الموضوع: تجربه الزواج من فتكات

مره دخلت علي فتكات ده من باب التجربه

كل اللي شوفته هناك ما هو الا

هراء و قرف فكري و قذاره فكريه عميقه

لا بجد كميه تفاهات و نفسنه و امراض نفسيه ملهاش حدود

احكيلكم تجربتي .....
بدأت الحكايه اني كنت قاعد فاضي في مرة وبقلب في جوجل على اي حاجه المهم دخلني على موضوع في فتكات قريته وجبت الصفحه الرئيسيه بتاع الموقع وبقلب في اقسامه لقيت قسم للزواج قولت الله !!! هما عاملين قسم للزواج اما ادخل اشوف فيه ايه ؟ المهم لقيت عروض كتيرة قدامي واكتر شيء عجبني فيه انه مجاني بدون مقابل روحت عامل عضويه باسم بنت لاني اعرف انه للبنات فقط ودخلت اتواصل واراسل بنات ع العام وع الخاص لقيت بعد يومين العضويه اتحظرت
انا بقى افتكرت اني هلاقي نصيبي بسرعه لاني هتعامل مع بنات امم لاحظوا ان المنتدى عليه ييجي اكتر من مليون عضوة على مستوى الدول العربيه
وبقيت كل ما اتقفش اعمل عضويه جديده واتواصل راسلت ييجي خمستلاف خمسوميه رقم كده ما اعرفوش هههههههههههه وفي الاخر ما حصلش نصيب مع اي واحده لاحظوا اننا بنتعامل مع عدد كبير جدا من البنات وفيه منهم كتير سيدات وعندهم بنات يعني كل المواصفات اللي انت عايزها المفروض المفروض تلاقيها على الاقل في واحده من دول (بقالي معاهم كده حوالي 6 شهور 12+1+2+3 متواصله اما باقي الشهور لحد دالوقتي فبقيت اخطف كده وابص بصه واطلع تاني من غير مراسلات
نستخلص بقى من دا كله وبعد فترة من التعامل مجموعه ملاحظات اللي هي ايه ؟؟؟؟؟
1-النفسنه اللي عند بنات مصر تخللت كل بيت وظهرت اثارها حتى على النت مش على ارض الواقع بس يعني في مرة واحده من المغرب كانت عامله اعلان عن نفسها وعايزة زوج صالح راحوا بنات مصر دخلوا فيها شمال اللي تقولها ياحبيبتي شباب بلدك اولى بيكي واللي تقولها مش اما اللي هنا يتجوزوا الاول !!! واللي تقولها معلش ياحبيبي اجلي الموضوع دا دالوقتي لاننا عندنا منتج بما فيه الكفايه ولسه مش حابين نستورد دالوقتي ههههههههههههههه
2-كنت بقفش بنات كتيرة عاملين الاعلان عن نفسهم هههههههه مش صاحبتهم زي ما هما كاتبين في الموضوع وكنت بعرفها من خلال البروفايل بتاعها والبيانات اللي كاتباها عن نفسها .... يعني من اولها كدب كده ياستي قولي انك انتي العروسه وعايزة زوج صالح ما فيهاش حاجه دا فيه واحده وهبت نفسها للرسول فأنتي مفيش مشكله تهبي نفسك لواحد انتي واثقه فيه او واحد انتي عايزاه ملتزم وكده يعني
3- لاحظت بردو ان فيه بنات بتحب تفرد عضلاتها يعني بتحب الفشخرة الكدابه تقولك ايه مثلا عندي اختي ما شاء الله قمر وبيضه وخريجه هندسه وبتحضر ماجستير ومنقبه بصوا من الاخر هي الحور العين هههههههههههههههههههه والبنات يقعدوا يغنولها ما شاء الله ياحبيتي ربنا يخليهالك واللي ترد عليها تقولها عندي عريس دكتور في الجامعه خخخخخخخخخ يعني دا محتاج حد يدورلوا !!! كفايه البنات اللي في الجامعه عندوا اشكال والوان (عته عته عته)
4- فيه بنات بتحب تقيم نفسها ازاي تدخل تعمل اعلان وتكتب مواصفاتها على انها واحده صاحبتها وتشوف المستويات اللي ممكن تجيلها بمعنى اصح بيبقى موضوع من غير جديه المهم تشوف اراء الناس فيها وكده وبعدين تخلع
5-وفيه ناس تانيه تحب تحشر نفسها في اللي ملهاش فيه يعني مثلا واحده خريجه حقوق ولا تعمل وعايزة واحد خريج هندسه ودخله اكتر من 3000 الاف جنيه تيجي واحده تقولها هو انتي كذا وعايزه كذا لازما تتنازلي ياحبيبتي صعب تلاقي واحد بالمواصفات دي النهارده (بصراحه في دي معاها حق)
6- في مرة واحده كانت عامله موضوع لواحد من زوي الاحتياجات الخاصه فواحده عرضت نفسها وقالت انا عايزاه جات واحده ردت عليها وقالتلها بس ياهبله اي واحد معاق لازما ياخدها معاقه زيه ولو واحده سليمه رضيت بكده يبقى بتظلم نفسها (منهم لله مش سايبينا في حالنا)ههههههههههههه
7- تلاقي بنات من المنصورة عاملين في المواصفات المطلوبه ان العريس يكون من المنصورة طيب افرض لقيتي واحد من بني سويف زي حالاتي كده وفيه المواصفات اللي انتي عايزاها مش لازما يعني من نفس المحافظه تقولك لاء لازما يكون من هنا وعلى هذا الوضع مع بنات كتيرة في المنتدى على نفس الشاكله
طيب يا بنت التيت انتي وهي لما انتي مش عايزة تخرجي بره محافظتك بتعملي اعلان ليييييه ؟؟؟
المفروض اننا بنعمل اعلان علشان مش لاقيين المواصفات المطلوبه في بلدنا وبالتالي ربما يكون النصيب من بلد تانيه او من دوله تانيه خالص
...................
فيه حاجات تانيه بس الذاكرة لم تسعفني لما افتكر حاجه تانيه هقولها هنا على طول
ملحوظه : اغلب بنات فتكات فلووووووووول ولا فاهمين حاجه في اي حاجه صدق اللي قال عقلهم في ......... بلاش بقى