الموضوع: أهل الخبرة فى السماعات الصوتية 5.1 !!

المشاركة الأصلية كتبت بواسطة dede_dodo88

يعني الاسئلة التقليدية, منين و بكام و كده,
و الاسئلة الفنية, صوتهم يفرق في ايه عن اي حاجة تاني, و لو في خواص مميزة زي بلوتوث مثلاً, ممكن توصل لحد كام جهاز,
يعني من الاخر, ايه اللي يخليني اجيب دي و مجيبش lg مثلاً..
بس كته :)

بص ياسيدى
هنا فى توكيل اونكيو ب 9500 جنيه ووصله لحد 8000 جنيه
انا جبته من الكويت عن طريق صديق ليا هناك اشتراه ليا وشحنه
سعره 250 دينار وكان عليه عرض بقه ب 170 دينار + 30 شحن
والراجل بتاع الشحن اللى عرفنى بيه الأستاذ شريف منسى ( horas3000 ) زميلنا هنا وأحب اشكره تانى :)
وقف عليا ب 5500 جنيه تقريبا بعد كل حاجة

من حيث الصوت بقه فهو تحفة طبعا وسينما بحق وحقيقى

بيدعم ال Dolby Atmos ودى تقنية جديدة وصوت 360 درجة
ودول سماعات محطوطة على السماعتين الفرونت أفقى وبيضربوا فى السقف
وده فيديو بيوضح التقنية

https://www.youtube.com/watch?v=b5sAsZyRm_k

ده شكل المسرح والحاجات اللى بيدعمها أهمهم ال Dolby Atmos + DTS + واى فاى + بلوتوث



فيه 7 مداخل HDMI وجميع المداخل اللى تتخيلها ودى صوره للمداخل



وده لينك للموديل من موقع الشركة

HT-S7705 | ONKYO Asia and Oceania Website

اللى يخليك بقه متجبش lg او سامسونج انك مش هتلاقى عندهم ريسيفرات زى الاونكيو او الياماها او اى شركة متخصصة فى مجال الصوتيات
والريسيفر ده هو المتحكم فى الصوت وجودته والمداخل والمخارج ودعم الصوتيات
كذالك السماعات والصب ووفر ودول ليهم معايير فى التصنيع وهتلاقيهم فى سامسونج او LG مثلا بلاستيك فى بلاستيك
عكس الشركات المتخصصة هتلاقيهم خشب فى خشب واوزان تقيلة

انا عايز اقولك الرسيفر لوحده 10 كيلو ونص والمسرح كامل 30 او 35 كيلو تقريبا :)

بس كده :)