تجربه الزواج من فتكات

**المعداوي** · 28-10-2013 11:52 AM

أنا ليا تجربة بسيطة مع مواقع الزواج على النت و هي بإختصار إن الكدب صفة أصيلة في معظم اللي مشتركين في هذه المواقع انا وقتها كنت مدير حسابات في شركة عالمية في القاهرة بس نتيجة لظروف شغلي و ساعات عملي الطويلة كان صعب الاقي وقت اتعرف على بنت و بما إني مابحبش جواز الصالونات فققرت الإتجاه للنت و قلت اجرب و ورزقي على الله . شاب عمره 29 سنة و راتب محترم جدا و عندي شقة تمليك في موقع كويس. المهم و بدأت رحلة العذاب اولا زي ما الإخوة تفضلوا واحدة تقولك عايزة واحد متدين و بعدين تكتشف إن الدين اخر إهتماماتها طب ده انا مرة كنت بكلم واحدة في التليفون و سمعت واحد بيشتم شتيمة أقل مايقال عنها إنها تدخل جهنم و بعد كده عرفت إنه أبوها هو اللي كان بيتخانق مع الجيران !!!
و نظرا لأني من القاهرة فكنت حاطط شرط إني عايز عروسة من القاهرة نظرا لضيق وقتي و مش معقول كل ما احب أشوف خطيبتي أسافر فمن ضمن الكدب الي حصلي مرتين اني اتكلم مع عروسة مفترضة على الموبايل و لفترة يعني أسبوعين كده و ساعة الجد مرة تطلع من أسيوط و مرة من فاقوس شرقية :)
و اللي تقولك طويلة و بيضا و تروح تشوفها تلاقيها 150 سم و سمرا و تخينة (أنا مش بعترض على خلقة ربنا و العياذ بالله) بس إنت بتبقى مجهز نفسك على حاجة تروح تنصدم بحاجة تانية
المهم بعد عدة محاولات فاشلة قررت أقفل موضوع النت و قلت نصيبي حيجيلي و حصل
و الحمد لله عندي ولد و بنت ربنا يحفظهم

**ahmed4000** · 28-10-2013 01:04 PM

اه لو كل واحد قبل ميدب الكلمة يتخيل ان بنته او اخته كبر بيها السن ومش لاقية عريس

**#MAAM#** · 28-10-2013 01:06 PM

المشاركة الأصلية كتبت بواسطة ahmed4000

اه لو كل واحد قبل ميدب الكلمة يتخيل ان بنته او اخته كبر بيها السن ومش لاقية عريس

فعلا والله بيصعبوا عليا جدا بحس ان هما مكسورين .......... ربنا يصلح لهم الحال يارب

**ahmed4000** · 28-10-2013 01:13 PM

المشاركة الأصلية كتبت بواسطة #MAAM#

فعلا والله بيصعبوا عليا جدا بحس ان هما مكسورين .......... ربنا يصلح لهم الحال يارب

هما مختلفين عنا
انت ممكن يبقى عندك 40 سنة وفرحان انك عازب
لكن هى من بعد 25 سنة بتبدا تقلق وكلام الناس زى مانت شايف

ربنا ميكتبهاش على حد

**#MAAM#** · 28-10-2013 01:59 PM

المشاركة الأصلية كتبت بواسطة ahmed4000

هما مختلفين عنا
انت ممكن يبقى عندك 40 سنة وفرحان انك عازب
لكن هى من بعد 25 سنة بتبدا تقلق وكلام الناس زى مانت شايف

ربنا ميكتبهاش على حد

**prof2013** · 28-10-2013 02:34 PM

بصراحه المفروض الموضوع دا يدخل موسوعه جينيس حقق رقم قياسي في عدد المشاهدات والمشاركات في اقل من 48 ساعه ههههههههههههه

**prof2013** · 28-10-2013 03:59 PM

مفيش تناقض ولا حاجه الراجل بيقول لازما تتنازل واي شاب في الدنيا مش بيحلم بمطلقه ولكن بعد عدة تجارب مع الانسات قولت البنات دي لسه عقلهم صغير ومش فاهمين الحياه .... فقولت نجرب المطلقات زي ما حضرتك قولتي كده بتبقى اكثر وعيا ورقيا واكثر تحملا للمسئوليه بس طلعوا فشنك في الاخر الا بقى بتبقى حالات نادرة وكله شيء نصيب

**cameeron** · 28-10-2013 09:35 PM

طب يا جدعان ما بدل ما احنا عمالين نتبادل اراء و كلام لا هيودى و لا هيجيب ما نعمل على طول موضوع جديد للى عايز عريس او عروسة على غرار فتكات و احنا منتدى مش صغير و المستوى الفكرى هنا اكيد هيكون اعلى و الموضوع هيتنظم و يكبر مع الوقت لان فعلا الموضوع ده لما بيعصلج بيعمل للواحد مشكلة جامدة سواء ولد و الا بنت

**prof2013** · 28-10-2013 09:47 PM

المشاركة الأصلية كتبت بواسطة cameeron

طب يا جدعان ما بدل ما احنا عمالين نتبادل اراء و كلام لا هيودى و لا هيجيب ما نعمل على طول موضوع جديد للى عايز عريس او عروسة على غرار فتكات و احنا منتدى مش صغير و المستوى الفكرى هنا اكيد هيكون اعلى و الموضوع هيتنظم و يكبر مع الوقت لان فعلا الموضوع ده لما بيعصلج بيعمل للواحد مشكلة جامدة سواء ولد و الا بنت

معاك ياباشا في الفكرة ممكن نبعت للادارة يفتحولنا قسم مخصوص مش موضوع ويتفرع منه قسمين واحد للعرسان وواحد للعرايس وممنوع وضع ايميلات او ارقام موبايل والتواصل يبقى مع اهل العروسه مباشرة بعد الموافقه المبدئيه بين العروسه والعريس

**cameeron** · 28-10-2013 10:26 PM

المشاركة الأصلية كتبت بواسطة prof2013

معاك ياباشا في الفكرة ممكن نبعت للادارة يفتحولنا قسم مخصوص مش موضوع ويتفرع منه قسمين واحد للعرسان وواحد للعرايس وممنوع وضع ايميلات او ارقام موبايل والتواصل يبقى مع اهل العروسه مباشرة بعد الموافقه المبدئيه بين العروسه والعريس

طبعا كلام جميل بس خللينا مانكبرش الفكرة مرة واحدةعلشان ماتفشلش و نحرق المنتدى فى الفكرة دى خللينا قبل ما نطلب قسم مخصوص من الادارة اننا نعمل موضوع باجزاء و نكتب فيه الطلبات على غرار فتكات زى كده

مواصفات العروسة:
السن: ............
الجنسية: .............
بلد الإقامة: ..........
المحافظة: ..........
مدينة: ..........
لون الشعر: ..........
لون العينين: ..........
شكل الجسم: ..........
الطول: ..........
الوزن: ..........
لون البشرة: ..........
مستوى التعليم: ...............
التخصص: ..........
العمل: ..........
الديانة: ..........
الحالة الإجتماعية: ..........
ترغب في إنجاب الاطفال:..........
الدخل الشهري: ............
حالة الوالدين: ...............
- وظيفة الوالد:................
- وظيفة الوالدة: ............
عدد الاشقاء: الذكور: .................
الإناث: ........................
مستوى التدين: ....................
الحجاب: ....................
مدخنة: .....................
عن العروسة :....................................

المواصفات المطلوبة للعريس

السن: ........................
الجنسية: ............
بلد الإقامة: ....................
المحافظة: ..........................
شكل الجسم:.....................
الطول: ..........................
الوزن: ..............................
لون البشرة: .....................
مستوى التعليم:................................... ..
العمل: ......................................
الديانة: ................
الحالة الإجتماعية: ................
يوجد أطفال:.....................
يرغب في إنجاب الاطفال:....................
الدخل الشهري: ............................................
مستوى التدين: .........................
ملتحي: ..................
مدخن:....................
حالة الوالدين:.....................
وظيفة الاب:....................
وظيفة الام:......................
عدد الاشقاء الذكور:...............
الاناث:...........................
نوع السيارة: ..................
الشقة:.............
امكانية التعدد: .................
السفر الى الخارج: ....................
عن العريس:............................

و على فكرة صعب ان حد يكدب او يستغل القصة دى غلط لانه هيتفضح على المنتدى و هيبقى موقفه زباله

و بعد نجاح الموضوع ممكن نحوله لقسم و لكن تدريجيا و هيبقى وقتها بتنظيم اكبر

الموضوع: تجربه الزواج من فتكات

LinkBack

أدوات الموضوع

عرض

العرض المتطور

-

-

-

-

-

-

المواضيع المتشابهه

ψ▓ هو المنتدى مالوا أزرق كده وبقه عامل زي فتكات !!

تجربه قياده الضفدعه احم قصدي الفوليستر و يا لها من تجربه

مين مراته مطلعه عينه بسبب فتكات

النتائج المترتبة على الزواج الثاني ردا على موضوع منافع الزواج الثاني

الكلمات الدلالية لهذا الموضوع

المفضلات

المفضلات

ضوابط المشاركة