اختبار الكوروﻻ 2014 في المطبات

**Mohamed.Hany** · 28-10-2013 03:46 PM

المشاركة الأصلية كتبت بواسطة abofandy

هو كان حاجز مع مين صاحبك الى استلم امبارح
اسم مندوب المبيعات ؟

للأسف واسطة تبع المخابرات و حجز مع حد كبير قوى في تويوتا ايجيبت. و كانو بيتحايلو عليه يستلم قبل العيد من غير ورق بس هو رفض.
وبالمناسبة الحجز كان من ابو رواش و طلب منهم ان التسليم يكون في العباسية.
وهو رخص العربية النهاردة و مبسوط بيها قوى واكدلي انو محكش في مطبات حتي الان.

**Mohamed.Hany** · 28-10-2013 03:52 PM

المشاركة الأصلية كتبت بواسطة هشام السمالوطى

سؤال سريع....امبارح كنت فى التوكيل وكنت عايز الفئه التانيه اوتوماتيك..ولقيتها حجز واستلام 3 شهورده طبيعى ولكن...يوجد الفئه الاولى اوتوماتيك تسليم فورى ولون مش عايزه قوى....انا عايز برونزى..والمتوفر ابيض ورمادى...اتوكل على الله واستلم فورى ام 175 الف ولا استنى الفئه التانيه..سؤالى فرق الاوبشنز يستاهل الانتظار 3 اشهر؟؟

الفرق 10000 جنيه و تزود
1.بلوتوث
2.تحكم في الموبايل
3.تكييف اوتوماتيك dual zone
4. سماعات 6 بدل من 4
5.مسند يد متحرك بدرج تخزين
6.جنوط سبور
7.تارة من الجلد
8.مرايات جانبية ملونة قابلة للطي و بها سخانات للشبورة.
9.حساسات ركن امامية و خلفية.
10.اوتو بارك
11.فوج لايت
12.حامل اكواب خلفي
13.voice recognition
14. مثبت سرعة

بصراحة يا بلااااااااش, انت رأيك اييييه؟

**Mohamed.Hany** · 28-10-2013 03:53 PM

المشاركة الأصلية كتبت بواسطة tameeem

حد يعرف الهايلاين فيها تسليم فورى ولا لا فى التوكيل ؟؟ لانى بداات افكر فى الهايلاين لان سعر الفول اوبشن ممكن يزيد

اخر معلوماتي ان الموجود فورى الفئة الاولي فقط
لو عاوز تتأكد كلم 16550

**Hany Saad** · 28-10-2013 04:39 PM

المشاركة الأصلية كتبت بواسطة medo99_pc

العربيه مفيهاش الهوا، انا سافرت الصبح اسكندريه علي السبورت مود، ماشي ١٨٠ والعربيه ما شاء الله عليها ثبات وعزم .

بس العزل علي السرعات العاليه مش اوي يعني اخوك ١٦٠ مش حاسس بالطريق، اعلي من كده بتسمع صوت الهوا عالي شويه.

أولا ألف مبروك لحضرتك....أختيار موفق و ربنا يديك خيرها و يكفيك شرها....
أنا شايف أن فى عربيات حضرتك ميجان 2009 و دلوقتى معاك كورولا 2014، لو سمح وقتك ممكن بس تقارن بين الأتنين من جهة الثبات و العفشة و العزل.....أنا عارف أن الموديل الجديد من الكورولا أهتموا بالثبات و لكن عايز أعرف مقارنته مع الأوروبى

مبروك مرة أخرى و بلاش 180 دى فى شوارع المحروسة....و ربنا يحفظك من كل شر

**Hany Saad** · 28-10-2013 11:49 PM

المشاركة الأصلية كتبت بواسطة medo99_pc

الثبات الصراحه للميجان تكسب علي السرعات،
العزل تويوتا تكسب بس مش بقارق كبير
العفشه تويوتا تكسب
الاوبشنز الميجان تكسب من حيث كتر الاوبشنز

بس التويوتا ركوبتها مريحه وصوتها اهدي وعزمها اقوي.

أشكرك جدا على ردك الكريم، حضرتك أكدتلى نقطة معينة كنت محتاج أأكدها.....ألف مبروك مرة أخرى و عقبال كل الحاجزين لما يستلموا على خير...فعلا التويوتا قدرت تتفوق على نفسها بخلطة قوية فى هذا الموديل يجمع بين التصميم الثورى و كثرة الكماليات مع طبعا إعتمادية تويوتا المعهودة...مبروك لحاجزيها و ملاكها

**Mohamed.Hany** · 01-11-2013 05:56 PM

المشاركة الأصلية كتبت بواسطة engriri

الحمد لله استلمت العربية وكل الكلام الى تقال علبها على المطبات كلام مبالغ فية
العربية ارتفاعها مناسب انا من حلوان ومش هئلوكو على مطبات حلوان
كل الحكاية اى مطب عالى خدة الجنب

الف مبروك يا باشا
اييه الاخبار الجميلة دى، النا س بتبالغ يا باشا مع شوية تحابيييش. و المصيبة تلاقي واحد بيقول واطية و بتحك و متنفعش في مصر و هو اصلا مش معاه ولا حتي ركبها، العربية زى الفل.
طمنا استلمت امتي و منين و كنت حاجز امتي و اخبار التسليمات اييييه

**abofandy** · 01-11-2013 08:17 PM

الف مبروك يا باشا
اييه الاخبار الجميلة دى، النا س بتبالغ يا باشا مع شوية تحابيييش. و المصيبة تلاقي واحد بيقول واطية و بتحك و متنفعش في مصر و هو اصلا مش معاه ولا حتي ركبها، العربية زى الفل.
طمنا استلمت امتي و منين و كنت حاجز امتي و اخبار التسليمات اييييه

وكتاب الله
انا مضحكتش من قلبى زى ما ضحكت على التعليق دة والله ما ضحكت من زمان

انت فظييييييييييييييييييييييي ييييييييييييع
وربنا عسل يا صديقى العزير
ربنا يحميك يارب ا كمل ضحك وبعدين اقولك ضحكت لية

**abofandy** · 01-11-2013 08:24 PM

الحمد لله استلمت العربية وكل الكلام الى تقال علبها على المطبات كلام مبالغ فية
العربية ارتفاعها مناسب انا من حلوان ومش هئلوكو على مطبات حلوان
كل الحكاية اى مطب عالى خدة الجنب

الف مليون مبروك
انا فاكر ردودك في كل مواضيع القسم
كنت بتسال كل واحد استلم انه عايزه يكلمك عن العربية
وكنت كمان خايف ان تمن العربية يزيد والحمد لله انك استلمت على خير اهو وبدون زيادة
جه الدور عليك يا عزيزى انك انت الى تقولنا بقى لانك استلمت اهو قبلنا كلنا ((( قر ونق بقى )))

الف مبروك مرة تانية
انا فاكر انك حاجز لون برونزى على ما اعتقد بس مش فاكر حاجز منين ولا كنت حاجز بتاريخ اية ؟

-

الموضوع: اختبار الكوروﻻ 2014 في المطبات

LinkBack

أدوات الموضوع

عرض

-

-

-

-

-

-

المواضيع المتشابهه

وحوش الكوروﻻ افيدوني رجاء

هل البوما 2014 أعلى من البوما موديلات قديمه ولا برضه واطية في المطبات ؟؟

بروباجندا اختبار التصادم للكورولا 2014

ياللا نشوف رينو ميجان 2014 من المعرض :) Renault Megane 2014

ارجو المساعدة بسرعة 508 موديل 2012 ولا كورولا 2014 و لا فلونس 2014

الكلمات الدلالية لهذا الموضوع

المفضلات

المفضلات

ضوابط المشاركة