الموضوع: صوت زنة فى العربية

شوف يا أستاذ محمود فى كذا حاجة ولكن حضرتك مش موضح الزنة مصدر صوتها من قدام ولا ورا ولا فين ولكن مبدئيا هايكون الأتى وأن شاء الله تكون بسيطة :-
1- ممكن تكون الكارونة عندك ناقصة زيت أو فيها حاجة وأن شاء الله مش هاتكون .
2- أتأكد من بلى العجل كويس وأكشف عليه وشحم البليتين ألى قدام .
عمود الكردان ممكن يكون فية مشكلة يعنى ممكن تكون لقدر الله طلعت مطب عالى ورزع على عمود الكردان .
3 - الصلايب أكشف عليها وتشحمها لو سليمة .
4- كرسى النص دة مهم جداااااااااااا.
5- شوف الشكمان ممكن يكون على جسم العربية من تحت .
6- أعمل ششنة كدة على العربية كلها ممكن يكون حاجة مفكوكة مش مربوطة كويس مع السرعه تعمل صوت .
7- ودة الأحتمال الأكيد مية فى المية أن شاء الله هايكون قاعدة الفتيس ممكن تكون مش مربوطة كويس خلية يربطها كويس عشان بردة الزيت وأتأكد بردة من زيت الفتيس ونصيحة من أخوية غير الزيت كله مش هايكلفة 50 جنية الكارونة والفتيس .
شوف يا أستاذ محمود وطمنى وأن شاء الله هاتكون حاجة خفيفة بأذن الله وبردة الزملاس الأعزاء بلمنتدى هايفيدوك بردة أكتر منى .

شكرا يا جماعة على الاهتمام والنصحية وفعلا انا هاروح اغير زيت الفتيس والكارونة
وانا شاكك فعلا فى رلمان بلى العجل

- أتأكد من بلى العجل كويس وأكشف عليه وشحم البليتين ألى قدام .
3 - الصلايب أكشف عليها وتشحمها لو سليمة .
4- كرسى النص دة مهم جداااااااااااا.

السؤال بقى لما غيرت البيض من روسى لتركى قالولى كده ما تروحش المشحمة تانى خلاص مش محتاج تشحم حاجة فى العربية ودلوقتى بتقولوا تشحيم البليتين وتشحيم الصلايب انا مش فاهم
وبعدين ايه موضوع كرسى النص ده وفين مكانه وايه وظيفته
اما الصلايب كشفت عليها وانا بغير الاسطوانة والديسك وقالى زى الفل

المشاركة الأصلية كتبت بواسطة محمود سيد محمو

- أتأكد من بلى العجل كويس وأكشف عليه وشحم البليتين ألى قدام .
3 - الصلايب أكشف عليها وتشحمها لو سليمة .
4- كرسى النص دة مهم جداااااااااااا.

السؤال بقى لما غيرت البيض من روسى لتركى قالولى كده ما تروحش المشحمة تانى خلاص مش محتاج تشحم حاجة فى العربية ودلوقتى بتقولوا تشحيم البليتين وتشحيم الصلايب انا مش فاهم
وبعدين ايه موضوع كرسى النص ده وفين مكانه وايه وظيفته
اما الصلايب كشفت عليها وانا بغير الاسطوانة والديسك وقالى زى الفل

شوف يا أستاذ محمود البيض التركى من أفضل أنواع البيض للادا وهو مش بيتشحم بس أكشف عليه كل فترة تمام ودة خاص بالعفشة .
بخصوص البليتين ألى قدام دول جوة العجل الأمامى لعربيتك بتفك العجل ويشخمهم ليك عادى ولو فيهم حاجة يغيرهم ليك وكويس الحمد لله أن الصلايب سليمة .
كرسى النص دة عبارة عن قاعدة كاوتش جواها زى رولمان بلى كدة بتحط فيها منتصف عمود الكردان وبيكون فى نص العربية وفايدتة حمل عنود الكردان وتقليل المسافة والجعد الميكانيكى على العامود فى هذة النقطة .

شوف كدة وأحنا معاك

شكرا يا باشا على الرد وعلى الاهتمام
طيب اروح للميكانيكى والا العفشجى

المشاركة الأصلية كتبت بواسطة محمود سيد محمو

شكرا يا باشا على الرد وعلى الاهتمام
طيب اروح للميكانيكى والا العفشجى

أطلع على الميكانيكى أن شاء الله وحط شحم نوعة كويس وأن شاء الله الصوت يروح