ماجيستر فى الجودة (اعملها ولا لا)

**Angel_wolf** · 28-10-2013 09:22 PM

انا خريج هندسة اتصالات والكترونيات و وبشتغل حاليا

وكنت بفكر اعمل ماجيستير لان البكالوريوس مالوش لزمة دلوقتى

دلوقتى قدامى ان اعمل
ماجيستر اكاديمى عادى (دة لو ناوى ادرس وانا مش محبز الموضوع اوى)

ماجيستر فى الجودة ( بقت حاجة مهمة فى الشغل والشركات كلها بتطلب مهندسين جودة )

ماجيستر ادرارة اعمال mba ( هى غالية شوية كتير وحاسس انها ممكن تبعدنى او عن مجالى )

انا مستريح لموضوع الجودة بس عاوز اخد رائى الناس اللى هنا لان فى اكيد هنا ناس كتير عارفة عنى بكتير

وبرجاء سرعة الرد لانى المفروض اسجل الاسبوع دة على الاكثر

التسيل كلة هيبقى فى الاكادمية البحرية

**eslamrace** · 28-10-2013 09:35 PM

بص انا مش خريج هندسه ولا اعرف حاجه فى اللى بتقوله بس نصيحه اوزنها بمعيار الوقت والفلوس اللى حتتصرف مقابل ضمان تحسين الوضع المادى
شوف انهى حاجه من دول انت ضامن انه حيرجعلك بعائد كويس يغطى وقتك ومصروفك ومجهودك واعمله
انما لو حتصرف فلوس وانت كده كده شغال علشان علاوه 27 جنيه وكلام من ده ومكانه وبتاع بيتهيئلى استغل فلوسك ووقتك فى حاجه أأمن
واستنى اراء باقى الاعضاء الاكثر خبره واتمنالك تختار صح .
تحياتى.

**Angel_wolf** · 28-10-2013 09:53 PM

بص انا مش خريج هندسه ولا اعرف حاجه فى اللى بتقوله بس نصيحه اوزنها بمعيار الوقت والفلوس اللى حتتصرف مقابل ضمان تحسين الوضع المادى
شوف انهى حاجه من دول انت ضامن انه حيرجعلك بعائد كويس يغطى وقتك ومصروفك ومجهودك واعمله
انما لو حتصرف فلوس وانت كده كده شغال علشان علاوه 27 جنيه وكلام من ده ومكانه وبتاع بيتهيئلى استغل فلوسك ووقتك فى حاجه أأمن
واستنى اراء باقى الاعضاء الاكثر خبره واتمنالك تختار صح .
تحياتى.

متشكر جدا لحضرتك على سرعة الرد انا لو اخدت جودة هتبقى علشان اتنقل لمكان ووضع احسن منى كونى مهندس عادى لانى ساعتها هبقى خدت خبرة سنتين فى الشغل وكمان هبقى اخدت تخصص زيادة فده هيفرق معايا دة فى وهة نظرى و بكرر شكرى لحضرتك على ردك

**#MAAM#** · 29-10-2013 12:39 AM

أنا مهندس اتصالات والكترونيات وصدقني ياصديقي الكلام ده مش هيفرق في سوق العمل بجنية الموضوع كله خبرة وبس حتى الدراسة ملهاش لازمة ...... لو في مكان في دماغك ومحتاج الماجستير ده اتوكل على الله غير كده مش هتعرف القطاع الخاص مابيرحمش وانت اكيد محتاج فلوس علشان تصرف على نفسك أنا بدأت في ماجستير في القاهرة ودفعت الفلوس وحضرت كام محاضرة كنت ببقى نايم فيهم وماكملتش لو هتقدر تكمل للاخر اتوكل على الله لو لأ وفر فلوسك احسن ......... في رعاية الله

**MTAK** · 29-10-2013 12:57 AM

الفلوس طبعا عزيزه علي الكل
و المشكله اننا كشعب يغيب عنا فكر ان الواحد يستثمر في نفسه

شوف يا باشمهندس، اي علم هاتتعلمه هايفرق معاك سواء في العمل او حتي في حياتك الخارجيه

طالما ممكن تقدر توفر ثمن العلم لا تتردد

النقطه التانيه اننا بنحكم من غير وعي مسبق
ازاي

حاجه زي mba مثلا، كتير هايقول دي لا تناسبني و هاعمل بها ايه
كتير مش عارف هايعمل بها ايه لانه مش عارف هي ايه اصلا

مع دراستك فيها هتلاقي دماغك بتتفتح في سكك تانيه خالص انت مكنتش بتفكر فيها اصلا

لو علي الفلوس. مفيش دلوقتي اكتر من الفيديوهات اللي بتشرح كل حاجه و ببلاش علي النت
و طالما انت مش مستقر علي حاجه

يبقي خد وقتك في مثل تلك المصادر و شوف ايه المجا. اللي هاتحب تكمل فيه
--------

نقطه سوق العمل و خلافه و انك مش هاتجيب حق الشهاده و الكلام دا

مع احترامي للجميع، الارزاق بيد المولي عز و جل و كل ما عليك هو السعي

ممكن بعد ما تاخد الشهادهبمده تلاقي وظيفه طاليين فيها حاجه من اللي انت اخدتها

او يرقوا فلان في الشغل لانه حصل علي كذا و ساعتها هاتقول يا ريتني

و الغالي دلوقتي بكره رخيص. ، انا كنت عاوز ادرس mba و كانت وقتها ب 16 الف و كانوا معي و كانت مسؤلياتي الحياتيه بسيطه و فضلت مكسل لحد ما بقت الان اقل واجب 45 الف غير اني ملخوم في دوشه العيال و المدارس و الدروس

و بقول. يا ريتني. :)

**egyboy** · 29-10-2013 09:15 AM

انا وجهة نظرى زى الاخ الجميل mtak

توكل على الله واستثمر فى نفسك

كله بيرجع بفائدة والله

فلوس + مركز اعلى + درجة مميزة من التفكير

بس محتاج اعرف اكتر عن ماجستير الجودة ؟
ودراسته عبارة عن ايه ومواده وهو ايه اصلا :)

**ahmed4000** · 29-10-2013 10:32 AM

شوف شهادة مهنية فى الجودة احسن من الشهادة الاكاديمية
دور وشوف ايه المهم فى مجال الجودة
الماجستير والدكتوراة مبياكلوش عيش فى بعض المجالات وبياكلوا فى مجالات اخرى

**Angel_wolf** · 29-10-2013 01:21 PM

أنا مهندس اتصالات والكترونيات وصدقني ياصديقي الكلام ده مش هيفرق في سوق العمل بجنية الموضوع كله خبرة وبس حتى الدراسة ملهاش لازمة ...... لو في مكان في دماغك ومحتاج الماجستير ده اتوكل على الله غير كده مش هتعرف القطاع الخاص مابيرحمش وانت اكيد محتاج فلوس علشان تصرف على نفسك أنا بدأت في ماجستير في القاهرة ودفعت الفلوس وحضرت كام محاضرة كنت ببقى نايم فيهم وماكملتش لو هتقدر تكمل للاخر اتوكل على الله لو لأ وفر فلوسك احسن ......... في رعاية الله

بص حاليا اللى انا شايفة ان اغلب الشركات بقت عندها قسم للجودة وفى شركات عادية او صغيرة مش فارق معاها الكلام دة ةهو مواعيدة مش مسببالى ازمة الحمد لله وادعلنا نكمل فية على خير

الفلوس طبعا عزيزه علي الكل
و المشكله اننا كشعب يغيب عنا فكر ان الواحد يستثمر في نفسه

شوف يا باشمهندس، اي علم هاتتعلمه هايفرق معاك سواء في العمل او حتي في حياتك الخارجيه

طالما ممكن تقدر توفر ثمن العلم لا تتردد

النقطه التانيه اننا بنحكم من غير وعي مسبق
ازاي

حاجه زي mba مثلا، كتير هايقول دي لا تناسبني و هاعمل بها ايه
كتير مش عارف هايعمل بها ايه لانه مش عارف هي ايه اصلا

مع دراستك فيها هتلاقي دماغك بتتفتح في سكك تانيه خالص انت مكنتش بتفكر فيها اصلا

لو علي الفلوس. مفيش دلوقتي اكتر من الفيديوهات اللي بتشرح كل حاجه و ببلاش علي النت
و طالما انت مش مستقر علي حاجه

يبقي خد وقتك في مثل تلك المصادر و شوف ايه المجا. اللي هاتحب تكمل فيه
--------

نقطه سوق العمل و خلافه و انك مش هاتجيب حق الشهاده و الكلام دا

مع احترامي للجميع، الارزاق بيد المولي عز و جل و كل ما عليك هو السعي

ممكن بعد ما تاخد الشهادهبمده تلاقي وظيفه طاليين فيها حاجه من اللي انت اخدتها

او يرقوا فلان في الشغل لانه حصل علي كذا و ساعتها هاتقول يا ريتني

و الغالي دلوقتي بكره رخيص. ، انا كنت عاوز ادرس mba و كانت وقتها ب 16 الف و كانوا معي و كانت مسؤلياتي الحياتيه بسيطه و فضلت مكسل لحد ما بقت الان اقل واجب 45 الف غير اني ملخوم في دوشه العيال و المدارس و الدروس

و بقول. يا ريتني. :)

الاستثمار فى النفس دى ثقافة مش عندنا هنا فى مصر للاسف واللى بيطبقها قليلين ودول اللى فى الغالب بينجحوا جدا فى حياتهم

الفكرة دلوقتى انى فاضى ومعنديش التزمات معينة وعقبال لما اخلص دراسة سنتين ان شاء الله اكيد هبقى اتنقلت من الشركة اللى انا فيها او خدت مركز اكبر من اللى انا فية

ومش عاوز اندم قدام انى مخدتهاش

انا برده مهندس اتصالات ..وعايز اقولك ان مجال الجوده واخد من كل التخصصات ..اخويا دكتور بيطري !! وشغال في معهد الجوده التابع للاكاديميه البحريه انستركتور واستشاري جوده

المهم ياباشا ايه اخبار مجال الاتصالات ..انا في اخر جيشي وحاسس ان الدنيا مش كويسه

هو اخو حضرتك اسمة ايه ومتعرفش بيدرس مواد ايه
والله الدنيا ميتة شوية حلوين ومحتا وسطة حلوة علشان تروح مكان محترم

انا وجهة نظرى زى الاخ الجميل mtak

توكل على الله واستثمر فى نفسك

كله بيرجع بفائدة والله

فلوس + مركز اعلى + درجة مميزة من التفكير

بس محتاج اعرف اكتر عن ماجستير الجودة ؟
ودراسته عبارة عن ايه ومواده وهو ايه اصلا :)

ربنا يكرم يا رب واقدملها الاسبوع دة
دة البورشور بتاعها

**Angel_wolf** · 29-10-2013 01:25 PM

شوف شهادة مهنية فى الجودة احسن من الشهادة الاكاديمية
دور وشوف ايه المهم فى مجال الجودة
الماجستير والدكتوراة مبياكلوش عيش فى بعض المجالات وبياكلوا فى مجالات اخرى

ما انا لقيت ان كورسات المجيستر فيها كل كورسات الجودة اللى فى السوق وهبقى كدة معايا مجيستير و فى نفس الوقت درست الشهادات التانية

الموضوع: ماجيستر فى الجودة (اعملها ولا لا)

LinkBack

أدوات الموضوع

عرض

ماجيستر فى الجودة (اعملها ولا لا) - انشر الموضوع فى :

-

-

-

-

-

-

-

المواضيع المتشابهه

حد هنا عامل دبلومة الجودة؟

الجودة أم الكماليات

الجودة أم الكماليات

هيئة الرقابة على الجودة

الكلمات الدلالية لهذا الموضوع

المفضلات

المفضلات

ضوابط المشاركة