سيراتو ولا فلونس

**devil_storm** · 31-10-2013 05:48 PM

المشاركة الأصلية كتبت بواسطة ALshahba

بعد التأكد لقيت سعرها حوالي 187الف ج
برضو اعتقد سعرها غالي جدا عن اختها الموديل الاسبق

السيراتو sx عامله 179 لان عليها خصم 6 الاف جنيه و فيه اماكن بتبعها ب 178 و ده لفتره محدوده .... رحت شفت الفلوينس تاني و عربيه جميله جدا والعربيتين فعلا احلي من بعض

الخامات و التقفيل في الفلوينس كويسه ... بس برده مش اول فئه و عموما الفلوينس تقارن بسيراتو sx و لو اتقارنت بال lx or ex يبقي الفلوينس تكسب

قارن فلوينس الفئه الثالته e3 اللي سعرها ١٧٨ مع سيراتو sx و حتلاقي المقارنه صعبه اوي و كل عربيه تتميز بحاجات

**ALshahba** · 31-10-2013 05:53 PM

المشاركة الأصلية كتبت بواسطة devil_storm

السيراتو sx عامله 179 لان عليها خصم 6 الاف جنيه و فيه اماكن بتبعها ب 178 و ده لفتره محدوده .... رحت شفت الفلوينس تاني و عربيه جميله جدا والعربيتين فعلا احلي من بعض

الخامات و التقفيل في الفلوينس كويسه ... بس برده مش اول فئه و عموما الفلوينس تقارن بسيراتو sx و لو اتقارنت بال lx or ex يبقي الفلوينس تكسب

+11111
اتفق معاك جدا
كويس اوي عرض الخصم ب 6000 ج ده..........ياريت تنزل شويه كمان حتريح ناس كتير جدا

**Ahmed Selim** · 31-10-2013 11:25 PM

المشاركة الأصلية كتبت بواسطة devil_storm

+1111
عندك حق و متفق معاك تماما ... اسعار الكورى زادت بشكل مستفز

فعلا انا قلت السيراتو اللى اقل من sx خامتها و الفنش معجبنيش, بس مينفعش نقارن الفلوينس باول فئة فى السيراتو و نقول خامات السيراتو وحشة!!!

لو بنقارن فلوينس بسيراتو lx or ex يبقى الفلوينس افضل طبعا ... بس هو الكورى كده فى العالم كله مش مصر بس, يعنى اول فئات سيراتو فى الخليجى برده بلاستيك و اول فئات فى امريكا نفس الكلام و نفس الخامات البلاستيك السيئة ... الكورى كدة على اد فلوسك تاخد و فعلا اهم حاجة عنده يوفر اختيارات مختلفة للمشترى و كل واحد يختار اللى يناسبة.

بتفرق فى اوربا و امريكا فقط فى تجهيزات الامان لان القوانين بتمنع دخول السيارة من غير وسائل الامان ... يعنى الفرق فى وسائل الامان فقط و اهى عندك موجوده فى فئة sx ... بره فى زياده esp علشان التلج و المطر الكتير و طبعا ال esp بيفرق جامد ساعتها.

بعدين وكيل كيا فى مصر كويس و مواصفات السيراتو وكيل افضل من الخليجى كمان!!! مواصفات الكورى فى مصر من اول فئة sx ممتازة و مش زى مانت فاهم ... روح اركبها فى اى معرض و قولى خامات الفلوينس افضل فى ايه؟؟

يا باشا أنت بتقول بنفسك..........القوانين فى أوروبا و أمريكا بتمنع دخول السيارة بدون وسائل الأمان القياسية عندهم.................الموضوع ملهوش علاقة بالتقفيل.

يعني لو وسائل الأمان القياسية هى اللى فى ال sx يبقى مش هتلاقي أقل منها عندهم.......و ده يثبت كلامي أن الكوري المصري غير الكوري الأجنبي.

و على فكرة أنا قولتلك أني ركبت السيراتو......مش عارف أي فئة بس اللى متأكد منه أن سعرها كان معدي ال 180 ألف............أعتقد دي ال sx ولا أيه ؟

و ركبت برضه الفليوانس الجديدة...........بصراحة و بدون تحيز الفليونس عاجباني أكتر كخامات و تقفيل..........و صدقنى لو كانت السيراتو أحسن كنت هقول.

**devil_storm** · 02-11-2013 01:38 AM

عمال ادور علي مقارنات اجنبيه بين الفلوينس و السيراتو ملقتش علشان السيراتو لسه جديده بس لقيت مع الالنترا
دي مقارنا تاني من موقع هندي بين الفلوينس - النترا - كورولا - كروز - اوكتافيا - جيتا
Hyundai Elantra and its key rivals
بس اللي لفت نظري ان سعر الفلوينس هناك في الهند برده ارخص من الالنترا !!! بس ده يمكن علشان تجهيزات الالنترا اكتر

**Ahmed Selim** · 02-11-2013 08:02 AM

تاني و تالت.......الكوري المصري غير الكوري الاجنبي

دي ال lx اللي بتنزل في أمريكا

2014 Kia Forte - Features and Specs

شوف ال safety systems اللي فيها مقارنة باللي هنا

مع العلم ان مفيش غير lx و ex هناك بس

**devil_storm** · 02-11-2013 02:37 PM

المشاركة الأصلية كتبت بواسطة mah_khourshid

السلام عليكم
انا كان معايا سيراتو وغيرتها وجبت فلونس بصراحه فرق في كل حاجه الفلونس تغلب بجداره
وبالنسبه لسعر اعاده البيع الفلونس ممتاز بالنسبه للرينو ميجان
العربيه اثبتت نفسها وليها زبونها البيفهمها
واسعار قطع الغيار العاديه والصيانات زيها زي اي عربيه جديده
والعربيه جميله لدرجه اني بفكر اجيب الشكل الجديد

سيراتو انهي فئه و سيراتو القديمه و لا الجديده لان في فرق جامد جدا بينهم ... اكيد انت بتكلم عن القديمه و انا متفق معاك ان الفلوينس افضل من السيراتو القديمه

**devil_storm** · 02-11-2013 04:00 PM

بص انا لسه جاي من المصريه و كنت بتفرج علي الفلوينس e3 و ده باختصار انطباعي عنها بالمقارنه بالسيراتو:
١- الخامات فعلا كويسه لكن التصميم مش قوي ... بالمقارنه مع خامات السيراتو lx or ex هي افضل لكن بالمقارنه مع سيراتو sx انا شايف خامات السيراتو افضل بالامانه ... كمان النواكل موزعه بعنايه و احساس الفخامه باين اكتر في السيراتو
٢- الكوتش فيها بردجستون تورنزا و ده كوتش جميل طبعا و عجبتني في النقطه دي ... رغم ان الجنوط الاسبور شكلها مش ظريف خالص و لا يقارن بجنوط السيراتو الجديده ال sx ... السيراتو بتنزل كونتينتال او نكسين كوري يعني في الكوتش الفلوينس تتفوق و في الجنط السيراتو تتفوق
٣- الاستبن ١٥ عادي مش جنط ١٦ اسبور... ده كلام؟؟؟ ده غابور اللي بنقول عليه بيقلب العربيات معملهاش في الالنترا!!! طبعا السيراتو الاستبن ١٧ اسبور
٤- عجبتني العدادات الجديده في الفلوينس و شكلها جميل بصراحه و تحس انها حاجه مودرن بس معجبنيش شكل الكاسيت و التكييف خالص ... زرايرهم صغيره و مفهومش اي لمسات جماليه او نواكل او حاجه تديك احساس بالفخامه ... شكلهم و اضائتهم عقيمه بصراحه و تصممهم تحس انه قديم اوي و مش ماشين مع العدادات الديجتال المودرن دي خالص
٥- زراير التاره قليله قوي بالمقارنه مع زراير تاره السيراتو sx كمان زراير التاره مش يتنور او ضلمه قوي يعني كنت منور التابلوه و مش شايفهم!!! ده كلام!! نفس الكلام زرار باب الراكب الامامي و البيبان الخلفيه مش بتنور !!! العربيه ضلمه قوي بالليل و كئيبه جنب اضائه تاره و بيبان و كنسول السيراتو!!!
٦- الاريل لقيته مش مدمج في الزجاج و كل شويه حقعد افك و اركب علشان ميتسرقش ... في السيراتو ترتاح من النقطه دي
٧- الفانوس الامامي و الخلفي شكلهم عادي جدا طبعا السيراتو بفوانيسها الاماميه و الخلفيه الليدات شكلهم افضل طبعا
٧-اوكر البيبان خامتها وحشه و لونها الفضي ده حيتمسح مع الوقت ... اوكر بيبان السيراتو الجديده تحفه بصراحه تحس فعلا بالجوده العاليه فيها و بتنور بالليل مع المريات و شكلها بيبقي جميل قوي
٨- المرايات اضائتها عاديه و شكلها متوسط و مش بتقفل للاخر ... مرايات السيراتو تصممها افضل و اضائتها ليدات و شكلها اجمل
٩- ارتفاع العربيه كويس جدا و صعب تحك في المطبات حتي لو محمله

دي الانطباعات الاوليه ... انا سوقت السيراتو الجديده ٣ مرات و عجبتني جدا ... سوقت الفلوينس مره واحده من سنه الشكل قبل الفيس ليفت ... اليومين الجاين حرتب اني اسوق الفلوينس تاني بس الشكل القديم لاني معرفش حد معاه الشكل الجديد و حعمل مقارنه بينهم بمنتهي الامانه من حيث :
١- power steering
٢- suspension, stability &handling on low/high speed
٣- power and accleration
٤- gearbox
٥- aircon

استنونا ... اوعو تروحو في اي حتا