملة في مصر فيها مخاطرة ومشاكل كتيرة جدا خصوصا جهل ناس كتيرة بقوانين الشهر العقاري ونقل الملكية
الموضوع حله في السعودية بقى سهل جداااااا

البائع والمشتري بيروحوا احد معارض السيارات المعتمدة لدى المرور ويتكتب مبايعة بين الطرفين بمعرفة المعرض وعلى ورقه المعتمد فيها كافة الشروط والسعر وكيفية السداد
والبائع ياخد الفلوس فورا كاملة او ناقصة (حقه مضمون)
وتترك السيارة في المعرض والمفاتيح وتحجز
يروح المشتري (او مفوض من المعرض نيابة عن المشتري) للمرور وينقل الملكية لنفسه باصل العقد المختوم واصل الرخصة ويستلم الرخصة الجديدة
وبعد كده يروح المعرض يوريهم اصل الرخصة باسمه ويستلم السيارة والمفاتيح ويسدد باقي الفلوس لو عليه مبلغ باقي
بعد كده في اي وقت يروح البائع للمعرض ويستلم صورة العقد مختومة ولو ليه باقي فلوس
وبكده انتهت عملية البيع والضامن ليها هو المعرض
وكله بياخد حسابه واتعابه
والرسوم تتسدد عادي للمرور

الاجمل دلوقتي ان بقى فيه بعض المعارض المعتمدة هي اللي مسئولة عن اصدار الرخص بعد عملية البيع دون تدخل المشتري او انه يروح للمرور
بيدخل على النت وينقل الملكية فورا