صيانة 5000 لصنى الجديدة

**mzkader** · 27-10-2013 11:41 AM

بالأمس قمت بعمل صيانة الــ 5000 و لكن العداد كان 7500 تقريبا فى أوتو إيجيبت الصيانة كانت عبارة عن تربيط عفشة و تشحيمها و تشيك على العربية. المهم أنا كان عندى شكوة من الفرامل بسبب طول مشوار البدال يعنى الدواسة واطية لكن التجميع كويس و السماعة الشمال بالامام مش شغالة و طلع العيب من وصلة الــ aux المهم بعد الصيانة ماخلصت المهندس قالى أن العيب من التنابير و التيل و هايتغيروا فى الضمان بس هما مش متواجدين حاليا و قالى المتابعة تكون بالتليفون و بدون أى تكلفة :) بصراحة توكيل محترم الناس شافت العيب و أعترفت بيه و خدت قرار التغير بدون أى نقاش مع العميل :)

**grumby78** · 27-10-2013 07:43 PM

مبروك يافندم الصيانه وبالتوفيق

**J A G U A R** · 27-10-2013 09:12 PM

مبروك يا باشا على الصيانه وربنا يباركلك فيها .

**sherif1986** · 27-10-2013 11:10 PM

باشا الصيانه تكلفتها كام بالظبط ؟ وبيعملوا ايه للعربيه ؟

**toty_305** · 28-10-2013 12:41 AM

-ربنا معاك في حكاية التيل و الطنابير قطع استهلاكية المفروض تكون ذات جودة

**mzkader** · 28-10-2013 08:32 AM

المشاركة الأصلية كتبت بواسطة grumby78

مبروك يافندم الصيانه وبالتوفيق

الله يبارك فى حضرتك و بالتوفيق للجميع

**mzkader** · 28-10-2013 08:33 AM

المشاركة الأصلية كتبت بواسطة mohamed2013201

مبروك يا باشا على الصيانه وربنا يباركلك فيها .

الله يبارك فيك و يحفظك

**mzkader** · 28-10-2013 08:36 AM

المشاركة الأصلية كتبت بواسطة mamdouhsh1973

هى وصلة aux بتعمل اية وبتشتغل ازاى

هى وصلة من طرفين (جاك) واحد بيركب فى الكاسيت و الثانى فى الموبيل أو أم بى ثرى أو أى بود و بيشتغل على سماعات العربية و ممكن تتكلم فى الموبيل و تسمع عن طريق سماعات العربية

**mzkader** · 28-10-2013 08:42 AM

المشاركة الأصلية كتبت بواسطة sherif1986

باشا الصيانه تكلفتها كام بالظبط ؟ وبيعملوا ايه للعربيه ؟

الصيانة اتكلفت 159 جنيه عبارة عن 100 مصنعية و 48 جنية ثمن اسبراى تشحيم العربية و فوم غسيل الموتور لو عايز تغسله و الباقى ضريبة و أنا دفعت 59 جنيه بس عشان كان معايا بون خصم بــ 100 جنيه من صيانة الــ 1000 كيلو.
و زى ما انا موضح الصيانة عبارة عن طربيط العغشة و شافوا شكوتى من الفرامل و وصلوا العربية على الجهاز عشان يشيكوا عليها و بعدين غسلوها بره و جوه و الموتور.