صيانة 5000 لصنى الجديدة

**mzkader** · 28-10-2013 08:51 AM

المشاركة الأصلية كتبت بواسطة toty_305

-ربنا معاك في حكاية التيل و الطنابير قطع استهلاكية المفروض تكون ذات جودة

ربنا يخليك و عندك حق المفروض تكون الحاجات متوفرة بس المشكلة أن الشكوة موجودة فى كل الأنتاج القديم فالتغير حاليا لكل العربيات القديمة بالاضافة للأنتاج الحديث لذلك السحب عالى جدا و بيخلصوا على طول و لكن يحسب للتوكيل الاعتراف بالخطاء و محاولة تصحيحه تلقائيا لان الواحد بيسمع عن توكيلات سيئة لو رحتلهم عشان مشكلة تيل و تنابير هايدفعوك ثمن التغير :)

**mamdouhsh1973** · 28-10-2013 09:14 AM

المشاركة الأصلية كتبت بواسطة mzkader

هى وصلة من طرفين (جاك) واحد بيركب فى الكاسيت و الثانى فى الموبيل أو أم بى ثرى أو أى بود و بيشتغل على سماعات العربية و ممكن تتكلم فى الموبيل و تسمع عن طريق سماعات العربية

شكرا على المعلومات المفيدة

**ramymoharram** · 28-10-2013 01:04 PM

هوا حضرتك كنت في توكيل ايه....أوتو ايجيبت ولا مودرن ولا السبع

**mzkader** · 28-10-2013 01:15 PM

المشاركة الأصلية كتبت بواسطة mamdouhsh1973

شكرا على المعلومات المفيدة

العفو يا فندم

**mzkader** · 28-10-2013 01:15 PM

المشاركة الأصلية كتبت بواسطة ramymoharram

هوا حضرتك كنت في توكيل ايه....أوتو ايجيبت ولا مودرن ولا السبع

أوتو إيجيبت

**Farouk fox** · 21-11-2013 11:56 PM

السلام عليكم

انا معايا نيو صني عامله 1000 لسه الصيانه

في حاجه لاحظتها مش عارف دي وسوسه ولا ايه

اما بنكون علي ال p الدركسيون بيكون مفهوش اي حركه او زنه
اما بجيب ال D او ازود وانا واقف او امشي بيكون في زي زنه في الدركسيون متتشفش بس تتحس وانت ماسك الطاره مش عارف ده عيب ولا وسوسه مني مع العلم العربيه علي السرعات العاليه لا فيها حدفه او رجه الحمدلله

**edodahab** · 22-11-2013 11:40 AM

ممكن تبلغهم فى صيانة الألف

**theblackpirate** · 24-11-2013 10:34 PM

وصله aux دى حضرتك اشترتها منين
وعند حضرتك معلومه نفس نوع التيل والطنابير بيركبوا مكان القديم ولا نوع جديد عشان هما غيرولى فى الضمان التيل والطنابيرفى صيانه 15000 وللاسف لبست فى عربيه على كوبرى الجلاء بسبب طول مشوار البدال تانى

**mzkader** · 25-11-2013 10:00 AM

المشاركة الأصلية كتبت بواسطة farouk fox

السلام عليكم

انا معايا نيو صني عامله 1000 لسه الصيانه

في حاجه لاحظتها مش عارف دي وسوسه ولا ايه

اما بنكون علي ال p الدركسيون بيكون مفهوش اي حركه او زنه
اما بجيب ال d او ازود وانا واقف او امشي بيكون في زي زنه في الدركسيون متتشفش بس تتحس وانت ماسك الطاره مش عارف ده عيب ولا وسوسه مني مع العلم العربيه علي السرعات العاليه لا فيها حدفه او رجه الحمدلله

و عليكم السلام
انا عن نفسى مابحسش بالموضوع ده بس عشان تتاكد حاول تشوف حد من اصحابك معاه نفس العربية و تجربها و إن شاء الله و أنت فى الصيانة بلغهم عشان تتأكد

**mzkader** · 25-11-2013 10:28 AM

المشاركة الأصلية كتبت بواسطة theblackpirate

وصله aux دى حضرتك اشترتها منين
وعند حضرتك معلومه نفس نوع التيل والطنابير بيركبوا مكان القديم ولا نوع جديد عشان هما غيرولى فى الضمان التيل والطنابيرفى صيانه 15000 وللاسف لبست فى عربيه على كوبرى الجلاء بسبب طول مشوار البدال تانى

الوصلة كنت واخدها من واحد صاحبى بس هى أكيد بتتباع فى راديو شاك و ممكن عند بتوع الكاسيتات و بالنسبة للطنابير و التيل انا لسه ماروحتش مش لاقى وقت بصراحة.
و ربنا يعوض عليك فى موضوع الحادثة و لما اروح أغير إن شاء الله هاتأكد منهم عن النوع