الموضوع: عربيتي النترا اتسرقت انا و6 من نفس الشارع

المشاركة الأصلية كتبت بواسطة msobhy

انا بنصح الكل تأمن نفسك لأقصى درجه - لازم الكل يبقى عارف انك بلطجى وقليل الادب ومريض نفسيا - عربيتك كوووووم والمنطقه بأكملها كوم تانى - انا باسعى لأقصى مدى انى أمن عربيتى - وقلة الادب بتفيد فى حالة لما يكون معروف ان واحد كل شويه بيبص على عربيته وبيعمل مشاكل العربيه بيبقى ليها سمعه ان عليها العين دايما - وفى الاغلب الحرامى بيراقب العربيه اللى هايسرقها اكتر من مره
وديه كلها محاولات
لكن فى الاخر ملناش غير كلمه واحده
يارب استرها

فعلا .. الكل في المنطقة اللي أنا ساكن فيها و عند الشغل يعرف عني أني مؤدب جدا و بأحترم الناس كلها ألا أذا حد لمس عربيتي (مجرد اللمس) بيلاقي واحد تاني عكس كل اللي فات لدرجة أن فيه أثنين من جيراني عزلوا بسبب خوفهم من اللي ممكن أعملوا لأن أولادهم أشقياء و ممكن يسببوا مشاكل

ساعات لما بتعمل مجنون الكل بيتفاداك و بيبعد عنك و ده اللي قولت أنا عليه من شوية أحدي وسائل الدفاع عن النفس في ظل أنعدام دولة القانون و سيادة مبدأ و قانون الغاب كل حسب امكانياته و قدراته

المشاركة الأصلية كتبت بواسطة dr-most

للاسف ده اول موضوع ليا بس عارفين ليه بكتب عشان احذر الناس مش اكتر مش عايز حد يحصله الي حصلي
نزلت الصبح ملقتش عربيتي تحت البيت
النترا موديل 2011
ومش بس انا اتفجأت ان الي سرق العربية سرق 6 من نفس الشارع في خلال يومين فقط
الموضوع مش كده فيه في مصر 35 الف عربية اتسرقت في خلال سنه
عارفين ايه المصيبة ؟؟
اني لما عملت محضر كان معايا اخويا .. وعشان توتري كتبت ارقام التيلفون الخاصة بي وباخويا في المحضر
ثانيا العربية كان فيها علبة الكروت بتاعتي
المهم بليل في نفس اليوم اتصل باخويا شخص بيقوله فيه عربية مسروقه منك موديل كذا لون كذا رقم شاسيه وماتور ورقم لوح
قاله اه .. ولانه اخويا فكان اهدى في الكلام
المهم قاله قولي على اي حاجة مميزه في العربية عشان اصدق قاله مفيش حاجة مميزه عادي قاله فيه علبة كروت قولي باسم مين للاسف الي كان بيتصل ( الحرامي ) قاله باسم فلان !!! وفلان ده اسم اخويا الي هو كان عامل المحضر معايا !!!!!!!!!!!!!! واخويا اصلا ملوش كروت من اساسه
طيب كويس اووي الكلام ده
مش عايز اطول عليكم قدرت بطريقة ما اجيب سريل الموبيل الي بيتكلم منه مش سريل الشريحه عشان لو غير الرقم وفعلا وصلنا ليه مع ادارة مباحث السيارات واكتشفنا المصيبة الي حاولوا يقولولي ارجو ان محدش يعرف عنها حاجة وانا فعلا مكنتش ناوي اقول بس في الاخر هحكي ليه اتكلمت
الي كان بيتصل ده امين الشرطة الي في القسم
وعاملين عصابه كام امين شرطه على مجموعه من بره
الي عربيته تتسرق يتصلوا بيه في نفس اليوم الراجل طبعا هيكون ملهوف على عربيته وخاصة ان الناس مؤهله نفسيا انها اكيد فيه حد هيتفاوض معاها نتيجه ان ده بقى الطبيعي تروح تدفع الفلوس زي الباشا وطبعا مفيش عربية يبقى عربيتك راحت والفلوس
طيب ماعلينا قولنا نستدرج الراجل ده عشان نمسكه مع المباحث لما حدد المكان والمعاد كلمت الظابط المفروض المكلف بالقضية قالي انا في مأمورية مش فاضي .!!!!!!!!!!!!!!!!!!!!!!!!!!!!!!!!!
ماعلينا كده كده مباحث النصب اشتغلت وجابت الناس
يعني حاميها حراميها !!!!!!!!!!!!!!!!!!!!!!!
بتكلم ليه طيب اقولكم
لان اكتر من 69 عربية اتسرقت من قسم اول مدينه نصر هيونداي النترا نفس الموديل ومفيش ولا عربية رجعت
عشان خاطر بتوع المباحث مستنين العربية تتلاقى في كمين او تتمسك في عملية محدش بيتحرك عشان يروح يجبها
عشان خاطر لما خالد يوسف المخرج او محمود بدر بتاع تمرد او عمرو حمزاوي عربيتهم اتسرقت رجعت في نفس اليوم عشان خاطر دول هيعملوا ليهم هيصة ولما ترجع يقولوا ان الامن رجع العربية في 24 ساعه
بس الناس الغلابة العادية الي شقى عمرها في عربية مش مهم !!!!!!!!!!!
والمصيبة كل لما اكلم الظابط يقولي ادعي ان شاء الله ترجع
ياجماعه سيبكم من كل ده بقى
تخيلوا لما امشي بعربية صحبي 3 اسابيع وعربيته مختلفه تماما عن عربيتي هوندا سيفك واقف في مليون كمين خاصة اني بقصد امشي وقت الحظر او حتى في الاوقات العادية في اكمنه الداخليه او الجيش واطلع الرخص بطلع رخصه عربيتي المسروقه الي انا مبلغ عنها بيبصوا عادي ويمشوني يعني مش واخدين بالهم اصلا ان الرخصه دي مش بتاعت العربية دي !!!!!!!!!!!!!1
مابالكم ان الرخصه دي اصلا متبلغ بسرقتها

بقولكم خدوا بالكم من عربياتكم ركبوا جي بي اس حتى لو هيصرف شوية لان الوضع سيء للغاية وعلى فكرة السرقة مش شرط بليل صاحبي الي في نفس الشارع اتسرقت في عز الضهر

ربنا يحافظ علينا كلنا
واسف لو طولت بس قولت انبهكم لانكم كلكم ناس محترمه جدا

د. مصطفى

احنا عربيتنا اتسرقت لمدة سنة ونص ومسكتها الشرطة في مرور تبع المنيا ومكناش نعرف وقعد بيتزنا شوية حرامية من الشرطة لمدة شهرين ونص ومش راضيين يقولوا في انهي مرور غير لما ندفع المعلوم وطبعا مكناش مصدقين وفاكرينهم نصابين لانهم مقالوش على اي علامة مميزة لان الحرامي كان مغير معالمها .. المهم ربنا الهمني اتصل بالقسم اللي تبعه البلاغ بتاع عربيتنا وكلمت امين لسه مستجد في عملية النصب وبدل ما يستدرجنا هو وينصب علينا استدرجناه احنا وعرفنا انها ممسوكة فعلا في مرور المنيا والاعجب بقى ان المهندس هناك قرفنا شهر عشان يخلص ورق الفحص هناك عشان عايزله قرشين وفعلا الواطي واطي خلص الورق ب 200 جنيه يا بلاش

ده غير بقى ان العربية من غير نمر عدينا بيها على 3 4 لجان مرور من المنيا لحد الهرم محدش قالنا كلمة ومازلت من غير نمر وبنتحرك بيها محدش عبرنا غير بعد احداث فض رابعة والقلق الزايد في البلد من بعدها

لا حول ولا قوة إلا بالله، ربنا يرد ضالتك

ومدام خربانة خربانة انت المفروض تفضح كل الضباط والأمناء (اللي مش اسم على مسمى). على الاقل حذرتنا وعرفتنا يعني ايه حاميها حراميها

انا كنت فاكر بس ان النيو النترا والكيا سيراتو هما اللي يتسرقوا بسهولة، كلامك ده ها يخليني اجدد اشتراك الجراش ابو ٢٠٠ جنيه اللي انا فيه وان انا ادفع ١٥٠٠ واجيب جي بي اس بتاع اتصالات

رب يردهالك او يعوض عليك خير او ان سرقتها تكون خير ليك :(

اولا بشكر الجميع للاهتمام وبعتذر عن عدم الرد سريعا وذلك لانشغالي الشديد اليوم
بداية نعم هي جميعها النترا وللاسف مع حديثي مع الظابط ابلغني انها اكثر سيارة يتم سرقتها وتم تسجيل في شهر اكتوبر فقط اكثر من 60 سرقة للسيارة في القاهرة فقط ..
لن اسكت ليس من اجل عودة سياراتي ولكن لان الموضوع اصبح مستفذ للغاية حتى الامن اصبح بالواسطه
يوم السبت سألتقي مدير الامن ومدير المباحث وسأقيم الدنيا ولن اقعدها لان لما يتسرق كم سيارات غير طبيعي من نفس الموديل يبقى فيه مشكله وفيه تشكيل ولما السادة الظباط مستينين التشكيل يقع لوحده او يغلطوا في حاجة فاينكشفوا ده ميبقاش شغل

واتمنى لو فيه ناس عندهم سيارات اتسرقت الانضمام لاني لن اصمت للاسف ، ولو كان على الاعلام مفيش اسهل منه لتحويلها لقضية رأي عام

واشكركم لاهتمامكم
اما بالنسبة لغبور فهذه قضية اخرى لانه حرامي لما عربياته تتسرق بدون كسر زجاج حتى وميتحركش وميفكرش يعمل اي حاجة يبقى بيخسر سمعته على حساب انه بيكبر في كرشه من ارباح وهمية في بيع سياراته التي اصبحت عبء على مالكيها

وحسينا الله ونعم الوكيل