طلعت الرخصة اخيرا

**abo_loa3y** · 24-10-2013 01:51 PM

الحمد لله طلعت الرخصة الخاصة من مرور منيا القمح شرقية من يومين وحبيت انقل لكم التجربة عشان الكل يستفيد
اولا انا رحت المرور عشان اختبر واطلع الرخصة على اساس انى بسوق وكمان كنت مذاكر لامتحان الكمبيوتر كويس قوى ولكن فؤجئت بانه لازم اقدم مدرسة ( طبعا لا فى مدرسة ولا حاجة ) المهم انك تدفع 370 جنية رسوم المدرسة مش اكتر - المهم قدمت الطلب وزى الباشا دفعت المبلغ وخدت الايصال وكرت سائق المستقبل ب 10 جنيه عشان اتعلم الاشارات وقاللى تعالى بعد 10 ايام معاك المؤهل وشهادة باطنة ونظر و3 صور شخصية وصورتين للبطاقة الكلام ده كان يوم السبت اللى قبل العيد - رحت بعد العيد يوم الاتنين ( اخر يوم فى اجازتى ) عامل حسابى انى هروح اخلص الرخصة فى اليوم ده - دخلت ع الباشا واديتوا الورق - واشرت على صورة المؤهل من الضابط وجبت ملف اختبار رخصة ب 25 جنية ( 4 ورقات و حافظة ) - ودفعت فى الخزينة بتاع 45 جنيه - وانتظرت اختبار الكمبيوتر - سمعت اسمى دخلت - الباشا طلب 3 جنيه يا دفعت 5 ومش مستنى باقى لا قيته رجع لى 2 جنيه ... كويس - وزى الحلاوة الباشا حل لى الامتحان وانا قاعد جنبه ع الكرسى وهو ع الجهاز وطبعا النتيجة 100 % ومضيت على نتيجة الامتحان وقاللى هتسمع اسمك عشان تركب العربية - وفضلت ملطوع حوالى ساعتين ونصف لحد ما الباشا التانى جه خد الملفات عشان يختبر نا سواقة - الاختبار سهل جدا عبارة عن منحنى حرف c تخش قدام وترجعه تانى - الحمد لله نجحنا فيه ---
خلاص يا جماعة تعالوا بكرة تتصوروا وتاخدوا الرخصة
يا باشا انا مسافر بكرة شرم الشيخ والساعة لسه 12 - رد بكل لا مبالاة تعالى بكرة الساعة 9 خدها قبل ما تسافر
المهم رحت تانى يوم والحمد لله لحقت الاتوبيس على اخر 3 دقائق وطبعا كنت على اعصابى لا الاتوبيس يفوتنى لانه كان اخر ميعاد 12.30 من الزقازيق
--- اجمالى التكلفة
40 شهادتين با طنة ونظر
371 رسوم مدرسة
21 جنية فى الخزنى
20 رشوة فى امتحان السواقة
25 ملف اختبار
50 الخزنة يوم التصوير ( خزنة + نموزج 56 )

**akmm** · 24-10-2013 02:17 PM

مبروك الرخصه .................... وتقضيها كلها سفر وقياده جميله ............

**mem** · 24-10-2013 04:12 PM

مبروك الرخصه والحمد لله انك خلصتها على خير

**hossamalsadik** · 24-10-2013 10:13 PM

مبروك عليك الرخصة
السواقه ادب وفن وأخلاق وهى تظهر جانب كبير من شخصيتك فكن قدوه

**AHMED12345678** · 24-10-2013 10:36 PM

المشاركة الأصلية كتبت بواسطة abo_loa3y

الحمد لله طلعت الرخصة الخاصة من مرور منيا القمح شرقية من يومين وحبيت انقل لكم التجربة عشان الكل يستفيد
اولا انا رحت المرور عشان اختبر واطلع الرخصة على اساس انى بسوق وكمان كنت مذاكر لامتحان الكمبيوتر كويس قوى ولكن فؤجئت بانه لازم اقدم مدرسة ( طبعا لا فى مدرسة ولا حاجة ) المهم انك تدفع 370 جنية رسوم المدرسة مش اكتر - المهم قدمت الطلب وزى الباشا دفعت المبلغ وخدت الايصال وكرت سائق المستقبل ب 10 جنيه عشان اتعلم الاشارات وقاللى تعالى بعد 10 ايام معاك المؤهل وشهادة باطنة ونظر و3 صور شخصية وصورتين للبطاقة الكلام ده كان يوم السبت اللى قبل العيد - رحت بعد العيد يوم الاتنين ( اخر يوم فى اجازتى ) عامل حسابى انى هروح اخلص الرخصة فى اليوم ده - دخلت ع الباشا واديتوا الورق - واشرت على صورة المؤهل من الضابط وجبت ملف اختبار رخصة ب 25 جنية ( 4 ورقات و حافظة ) - ودفعت فى الخزينة بتاع 45 جنيه - وانتظرت اختبار الكمبيوتر - سمعت اسمى دخلت - الباشا طلب 3 جنيه يا دفعت 5 ومش مستنى باقى لا قيته رجع لى 2 جنيه ... كويس - وزى الحلاوة الباشا حل لى الامتحان وانا قاعد جنبه ع الكرسى وهو ع الجهاز وطبعا النتيجة 100 % ومضيت على نتيجة الامتحان وقاللى هتسمع اسمك عشان تركب العربية - وفضلت ملطوع حوالى ساعتين ونصف لحد ما الباشا التانى جه خد الملفات عشان يختبر نا سواقة - الاختبار سهل جدا عبارة عن منحنى حرف c تخش قدام وترجعه تانى - الحمد لله نجحنا فيه ---
خلاص يا جماعة تعالوا بكرة تتصوروا وتاخدوا الرخصة
يا باشا انا مسافر بكرة شرم الشيخ والساعة لسه 12 - رد بكل لا مبالاة تعالى بكرة الساعة 9 خدها قبل ما تسافر
المهم رحت تانى يوم والحمد لله لحقت الاتوبيس على اخر 3 دقائق وطبعا كنت على اعصابى لا الاتوبيس يفوتنى لانه كان اخر ميعاد 12.30 من الزقازيق
--- اجمالى التكلفة
40 شهادتين با طنة ونظر
371 رسوم مدرسة
21 جنية فى الخزنى
20 رشوة فى امتحان السواقة
25 ملف اختبار
50 الخزنة يوم التصوير ( خزنة + نموزج 56 )

اخيرا لقيت حد بلدياتى فى المنتدى
مرحى بابناء منيا القمح شرقية
بس على فكرة الرائد محمد زيتون رئيس وحدة المرور فى منيا القمح انسان مهذب ومحترم جدا وبيعامل الناس كويس جدا حتى من قبل 25 يناير ودى اكتر حاجة احترمتها فية

المهم ياريت نتعرف يمكن نطلع اصحاب واحنا منعرفش
هههههههههههههههه

**husseinoo** · 25-10-2013 12:53 AM

مبروك
يا ريت تدخل على القسم التعليمى
وتحاول تزود معلوماتك وتكتب خبراتك فى المشاركة المثبتة التاليةhttp://www.nilemotors.net/Nile/127724-a.html

**abo_loa3y** · 28-10-2013 08:56 PM

المشاركة الأصلية كتبت بواسطة AHMED12345678

اخيرا لقيت حد بلدياتى فى المنتدى
مرحى بابناء منيا القمح شرقية
بس على فكرة الرائد محمد زيتون رئيس وحدة المرور فى منيا القمح انسان مهذب ومحترم جدا وبيعامل الناس كويس جدا حتى من قبل 25 يناير ودى اكتر حاجة احترمتها فية

المهم ياريت نتعرف يمكن نطلع اصحاب واحنا منعرفش
هههههههههههههههه

اهلا وسهلا بيك
انا اسمى محمد عربى من شلشلمون
مهندس مدنى وشغال فى شركة مقاولات ( دار التجارة والمقاولات ديتاك ) وشغال حاليا فى مشروع فى شرم الشيخ
يسعدنى طبعا صداقتك