عربيتي النترا اتسرقت انا و6 من نفس الشارع

**DR-Most** · 25-10-2013 01:16 AM

انا واخوتي والعائله تقريبا كلنا نملك هيونداي النترا او فئات اخرى واتمنى ان نتكاتف ضد الشركة والمديرية التي تستهين باموال الناس وبحقوقهم .. اليس هذا ايضا ارهاب ؟؟ ولا الارهاب فقط سياسي ؟؟
ياجماعه انا بقول كده مش عشان خاطر عربيتي وفقط انا بقول عشان والله نفسي اوقف كل واحد راكل هيونداي في الشارع اقوله خلي بالك من عربيتك بس هل يجوز ان نعيش في هذا المجتمع بهذا الامن المتردي ؟؟
شوفوا هنقدر نعمل ايه وانا اول واحد هتحرك ومستعد لاي اجراء او مصروفات

**AshTurbo** · 25-10-2013 01:19 AM

أنا معاكم في أي أجراء وربنا يردلك عربيتك في القريب العاجل .

**DR-Most** · 25-10-2013 01:21 AM

ارجو ان يتولى احدنا التنسيق يجب انتخاذ اجراءات سريعه وارجو ان ينتبه الاخرين من مالكي هذه الماركة او اي ماركة وموديل فدائرة الخطر اصبحت تضيق وربنا ما يحافظ على الجميع ولكن لنتحرك قبل ان تصيبنا المصيبة ...

**AshTurbo** · 25-10-2013 01:26 AM

هي العربية حضرتك كنت مركبلها النظام اللي نزله غبور اللي كان ب 400 جنيه ولا مكانش فيها .

**DR-Most** · 25-10-2013 01:29 AM

عربيتي موديل 2011 الشكل القديم وفيها الانذار بتاعها .. ثانيا العربية سرقت دون كسر ازاز او اي عنف وده مش كلامي لوحدي ده كل الي تقدموا ببلاغات والتقيت العديد منهم كانوا نفس الكلام سواء الموديل بتاعي او الاحدث منه

**lidosasa** · 25-10-2013 01:41 AM

أنا شايف إن التحرك لازم يكون مكثف ضد الوكيل اللى مش بعيد يكون فيه ناس من داخل مراكز الخدمة بتاعته متورطة فى السرقات المتكررة دى .

**msobhy** · 25-10-2013 02:38 AM

انا معاكم فى اى وقت وفى اى يوم
وارجو من الجميع انهم يكونوا ايجابيين
احنا ما شاء الله - العدد فى الليمون - وبدون اى قيمه وانا اسف على الكلام ده
ياريت نتكاتف مع بعض ونحاول على الاقل اننا نحافظ على حقوقنا
وياريت ناخد بالنا ان النهارده عند الدكتور مصطفى (ربنا يرد له عربيته)
بكره هاتبقى عند أى حد فينا - محدش عارف ايه اللى ممكن يحصل
.
.
انا معندش حاجه أقدمها بشكل مباشر - لكن انا معاكم فى اى خطوه هاتتعمل بكامل بياناتى ولو فيه تفويض رسمى بالكلام ده - انا موافق انى اعمله

**fourseasons** · 25-10-2013 07:07 AM

يا باشا أول حاجة تعملوها تبعتوا e-mail للشركة الأم هيونداى تبلغوه بالمصيبة ديه لأن اى عربية دلوقتى حتى الصينى فيها امبولايزر ازاى عربية تمنها من 130 ل 180 مافيهاش.انا كنت شوفت فيديو لسرقة عربيى النترا فى اسكندرية كانت مصوراه كاميرة مراقبة .العربية مخدتش 3 دقائق فى ايدهم الفيديو موجود على اليوتيوب.ومصيبة الشرطة ديه مصيبة تانية مش ملاحقين عاملين زى منتخب مصر و هو بيلعب مع غانا من كتر البلاوى داخليا فى الجهاز و خارجيا بقوا زى الشوربة.وربنا يصلح الحال.