سؤال هام لملاك بيجو 301 بخصوص عزل السيارة

**m.basha** · 28-10-2013 08:43 PM

السلام عليكم الحمد لله قربت استلم العربية ان شاء الله شوفت كلام كتير فى المنتدى عن عزل العربية من الداخل و فى ناس كانت بتقول ان صوت الكلاكس و انت قافل الزجاج صوته ملحوظ بالداخل و ناس كمان بتقول عند المشى بالعربية على سرعة 80 او 90 كده فى صوت هواء داخل السيارة وكان قالى الموضوع ده الاستاذ احمد شلبى زميلنا فى المنتدى وهو لسه مستلم العربية و ده كان ملاحظه ليه عن العربية مع العلم ان الراجل كمجمل بيشكر فيها جدا انا عن نفسى اعرف واحد زميلى معاه العربية من القاهرة و عامل بيها حوالى 15000 كيلو و مش بيحس اوى بموضوع صوت الهواء ده الا على السرعات العالية 140 و طالع و ده طبعا طبيعى فى اى عربيه بالسعر ده لاننا عشان من غير كذب على نفسنا مش راكبين مرسيدس المهم ياريت الملاك يفيدونا بارائهم المحترمة فى الموضوع ده و شكرا و اسف على الاطالة

**amrelsaqqa** · 28-10-2013 09:11 PM

انا بسمع صوت ونة هوا فعلا ، ( مش هوا بيدخل ) لا ده صوت زي طاحونة هوا بس على خفيف طبعا بس مش شايف انها بسبب العزل ، وحاسس انها عيب بسيط وسهل يتصلح لانى بسمعه من اتجاه واحد فقط اللى هو ابعد اتجاه عنى كسواق ( الصوت جاى من ناحية ورا يمين )

فلو مشكلة عزل كان من باب اولى سمعتها من باب السواق نفسه او من الباب اللى ورايا مباشرة ...
الصوت ده تقريبا ( مش متأكد لانى ماركزتش غير مرة واحدة ) بيظهر في رينج معين بس ! يعنى تقريبا بيختفى عند 120 ( على الاقل عندى انا !) الشيء الرخم انه بيظهر عند سرعة مش كبيرة يعنى بيظهر في رينج 80 كدة ويقل او يختفى عند 110-120 ( بس اخر معلومة مش متأكد منها اوى ومحتاج اجرب واركز تانى عشان اقدر اجزم بيها )

عموما مش الحاجة اللى تعطل الواحد عن شراء العربية وعن نفسى لو كنت اعرف الموضوع ده قبل ما اشتري وفي نفس الوقت عارف كل مميزاتها كنت هشتريها برده

موضوع الكلاكس هو فعلا مسموع جوة العربية بس في نفس الوقت انا مش بسمع اصوات خارجية وانا قافل الازاز ولو مشغل الكاسيت والتكييف مش بسمع حاجة من برة تماماااااا ، وده اللى يهمنى ، فموضوع الكلاكس ده مش هو الحكم الوحيد على عزل العربية

**Ahmedshalaby** · 28-10-2013 10:02 PM

انا بصراحة لسه ما كونتش فكرة كاملة عن الموضوع
لكن العربية عزلها كويس جدا
صوت الكلاكس بتاع العربية هو اللي عالي جدا و مزعج عشان كدا بتسمعه وانت قافل و دي ميزة مش عيب
بالنسبة لصوت ونة الهوا دا انا عايز اطلع على طريق سريع و امشي عشان اقدر اقيم و احكم عليه بس في النهاية الموضوع يكاد لا يذكر احنا بس اللي العربية فارضة علينا انها فئة اعلى من فئتها بشكلها و امكانياتها فمركزين معاها زيادة

**amrelsaqqa** · 28-10-2013 10:05 PM

المشاركة الأصلية كتبت بواسطة ahmedshalaby

انا بصراحة لسه ما كونتش فكرة كاملة عن الموضوع
لكن العربية عزلها كويس جدا
صوت الكلاكس بتاع العربية هو اللي عالي جدا و مزعج عشان كدا بتسمعه وانت قافل و دي ميزة مش عيب
بالنسبة لصوت ونة الهوا دا انا عايز اطلع على طريق سريع و امشي عشان اقدر اقيم و احكم عليه بس في النهاية الموضوع يكاد لا يذكر احنا بس اللي العربية فارضة علينا انها فئة اعلى من فئتها بشكلها و امكانياتها فمركزين معاها زيادة

تمام ما شاء الله على كلامك فعلا انا معاك في الحتة دى جدا

" احنا بس اللي العربية فارضة علينا انها فئة اعلى من فئتها بشكلها و امكانياتها فمركزين معاها زيادة"

**m.basha** · 29-10-2013 08:37 AM

هو فعلا ممكن الواحد بيبقى مركز اوى فى كل حاجة فى العربية عشان جديدة و ده اصلا لا يعتبر عيب هى مجرد ملاحظة و ادعولى بقى استلم على خير و شكرا

**هوندا** · 29-10-2013 01:35 PM

عفوا يا سادة إللي سامع صوت هوا داخل العربية مطلوب يراجع اتجاه هواء التكييف هل يأتى من الخارج أم تحريك الهواء داخل العربية فقط

**amrelsaqqa** · 29-10-2013 01:48 PM

المشاركة الأصلية كتبت بواسطة هوندا

عفوا يا سادة إللي سامع صوت هوا داخل العربية مطلوب يراجع اتجاه هواء التكييف هل يأتى من الخارج أم تحريك الهواء داخل العربية فقط

هو صوت هوا ولكن خارج العربية مش داخلها ابدا ..
واتجاه كأنه جنب العربية ورا يمين من برة ، على حد احساسى بيه ...

**Ahmedshalaby** · 29-10-2013 05:09 PM

ايوة بالظبط هو مجرد احساس بصوت ونة الهوا الخارجي

**Ahmed Amin** · 29-10-2013 06:05 PM

المشاركة الأصلية كتبت بواسطة amrelsaqqa

انا بسمع صوت ونة هوا فعلا ، ( مش هوا بيدخل ) لا ده صوت زي طاحونة هوا بس على خفيف طبعا بس مش شايف انها بسبب العزل ، وحاسس انها عيب بسيط وسهل يتصلح لانى بسمعه من اتجاه واحد فقط اللى هو ابعد اتجاه عنى كسواق ( الصوت جاى من ناحية ورا يمين )

فلو مشكلة عزل كان من باب اولى سمعتها من باب السواق نفسه او من الباب اللى ورايا مباشرة ...
الصوت ده تقريبا ( مش متأكد لانى ماركزتش غير مرة واحدة ) بيظهر في رينج معين بس ! يعنى تقريبا بيختفى عند 120 ( على الاقل عندى انا !) الشيء الرخم انه بيظهر عند سرعة مش كبيرة يعنى بيظهر في رينج 80 كدة ويقل او يختفى عند 110-120 ( بس اخر معلومة مش متأكد منها اوى ومحتاج اجرب واركز تانى عشان اقدر اجزم بيها )

كدا الصوت دا صوت الكاوتش يا عمرو,, مش صوت عزل خالص,,
أي صوت بيظهر علي رينج واطي زي ما بين 80 ل 90 أو 100 ويروح بعدها وقبلها بيبقي صوت من نقشة الكاوتش,,
رصرص وأظبط ضغط كاوتشك وأعمل Tire Rotation
غير الكاوتش اللي قدام باللي ورا,
وغير الكاوتش اليمين وديه شمال, والشمال يمين,

وإن شاء الله مش هتلاقي أي صوت علي كل السرعات,

**Akram.Gamal** · 29-10-2013 06:33 PM

المشاركة الأصلية كتبت بواسطة LeitoSR

كدا الصوت دا صوت الكاوتش يا عمرو,, مش صوت عزل خالص,,
أي صوت بيظهر علي رينج واطي زي ما بين 80 ل 90 أو 100 ويروح بعدها وقبلها بيبقي صوت من نقشة الكاوتش,,
رصرص وأظبط ضغط كاوتشك وأعمل Tire Rotation
غير الكاوتش اللي قدام باللي ورا,
وغير الكاوتش اليمين وديه شمال, والشمال يمين,

وإن شاء الله مش هتلاقي أي صوت علي كل السرعات,

مرحب برجوعك يا احمد

اعتقد ان لو الموضوع بسبب النفشه يبقى مفروض انه ده طبيعى و مش هيروح بتبديل مكان الكاوتش
و العربيه اصلا جديده مش محتاجه ولا ترصيص ولا تبديل ولا ايه ؟

و لو سمحت طلب
ياريت موضوع عن التامين على السيارات