الموضوع: سيراتو ولا فلونس

المشاركة الأصلية كتبت بواسطة ALshahba

ومن وجهة نظري المتواضعه انا انظر لاي عربيه فى الاشياء التاليه باستثناء الترتيب:
- السحب الاولي
- السحب العام
- الامان (بجميع انواعه)
- قوة البودي
- قطع الغيار واعتماديتها
- الكماليات بانواعها
- السعر العام وقطع الغيار (ودي نقطه ممكن توقف جميع النقط السابقه)

+1111
عندك حق و متفق معاك تماما ... اسعار الكورى زادت بشكل مستفز

المشاركة الأصلية كتبت بواسطة Ahmed A.Maksoud

الكوري المصري غير الكوري الأجنبي..........و أكيد أنت عارف.

ده حتى أنت نفسك بتقول أن السيراتو اللي أقل من sx ملهاش لازمة و السيراتو sx او أعلى تقفليها أو خامتها أحسن.

الكوري بينزل فى أمريكا بمواصفات قياسية أمريكية........ميقدروش ينزلوا أقل منها

بس الكوري بينزل فى مصر بمواصفات على كيف الوكيل و بمزاجه

الكوريين معندهمش مشكلة انه يفضى العربية من أى حاجة طالما هيبيع.........على عكس الأوروبيين فى الموضوع ده.

فعلا انا قلت السيراتو اللى اقل من sx خامتها و الفنش معجبنيش, بس مينفعش نقارن الفلوينس باول فئة فى السيراتو و نقول خامات السيراتو وحشة!!!

لو بنقارن فلوينس بسيراتو lx or ex يبقى الفلوينس افضل طبعا ... بس هو الكورى كده فى العالم كله مش مصر بس, يعنى اول فئات سيراتو فى الخليجى برده بلاستيك و اول فئات فى امريكا نفس الكلام و نفس الخامات البلاستيك السيئة ... الكورى كدة على اد فلوسك تاخد و فعلا اهم حاجة عنده يوفر اختيارات مختلفة للمشترى و كل واحد يختار اللى يناسبة.

بتفرق فى اوربا و امريكا فقط فى تجهيزات الامان لان القوانين بتمنع دخول السيارة من غير وسائل الامان ... يعنى الفرق فى وسائل الامان فقط و اهى عندك موجوده فى فئة sx ... بره فى زياده esp علشان التلج و المطر الكتير و طبعا ال esp بيفرق جامد ساعتها.

بعدين وكيل كيا فى مصر كويس و مواصفات السيراتو وكيل افضل من الخليجى كمان!!! مواصفات الكورى فى مصر من اول فئة sx ممتازة و مش زى مانت فاهم ... روح اركبها فى اى معرض و قولى خامات الفلوينس افضل فى ايه؟؟

المشاركة الأصلية كتبت بواسطة Ahmed A.Maksoud

يا باشا أنت بتقول بنفسك..........القوانين فى أوروبا و أمريكا بتمنع دخول السيارة بدون وسائل الأمان القياسية عندهم.................الموضوع ملهوش علاقة بالتقفيل.

يعني لو وسائل الأمان القياسية هى اللى فى ال sx يبقى مش هتلاقي أقل منها عندهم.......و ده يثبت كلامي أن الكوري المصري غير الكوري الأجنبي.

و على فكرة أنا قولتلك أني ركبت السيراتو......مش عارف أي فئة بس اللى متأكد منه أن سعرها كان معدي ال 180 ألف............أعتقد دي ال sx ولا أيه ؟

و ركبت برضه الفليوانس الجديدة...........بصراحة و بدون تحيز الفليونس عاجباني أكتر كخامات و تقفيل..........و صدقنى لو كانت السيراتو أحسن كنت هقول.

لا طبعا بتنزل هناك lx - ex بنفس الخامات البلاستيك السيئه بس فيها ايرباجز و esp ... و ال sx اللي عندنا افضل منهم طبعا في الخامات ...

بص خلينا نفرق بين الخامات و التصميم ... انا متفق معاك تماما ان الفلوينس e3 خامات و التقفيل انضف من السيراتو lx - ex و في نفس مستوي ال sx و يمكن افضل كمان بس كتصميم مين افضل؟؟؟ استاذنك روح لمعرض عنده العربيتن بالليل و نور العداد في العربيتن و قارن الاضاءه الحمرا في السيراتو بالاضاءة البيضا في الفلوينس

دي مقارنه تانيه عاملها موقع carcomparisons بين الالنترا و الفلوينس
Renault Fluence versus Hyundai Elantra | Car Comparisons
الهيونداي النترا الكوري افضل من الفلوينس الاوربيه الجميله في كل نقاط التقييم !!!! بس السؤال اللي انا مستغربله هما اذاي بيقارنوا كوري باوربي؟؟؟ !!!

الحاجه الاخيره الل ي عايز اقولها انا شايف الفلوينس جميله جدا و تتفوق علي السيراتو في حاجات و السيراتو تتفوق عليها في حجات و لو حشتري حبقي محتار بينهم جدا و مش بعيد اجيب فلوينس في النهايه ... مكدبش عليك الشيطان اوقات بيلعب في دماغي هاهاها

عمال ادور علي مقارنات اجنبيه بين الفلوينس و السيراتو ملقتش علشان السيراتو لسه جديده بس لقيت مع الالنترا
دي مقارنا تاني من موقع هندي بين الفلوينس - النترا - كورولا - كروز - اوكتافيا - جيتا
Hyundai Elantra and its key rivals
بس اللي لفت نظري ان سعر الفلوينس هناك في الهند برده ارخص من الالنترا !!! بس ده يمكن علشان تجهيزات الالنترا اكتر

المشاركة الأصلية كتبت بواسطة ALshahba

بعد التأكد لقيت سعرها حوالي 187الف ج
برضو اعتقد سعرها غالي جدا عن اختها الموديل الاسبق

السيراتو sx عامله 179 لان عليها خصم 6 الاف جنيه و فيه اماكن بتبعها ب 178 و ده لفتره محدوده .... رحت شفت الفلوينس تاني و عربيه جميله جدا والعربيتين فعلا احلي من بعض

الخامات و التقفيل في الفلوينس كويسه ... بس برده مش اول فئه و عموما الفلوينس تقارن بسيراتو sx و لو اتقارنت بال lx or ex يبقي الفلوينس تكسب

قارن فلوينس الفئه الثالته e3 اللي سعرها ١٧٨ مع سيراتو sx و حتلاقي المقارنه صعبه اوي و كل عربيه تتميز بحاجات